HOSIA 11:1 - OTSAO BAIBEL (BSI)

¹ Jowanpae thüi: “Chemtue Israel a naosa tuita changkya hex, kue chix to mongkün ilaxle kusa ningle kue chix Ijip nok tokya nyakle apüi.

HOSIA 11:1 ပူးပေါင်းရင်းမြစ်များ

MATHI 2:15

Herod mazi mazile chix ikhato ngo. “Kue kusa Ijip tokya nyak”, le Jowanpa-e ajepa makhange akax ang tomkya kax kotok to ngai angkya kuxma ija ile chang.

LAIPAO 4:22

Ipongma nange ile akax angkya wüi changle, ‘Jowanpa, kue thüipu, Israel a ku somwang nao changle.

HOSIA 13:4

Jowanpae thüi: “Ku a Jowanpa, hünzom Zang changpu. Ijip nok tokya hünzom zunle apüikya ku changpu. Hünzom ang ku boboma mama Zang tammüntüi. Hünzom khosünpa a ku tix changpu.

HOSIA 2:15

Kue she kux grep haxtok achatle koxüi ilaxle tingtui haxsha a monghom kafülom ang achangüi. She Ijip nok tokya nguitanto, she tuita naocha ma tüipongma ku kax to lankya ningle she-e ikhato ku kax to lanüi.

JEREMIA 2:2

Jerusalem ma tüikya pangnusa hato ija kaxho fa angkya akax: “Nang naosom pongma chemtukux mongong ma chiale le tüikya hex kue münalak, künyi aju-asomle chang tanto owangpongma nange ku to tüle mongkünkya dai; sak-hax akaile nange ku mantole azüi, thomo-manzaile chichangkya haxtok akaile a.

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

HOSIA 12:13

Israel khünaknu Ijip nok chak to da ang ngokya chak tokya khosün angkya hanpakma Jowanpae ajepa tuita ahüi ilaxle hwom nuazingle kox.

EZEKEL 16:6

“Ipongma ku emakhange le le asu ilaxle nang aji ma tomlomle wotlaxle ngün. Nang a ajie awangle tüikya, ikoxle ku nang zi ang chitom.

TSAITONG-KAXTONG 7:7

“Jowanpae hünzom a mix to nüile pu-tsale tüikya khoma zünle kopkya münchang; chaxwannu ma sühixkya jat-li a hünzom changle.

HOSIA 12:9

Ikoxlechu Jowanpa, ku owae hünzom Ijip nok tokya alaile apüipuix, kue hünzom ami sak-hax to ngotox daokya ningle tamchatle nyihom to ngo ang tomüi.

LAIPAO 4:23

Chixe ku ang tö koxle ku shwom angkya hanpakma, ku sa pao ang laxkoxle kue nang ang thüipu, ikoxle nange chiapa. Athax a kue hünzom tüichongsasa langüi.’”

MÜNCHUAK-TSAI 129:1

Israel, nang naosom ma tüitan tokhange wüi chemle hünzom zanpabue sikngün fale hüipuix, ija kwom hama wünhüi.

JEREMIA 12:7

Jowanpae thüi: “Kue Israel nok dantoxdaoa; Kue zünle kopkya jat-li kue dantoxdaoa. Kue mongkünkya khünakbu ang hwom zanpabu ang achang angkya tsak-zong koxdaoa.

HOSIA 10:15

Bethel angkya khünaknu, hünzom to chang angkya a ija changle. Ija a hünzome mokdaokya khom-atsikkya ochaxbu khoma changüi. Zanhok owang wangkya füi tomle Israel wanghompa ziüi.”

LAIPAO 19:4

“Jowanpa kue Ijip nok to chempangle mok ilaxle olae hosa a ozangtok ma danle nwonle ahamkya ningle kue hünzom chemle nwonle paopuix üntoxle ikhato ku hato chemle apüipuix ibu pangnu hünzome ngünle hüipu.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

ISAIA 43:4

Kue chaxwannu nok pangwüi hünzom khosün ang dantoxüi, chemthüikoxle hünzom a ku zongto thalix changle tamchu ikhoma kue hünzom to kue mongkünle tamchu e-sele.

EZEKEL 16:22

Nange ma tsangtsa hangle nushix dongkya mwot mokle ngopongma nang naosom pongkya tsün onox tuita ma ngaxchu thütle chiatak: nang ma aji to wotle tomlomle ohua ma ngopongkya a.”