HOSIA 10:8 - OTSAO BAIBEL (BSI)

⁸ Awen angkya haxhua ma zaile tüikya baozang to shwomkya otsao nui, ojongkha ma Israel khünakbue chapabu to shwompuix, ija a amaüi. Hwom tö-tsap ding ma hingzang hia kongbüi-zu nyemüi. Khünaknue haxnubu nyaklaxle: “Kwom khomhüi!” tamchu haxhuabu nyaklaxle “Kwom to chwop-hüi!”, le thüiüi.

HOSIA 10:8 ပူးပေါင်းရင်းမြစ်များ

KAXHO MÜIKYA LUK 23:30

Ipongma hwome haxnubu füi akax ang sütüi: ‘Kwom ding to düthüi!’ Üntoxle haxkho tsuakyabu ang thüiüi: ‘Kwom to akhup hüi!’

MIKNGÜN-OHÜN 6:16

Hwome haxnubu hia longnubu nyakle akhong: “Chongwang thüntho ma thungkya mix hia Chun Hosa thoto kwom khom ang kwom ding to düthüi!

ISAIA 2:19

Chaxwannu to sile alox ang chix nguipongma, khünaknu a longtsyentua tokya longkunbu nuk to azwonnui tamchu Jowanpa tsak-zong hia chix fuazang thoto, haxwan tholaxle, ikhato paole azang ang azongüi.

HOSIA 9:6

Chemtue thama hüipuix ilaxle khünaknu afale paopuix, Ijip noke hwom ta ma asoxüi: ija a Memfi ma mang akhün angkya hanpakma changüi! Hwom tuina khopjanbu hia noxta hwom hom-hax zailaxle tüikya haxtokbu ma hingzang hia hux nyemle tüiüi.

AMOS 8:14

Opange Samaria angkya chapabu, Dan angkya baozang mün ma chichangba ‘Bersheba angkya baozang mün ma’ tsaosaxlaxle changpuix, hwom a nguakle paoüi ilaxle tamchatle chizole changüi.”

ISAIA 32:13

ilaxle hux pün hia kongbüi zubu ku khünaknu haxtok ma nyemle ngole. Hünzom mongmüi atungle ngokya hom-hax pangwüi tamchu khüzüne awangle tüikya tingnu tuita hanpakma.

MIKNGÜN-OHÜN 9:6

Ituke khünaknue zik lomüi, ikoxlechu ija otuechu chiataküi; hwome zise tsuüi ikoxlechu zik hwom thoto paoüi.

MIKA 1:13

Hünzom Lakish ma ngokyabu, manbu man-kanlin ma adang koxle. Hünzome Israel nok ochax thüi anole ilaxle Jerusalem ang ochax lyen ang tomle.

MIKA 1:5

Israel khünaknue ochax lyen ilaxle Zang zan to kale changdaokya khoma ibu ile changüi. Israel noke Zang zongto tüikya bama owa ma tsaitox kaxfele changüi? She jaoechu chapabu to shwomtole thaidaokya khoma Judah angkya pongwün tingnu Samaria ma feüi hia? Jerusalem ma jao feüi hia?

HOSIA 10:5

Samaria tingnu ma ngokya khünakbu a zaüi ilaxle hwom hun maihupong samkya bama ija mang sople changüi. Bethawen ma. Hwom ilaxle ija chapa thothale ngokya zompu-zangpabu ija mang sopüi. Osün müile aza-apua thomkya ija hun sikle awütkya zuma hwom pangwüi sopüi.

HOSIA 10:2

Khünak opang mong mix dyenkyae awangle tüipuix, athax hwome ma ochax khoma sikngün apong angkya wüi, Hwom tö-tsapbu Zang-e pünle awütüi ilaxle hwom otsao longlobu amaüi.

HOSIA 5:8

Gibeah ma zankhong nyazong mütkox! Ramah ma khong tinglyetkox! Bethawen ma zankat sungdünle changkox: Benjamin khünakbu, zan to ka ang a!

HOSIA 4:15

“Israel khünaknu hünzom ku zongto mongong chitüile tüikoxchu, Judah hwom tix ile tix taxnaktüi hom a. Gilgal chichangba Bethawen, ma shwom tole taxchang chichangba ikhama ozün ma tüikya Jowanpa mün ma tsaotsütle taxchang.

HOSIA 4:13

Hwome haxnukho to otsao nui to töbu koxle, ilaxle haxhuabu to chongkya pünnu hia fakfakchak le tüikya pünnubu tong to hwome so zokle shwomle, chemthüikoxle ija zangkhung zakzui ang müile tüikoxle! “Ikhokhoma, hünzom sacha hwom tsangtsa hangkya shekobu ang achang, ilaxle hünzom nomcha hwome chinunchakkaile chang.

ISAIA 34:13

Chongwang homlo hia long katuk füi swonle tüikya tingnu pangkha to hux hia kongbüibu nyemle changüi, ilaxle ikhato hijan hia shwonbu ngoüi.

2 PUKAX-PANGAO 31:1

Ija pangpwon wünzuale changkya füima, Israel khünaknu Judah haxtok angkya tingnu pangkha towüi pao ilaxle longlobu thuple ama, baozangchanu Asherah muabu dakle atsun, ilaxle songsari baozangbu to shwomkya onui hia tö-tsapbu pangwüi ama. Ija lailaile hwome mama Judah haxtok pangkha towüi, anaolechu Benjamin, Efraim, ilaxle Manasseh, ibu haxsüt to chuwüi hwon, ilaxle hwom hom to chat.

2 WANGHOMBU 23:15

Nabat sasün Jeroboam, owae Israel nok ochax lom to zule alyetpuix, Bethel angkya chixe zaikya baozang to shwomkya nui pünle awüt. Josiah-e ija tö-tsap bele adüt, longbu thuple akhix, ilaxle ibu haxbu ang achangle thuple akhix; chixe Asherah chapabu chuwüi zokle ashun.

1 WANGHOMBU 14:16

Jeroboam-e achax laxle Israel nok achax ang tomkya khoma Jowanpae Israel danle awütüi.”

1 WANGHOMBU 13:34

Ija ochaxe chix hato tamchu chix wangting hato olithule otam amüt angkya thama ahüi.

1 WANGHOMBU 13:2

Jowanpa kaxtom ma laxle ajepae ija tö-tsap to thuakzomle akax: “O tö-tsap, O tö-tsap, ija a Jowanpa kax changle: Dawid homkha ma Josiah le amünkya nao ngünüi. Nang ma tö koxle ngokya songsari tö-tsapbu ma zomzingle tüikya zompu-zangpabu chixe nang ding ma langüi, ilaxle chixe nang ma khünak za takle ashunüi.”

TSAITONG-KAXTONG 9:21

Hünzome jan füi zingkya maihupong chapa, ochax bwot kue kop ilaxle wünkha to tswonle awüt. Kue ija akhixle awüt, labu ang achang ilaxle ija labu a haxhua tokhange jenle jukya shuasa bang to tswonle awüt.

PONGWANG LAIPEX 3:8

Hansong zangwin wuwule tüipongma tsawat khato Jowanpa ahamkya hokhie atatle lax. Okhi a chix thoto khünle ngo.

HOSIA 2:6

She tsyenle thom angkya hanpakma kue hux pün füi tsawat azün ilaxle katuk swon angkya changle.

HOSIA 10:9

Jowanpae thüi: “Israel khünaknue Gibeah ma ochax lyenkya makhange wanglaxle ku zongto ochax lyenle ngokya mazak. Ikhoma Gibeah zane hwom ha alopüi.

AMOS 7:9

Isak susa hwome shwomle ngokya nui a pünle amaüi. Israel nok otsao nui a amale dantoxüi. Kue Jeroboam wangting a ashuk angkya hato ahüiüi.”

NAHUM 3:11

Ninewi, nang chuwüi jutok-saxngat mix ang achangle paodaoüi! Hünzome chuwüi ma zanpabu chak tokya azangle pao ang azongüi.

ISAIA 2:21

Chemtue Jowanpa chaxwannu to sile alox ang nguiüihex, khünakbu a longtsyentua tokya longkunbu nuk to khünüi ilaxle hax tho üntoxle Jowanpa tsak-zong hia chix fuazang tuntho angkya paole azang ang azongüi.

HOSIA 8:5

Samaria tingnu angkya khünaknue shwomkya hun füi zingkya maihupong thua ku anule. Ku ang hwom füi mong huanuma tsikle. Hwome ija chapa obi nyix füima dantoxüi?

AMOS 1:5

Kue Damaska tingnu angkya panbu atsunüi ilaxle Awen Haxsha ma ngokyabu hia Betheden apün-awangle ngokya mix apaoüi. Siria nokbu a Kir nok to zanda ang kople paoüi.”

AMOS 3:14

Hwom ochax khoma kue Israel khünaknu to fuxtsüi ang tomkya nyix, kue Bethel angkya tö-tsapbu pünle amaüi. Tötsap tüikya ozong a pünle amaüi ilaxle ija hax to nguak ang tomüi.