HOSIA 1:7 - OTSAO BAIBEL (BSI)

⁷ Ikoxlechu Judah khünaknu hato kue mongkün ahoüi. Ku, Jowanpa, hwom Zang-e hwom khosünle kopüi, ikoxle ija kue ochax-ozan ma: chang-hi-pax, sanhap hia hapnu chichangba man hia mankho ma ngakya khünakbu, ibu füi tsuakle faüile münchang.”

HOSIA 1:7 ပူးပေါင်းရင်းမြစ်များ

ZEKARIA 4:6

Ifüima kaxtaimixe ku ang, Zerubbabel hato Jowanpa kaxho ija kox angkya akax: “Janzüi makhange münchang, tsak-zong makhange münchang, ikoxle ku Chasa makhange tix, le Jowanpa Khüthak Zang-e thüile.

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

2 WANGHOMBU 19:35

Jowanpa kaxtaimix ija ja Asiria nok to paolaxle süpahi 185, 000 lang. Ofüinop zangzunge, khünak ibu pangwüi omang ang achangle ikhama bang.

HOSIA 11:12

Jowanpae thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

MÜNCHUAK-TSAI 33:16

Wanghompa tuitae chix süpahi janzüi füi lütkya chichang; süpahi tuitae chix janzüi füi zan to anaokya chichang.

1 SAMUEL 17:47

ilaxle chix khünaknu khosün ang Jowanpae chang hia pax laxle ngo angkya chem mwot müntüi, le ikha angkyabue awan ang kopüi. Zan pangnu to chixe wüi lütpu, ilaxle athax hünzom pangwüi chixe kwom chak to kox angkya changle.”

2 WANGHOMBU 19:29

Ifüima Isaia-e Hezekiah ang thüi: “Ija a ibu chemle chang angkya hex, ibu bama mowan changpu: Ija zanglao hia ngaizangkya zanglao, nange sax ang a faotsax tata wüi ang changüi, ikoxle ifüi zang a nange nang tsaxshit ang tamchu tsaxtu ang kopüi, ilaxle grep küi laxle grep ziak sax ang kopüi.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

JEREMIA 25:5

Hünzom chichangchizangle ngokya zanglom hia ochax mwotbu tokya mongchatle chang angkya hwome hünzom hama akaxpu; ile changkox tix wüi hünpu hünpa hwom ang othuithuima hwom kux hex-ole koxkya ija hünzom haxtok ma hünzom chemsua chisixle ngole hüitsuak angkya chang koxle.

JEREMIA 25:6

Hwome hünzom hama mama baozangbu to shwom-tole hia ibu thothale chichang angkya, ilaxle hünzome zingle alaikya chapabu to shwomle changkya makhange hünzome Jowanpa ang mongtsik chiadün angkya akaxpu. Hünzome Jowanpa kax ma laxle tüikoxba, chixe hünzom to sikangünle münchangse.

JEREMIA 33:26

Kue ija otsing tomtata ma chemle mokpuix ilailaile Jakop hia ku dapa Dawid hokhi füikya ku tsaotsüt kue otya ma thoma angkya changpu. Abraham, Isak hia Jakop hwom su-sa hwom thakma apün angkya kue Dawid sasün hwomkha angkya tuita zünle kop angkya changle. Kue ku khünaknu to chingchale tüiüi ilaxle hwom a tamchatle ahak-aluale tüi ang tomüi.”

HOSIA 1:8

Gomar-e ija nao tuxle atsün füima she ma tamchatle nao tüi ilaxle sasün anyi-lükya pux.

LAIPAO 14:13

Mosa-e lan: “Hünzom ojao taxza! Hünzom mongchongle ajonglax ilaxle hünzom khosün ang Jowanpae chemle mokpuix ngün ang kopüi. Hünzome Ijip nok ibu tamchatle ngün ang kopüi münchang.

LAIPAO 14:30

Ija nyix Jowanpae Israel khünakbu Ijip nok chak tokya azün. Ofüima Israel khünakbue ibu mang tinukax to ngünle lax.

2 WANGHOMBU 6:18

Chemtue Siria noke single hüipuix, Elisha-e zangjop: “O Jowanpa, khünak ibu ang mik apwom ang tomkox.” Jowanpae chix zangjop to lan ilaxle hwom ang mik apwom ang tom.

2 WANGHOMBU 19:34

Ku münchong hia ku dapa Dawid füikya ku tsaotsüt tüikya khoma, kue ija tingnu kho awale kopüi ilaxle sünle kopüi.’”

MÜNCHUAK-TSAI 44:7

ikoxlechu zanpabu chak tokya nange kwom khosünle koppu ilaxle kwom to miktsakle ngokyabu to anaopu.