HOSIA 13:1 - OTSAO BAIBEL (BSI)

¹ Thochi ma, chemtue Efraim e zangwünle changpuix, ipongma mama Israel homjenbu a tüle za; hwome Efraim to angakle hu. Ikoxlechu khünaknue Bal to shwomlaxle ochax lyen, ilaxle ija khoma hwom a ziüi.

HOSIA 13:1 ပူးပေါင်းရင်းမြစ်များ

HOSIA 11:2

Ikoxle kue chemtukuxle chix se-lompuix, itukuxle chixe ku hato tok aho.

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”

WANWÜNKAX 18:12

Puinaile machang tanto owa tochu achuak-achenle münchang; mongngam füikya khünakbu a omüt lom to tüile.

1 WANGHOMBU 12:25

Israel nok wanghompa Jeroboam, Efraim haxnu chithong ma tüikya Sekem tingnu ma pan hia zanhunuibu zaile ziakop, ilaxle onox ma ikhama ngo. Ifüima chix pao üntoxle Penuel tingnu ma pan zaile ziakop.

1 SAMUEL 15:17

Samuel-e thüi: “Nange nang owachu chichangkhato le thüt koxle nang a Israel nok lompa tuita changle. Jowanpae nang Israel nok wanghom ang münga füi lile kamle laxkya mix,

KAXFÜNPA-HWOM 12:1

Efraim nok a azan ang achwon; hwome Jordan Shuanu tale Zafon to ngui ilaxle Jefthah ang thüi: “Hünzom füi tomle ka ang kwom chiahyen homtoxle hünzome Amon nok zan to ka ang longzi büthüikoxle kaipu? Müidaoa hünzom khangkho ma hombu zokle ashunlax!”

KAXFÜNPA-HWOM 8:1

Ifüima Efraim noke Gideon ang thüi: “Midi nok füi azan ang kapongma hünzome kwom büthüikoxle chisepu? Hünzome kwom to ile büthüikoxle hwonpu?” Ija bama hwome mong ma kak lüwüi kaxthup-ngaotünle chang.

JIHUSUA 3:7

Jowanpae Jihusua füi akax: “Anyix kue chem moküihex ija makhange Israel noke nang a tuita alixachong khünak changle le achuak-achen angkya owang wang ang tomüi, ilaxle Mosa füi ngokya ningle ku a nang füi womle ngokya hwome awan ang kopüi.

HUAKE LAIPEX 13:16

Ibu a Kanan haxtok opaktik angkya hanpakma Mosa-e tsanle apaokya zyetmixbu changle. Chixe Nun sasün Hoshea ang mün Jihusua le alüixle kox.

HUAKE LAIPEX 10:22

Ifüima, Efraim homjen nyiluak fang ma tüipupu, othom-othom ma süile, Amaihud sasün Elishama lomzun ma laile achex.

PONGWANG LAIPEX 2:17

ikoxle omüi hia oma tsing angkya jepün angkya pünziak chisaxüi; chemthüikoxle ija angkya pünziak saxkya nyix wüi nang thüile ziüi.”

2 KORIN 5:14

Kwom a Khrista mongküne apün-awang laxle tüile, chemthüikoxle pangnu hanpak ang khünak tuita zidaoa, ikhoma pangnu wüi ija zik ma womüna le kwome laxle.

ROM NOK HATO ZAKYA POL LAIZA 5:12

Khünak tuita makhange chaxwannu hato ochax hüi, üntoxle chix ochaxe ija füi tomle zikya apüi. Ile changkyae khünak nüjen pangnu khato wüi zik tsale pao, chemthüikoxle khünak noke wüi ochax lyen.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

JOB LAIPEX 29:21

Kue zünsaile changpongma khünaknu dang; kue chem akaxpuix ija to mongkoxle apa.

JOB LAIPEX 29:22

Kue ashukdaokya to hwome janbo kox angkya chitüi; kutsai-kukax zangwat ti dütkya ningle zomle ju.

HOSIA 2:8

She-e she ang saxziak, grepti-ju, olip münga, ilaxle she-e Bal baozang to shwom ang twonkya khop-jan hia hun, ibu pangwüi kue koxpule otuechu chiawan.

HOSIA 8:4

“Ku khünaknue wanghombu kamle, ikoxle ija hwome hwom mongtextex ma mokle. Hwome lompabu zünle, ikoxlechu ku ma chitik toxle mokle. Hwome hwom ma tüikya khop-jan hia hun, ibu füi chapabu zingle: ija a hwom mik max angkya hanpakma changpu.

ISAIA 7:8

Büthüikoxle? Chemthüikoxle Siria a Damaska tukux tsak-zongle chitüi. Damaska a ija pongwün tingnu changkya. Damaska a wanghom Rezin tukux tsak-zongle chitüi. Ikoxle Israel nok hanpakma a, zanglao 65 mong ma, tuita jat-lile ngo angkya chifün chitüile maxdao angkya changle.

HOSIA 2:10

She mongkün hwom tunthoma kue she to chakmoküi, ilaxle kutsak kuzong chak tokya she owaechu pale tüi ang chithoüi.