HOSIA 1:11 - OTSAO BAIBEL (BSI)

¹¹ Judah angkya khünaknu hia Israel angkya khünaknu tuita ang achangdaoüi. Hwome hwom obama lompa tuita wüi zünle laxüi, ilaxle hwom a hwom haxtok ma tamchatle putsale ahak-aluaüi. Changle, Jezril tsün chaxwan-zanghan a huanu chongkya changüi!

HOSIA 1:11 ပူးပေါင်းရင်းမြစ်များ

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

ROM NOK HATO ZAKYA POL LAIZA 11:15

Chemthüikoxle hwom chilaxkya zuma, chaxwannu a Zang füi zuikhui ang achang. Ikoxle hwom pongle kopkya zuma chemle changüi? Ija a zingo ünkyabu hanpakma khüzün ang changüi!

JEREMIA 50:19

Kue Israel khünaknu a hwom chaxwan to chatle ngui ang tomüi. Karmel Haxnu hia Bashan wankam ma münkya puamün hwome saxüi, ilaxle Efraim hia Gilid haxsüt angkya hwome saxse tsukya süt puamün hwome saxüi.

JEREMIA 30:3

chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

MÜNCHUAK-TSAI 110:3

Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.

JEREMIA 30:7

Nu zao hanpak tuita hüile ngole; ija nyix füi mama nyix chemningkya chu apyen ang münmüi— ku khünaknu hanpakma künmax-mongshan hanpak tuita, ikoxlechu hwom a münzi-münmax.”

JEREMIA 30:21

Hwom thak ma apün ang hwomkha angkya wüi ngaiüi, hwom wanghom ang hwomkha angkya ngaiüi. Kue sepongma chix ku hato hüiüi, chemthüikoxle chinyakkya mix ku hato owa mongchongle hüiüi? Hwom a ku khünaknu ang changüi, ilaxle ku a hwom Zang ang changüi. Ku, Jowanpae ija akaxdaoa.”

JEREMIA 32:37

Ku mongtsik-mongma tokhange kue hwom chiakle asam thomkya chaxwan pangkha tokya wüi kue khünaknu asox-asaüi angkya changle, ilaxle kue hwom ija haxtok to tamchatle ngui ang tomüi ilaxle ija khama chem chaza angkya chitüile ngo ang tomüi.

EZEKEL 39:25

Jowanpa Khüthak Zang-e thüile: “Ikoxlechu athax kue Jakop susa hwom, Israel nok hato chingcha ahoüi, ilaxle hwom a tamchatle ahak-aluale chang ang tomüi. Kue ku otsao mün kho awa angkya changle.

HOSIA 2:1

Ma füikya Israel nok “Zang khünaknu” tamchu “Jowanpae Mongkünkyabu”, le nyakkyabu.