3 Okhi honu wok-kha to ngotanto wüi Jakop a chix tüizyep Esau füi ashing; chemtue chix mixmüi ang achangle tsongpuix, chix Zang füi ashing:
Ifüima honao lai. Chix a hotüi Esau cha ma koplaxle lai, ikhoma hwome chix ang Jakop le amün. Ipongma Isak a zanglao 60 nguidaokya.
Tuita wüi kamle kopkya olom ma Jowanpa chix chaktung otya ma naxngolax ang, Zange she ang thüi: “Hotüi mixe honao thothaüi.”
Jowanpa ang Israel nok füi mongma, ilaxle chixe hwom chix miktho angkya max ang tom, ikoxle Judah tata danle tox.
Jowanpae Israel nok pangwüi chilaxle awüt, ilaxle chix miksho angkya hwom akiakya mixhuak komkaile ma-amüt ma-amütle tüle shixkya hwom zanpabu chak to kox.
Jowanpae chix da ajebu makhange hwom ang kaxkhün koxle hüikya ningle, chix miksho angkya hwom khünak tuita ota chitoxle ma-amüt ma-amütle hwome ochax lyen lüwüi ngo. Ikhoma Israel nok Asiria noke zanhok ma koplaxle pao, ilaxle hwom a athax kople ikha to ngo.
“Ikhoma, Jowanpa, kue ku khünaknu zongto chatle chu zangwün tsetwonkya tüiüi. Kue hwomsu-hwomsa hwom ma tsaitox-kaxfele changüi.
“Israel, oshuk a hüidaoa. Ku mongtsike hünzom to pokya hünzome awanle laxüi, chemthüikoxle hünzome mokle changdaokya olom tole kue hünzom to kaxfün fale ngopu. Hünzome mokdaokya zakkop mwot olüi kue achatle koxüi.
“Athax janbama wüi hünzome ku mongtsik janzüie pokya awanle hüiüi. Hünzome chem mokdaopuix ija bama kue hünzom ang kaxfün fale ngopu, ilaxle hünzome mokkya zakkop mwot hanpakma kue hünzom to olüix khomüi.
Ija haxtok ma ngokya khünakbu hanpakma tsaitox-kaxfekya zangwün apüi angkya Jowanpa ma kax tüile. Israel, chixe chem akaxpuix ija to apalax: “Haxtok ma mongong hia mongkün müntüi, ilaxle khünaknu ku ang Zang changpule mün-e.
Khünaknu füi tomwüile hünzomechu sikngün apongkya tüiüi! Kue hünzom to sikngün ang tomüi ilaxle hünzome achax daokya tsangthomle chang ang tomüi.
Jowanpae thüi: “Judah noke chatchatnaole ochax lyenle hüidaoa, ija khoma kue hwom to sik chiangün homle müntoxüi. Hwome ku hwon-nwot ajao ilaxle ku kaxtombu chilaxle changdaoa. Hwom, a hwompu-hwompa hwome opang thothale hüikya hex, ibu baozangbue lomchei to zunle paodaoa.
Hünzom haxnubu, oshuk chitüikya chaxwannu chifünbu, Jowanpae tsetwon-zangwün to apalax! Jowanpa ang ma khünaknu füi tsetwon-zangwün tüile. Israel khünaknu ma tsaihux-kaxhux fe angkya tüile.