HOSIA 2:18 - OTSAO BAIBEL (BSI)

¹⁸ Ipongma kue faomüi janyax pangwüi füi tsaotsütle changüi, ikhoma hwome ku khünaknu to thomzün maklax ang müntomüi. Kue hwom haxtok angkya zankat chang-pax pangwüi awüt faüi, changlo hia hapnu, ibu pangwüi, ilaxle ku khünaknu a tumüi ma chaza angkya chitüile ngo ang tomüi.

HOSIA 2:18 ပူးပေါင်းရင်းမြစ်များ

EZEKEL 34:25

Kue hwom füi tumüi-lomkhaole ngo angkya tsaotsütkya tüiüi. Ija haxtok ma tüikya müima-nyaxshixbu pangwüi max ang tomüi, ile changkox tix wüi ku chunbu wunsa khato tamchu faonu mongto chaza angkya chemchu chitüile jip-pom ang thoüi.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

MÜNCHUAK-TSAI 46:9

Chaxwannu tok angkya achax-azan ngokya chixe azak; hapnubu chixe apak awüt, paxbu amale awüt, üntoxle dibu wün khato tak.

ISAIA 65:25

Shwon hia chun hosabue tomwüi saxlingle ngoüi; maihue saxkya ningle mailangbue tsaxsa saxüi, ilaxle pubu ma thomzün angkya chemchu chitüiüi. Zaion, ku otsao haxnu ma, thomzün angkya hia ochax chemchu müntüiüi.”

JOB LAIPEX 5:23

Nange manzaikya haxtok ma long müntüiüi; faomüie nang to otuechu münshingüi.

ZEKARIA 14:9

Ifüima Jowanpa a chaxwannu ma wanghompa ang changüi; noknusae chix a Zang changpule shwomüi ilaxle ija mün tuita mawüi chix tsingle laxdaoüi.

ZEKARIA 14:4

Ipongma chix, Jerusalem zong ma handünchi, Olip Haxnu ma ajongüi. Ifüima Olip haxnu a chongkya haxbang makhange handün hia hannop le ahanüi. Haxnu süifi a shuakux chito paoüi, ilaxle süifi a hannop chito paoüi.

ZEKARIA 3:10

Chemtue ija nyix hüiüihex, hünzom grep haxtok hia fupsa pünbue akhople tumüi-lomkhaole tüikya hia chaza angkya chemchu chitüile tokdomdakya to mongmüi ang hünzome ma tomzi se angkya changle.”

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

JEREMIA 33:16

Judah hia Jerusalem angkya khünaknu kho a sünüi ilaxle hwom a cha-ao-mongsao chemchu chitüile ngo ang kopüi. Ija tingnu ang ‘Jowanpa, kem Khosünpa’ le nyaküi.

JEREMIA 30:10

“Ku khünaknu, hünzom taxza; Israel khünaknu, hünzom abütkya taxtüi. Ija tsailo nok tokya hünzom kue sünüi, athax hünzom zanda ang ngole tüikya nok tokya a. Hünzom a ma hom to chatüi ilaxle mongsom ma ngoüi; hünzom to chem münthüi: ilaxle owaechu hünzom aza-anale chang ang müntom.

ISAIA 26:1

Khünaknue Judah haxtok ma ija tsai ngao angkya hanpak nyixta hüile ngole: Kem tingnu a tsak-zongle tüile! Zang chix jaoe ija long-katuk nyele thomle!

ISAIA 2:17

Khünaknu mongngam ashuküi, ilaxle khünaknu mongngam amadaoüi. Chapabu a komkaile maxüi, ilaxle ija nyix a Jowanpa, chix tata tix achuak-achenüi.

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

MÜNCHUAK-TSAI 23:2

Fumhingshüikya haxtok ma chixe ku nazak ang tom, üntoxle oe chikaikya tilua hato chixe ku zunle pao.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

JOB LAIPEX 5:22

Chakmok-janlangkya hia wokno-tilankya cha nang nyiüi, üntoxle faomüi thua nang münzaüi.

MÜNCHUAK-TSAI 148:10

tsomkya hia faomüibu pangnusae, alyangle ahamkyabu hia osabue.

ISAIA 32:18

Zang khünakbu a khosam angkya müntüiüi, hwom homhax mongsom hia ziakop ma ngoüi.

EZEKEL 39:1

Jowanpa Khüthak Zang-e thüi: “Ziün angkya khünak, Gog tha ajaokox. Chix a Meshek hia Tubal nokbu lompa tüichong changle, ilaxle ku a chix zanpa changpule thüikox.

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.