HOSIA 13:2 - OTSAO BAIBEL (BSI)

² Hwome khop-jan füi, shwom angkya hanpakma, khünak mong ma ajang laxle, khünak chak füi chapabu zingle, chizakle hwome ochax lyen ngole. Ifüima hwome akaxle: “Ibu ang tö apüile laxkox!” Maihupong ningle zinglaxle tüikya chapa ibu to noknusae tun chemle apongüidai!

HOSIA 13:2 ပူးပေါင်းရင်းမြစ်များ

HOSIA 2:8

She-e she ang saxziak, grepti-ju, olip münga, ilaxle she-e Bal baozang to shwom ang twonkya khop-jan hia hun, ibu pangwüi kue koxpule otuechu chiawan.

ISAIA 46:6

Khünaknu ma nyitsong dong ilaxle hunbu thok; khopjanbu hwome tuak ma thüt. Baozang zingle alai angkya hanpakma hwome hun jao mix apüi; ifüima hwome ija tong to puile akhuxle shwom!

1 WANGHOMBU 19:18

Ikoxlechu kue 7000 khünak Israel nok ma ozün ma toxüi, ibu a pangwüi Bal chichangba chixe chapabu tong to chipui ikoxle ku lwot-to le ngokyabu changüi.”

JEREMIA 10:4

ilaxle hun hia khop füi zale zingle. Ija a chidüt angkya hanpakmale janlak füi takle amongle thomle.

ROM NOK HATO ZAKYA POL LAIZA 11:4

Zange chix kax to chemle lan? “Othai Bal zang chishwomkya khünak; ku hanpakma hajat anüt khünak thompu.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

HOSIA 11:6

Zansinge hwom tingnubu to thule hüiüi ilaxle tingnu panbu amale awütüi. Ijae ku khünakbu amütüi büthüikoxle hwome müile le thütkyakya mokkoxpu.

HOSIA 10:1

Israel khünakbu a oziak füikya grep zu ningle tüikya. Hwom chemtukux ahak-aluale tüipuix, itukux lüile hwome tö-tsapbu zing. Hwom haxtok ma chemtukux puamün ang koppuix, itukuxle osün amüile hwome shwomle ngokya longlobu zing.

HOSIA 8:6

Israel zingpabue chapa zingle, ilaxle ija a baozang ngaxchu chichang! Samaria nok ma shwomle ngokya hun maihupong a thuple ashixle ofun ang achang angkya changle!

HOSIA 8:4

“Ku khünaknue wanghombu kamle, ikoxle ija hwome hwom mongtextex ma mokle. Hwome lompabu zünle, ikoxlechu ku ma chitik toxle mokle. Hwome hwom ma tüikya khop-jan hia hun, ibu füi chapabu zingle: ija a hwom mik max angkya hanpakma changpu.

ISAIA 46:8

“Ija texle ataklax, hünzom ochax khünakbu; kue chem mokle tsuakdaopuix ija awanlax.

ISAIA 45:20

Jowanpae thüi: “pangnusa asox hüi, chaxwannu nok angkya khünakbu, wangting max pongma azangle tüikyabu pangwüi; hünzom a thwonle ano ang koxlax! Khünaknu opange hwom kux pün chapabu füi tüipuix opange hwom azün ang chitho angkya baozangbu to shwomle ngopuix — khünaknu opange chemchu chitik-chiwanle tüipuix!

ISAIA 30:1

Jowanpae akaxdaoa: “Opange Judah nok apünle ngopuix hwom a ku füi alünle ajongkya khoma maxdaoa. Kue chizingkya mwotlom hwome tole, ilaxle ku mongtex füi apüile muamüi zangwün tsuaklaxle, ochax tuita dingma tuitale athünle.

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

2 PUKAX-PANGAO 33:23

Ikoxlechu chix a, hopa lailaile Jowanpa hato mongchatle chihüi, ikoxle hopa to kaile chix tuita ochax khünak ang achangle pao.

2 PUKAX-PANGAO 28:13

Hwome thüi: “Zanda ibu ikhato taxapüi! Keme Jowanpa zong ochax lyenle changdaoa ilaxle kem ang sikngün fatang le chix ang mongtsik adündaoa. Athax hünzome süchongchongle kem thaikya alai angkya oli moksele tsungopu.”

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

HUAKE LAIPEX 32:14

Ilaxle, athax hünzome hünpa hwom man ma, ochaxe awangkya tsünthom hozünbue Jowanpa ang tamchatle mongtsik adün ang azongpu.

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

HOSIA 4:17

Israel khünaknu a chapabu chajik-muashem fang ma tüile. Hwom ma lom to naxle-kox.

HOSIA 8:5

Samaria tingnu angkya khünaknue shwomkya hun füi zingkya maihupong thua ku anule. Ku ang hwom füi mong huanuma tsikle. Hwome ija chapa obi nyix füima dantoxüi?

HOSIA 10:5

Samaria tingnu ma ngokya khünakbu a zaüi ilaxle hwom hun maihupong samkya bama ija mang sople changüi. Bethawen ma. Hwom ilaxle ija chapa thothale ngokya zompu-zangpabu ija mang sopüi. Osün müile aza-apua thomkya ija hun sikle awütkya zuma hwom pangwüi sopüi.

HOSIA 14:3

Asiria-e kwom otuechu sün ang müntsuak ilaxle zankat manbue kwom kho awa ang müntho. Kwome kwom chapabu füi ibu a kwom Zang changle le chatle münthüi. O Jowanpa, owa hato pao angkyachu chitüile ngokyabu to nange chingcha ahohüi.”

ISAIA 44:11

Opangsae ija to shwom-tole changlaxpuix hwom a e-sekya chitüile awütüi. Chapabu zingle alaikya a khünak boma mama münchang. Ibu a kax füi nui to nguilaxle ajong ang tomkox — hwom a chabüt-lasünle changüi ilaxle ahaile sikngün apongüi.

JEREMIA 8:5

Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

HOSIA 11:2

Ikoxle kue chemtukuxle chix se-lompuix, itukuxle chixe ku hato tok aho.