HOSIA 1:10 - OTSAO BAIBEL (BSI)

¹⁰ Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

HOSIA 1:10 ပူးပေါင်းရင်းမြစ်များ

2 KORIN 6:18

Ku a hünzom Hopa changüi; hünzom a kusu kusahom changpu, le Khüthak Zange akax.”

JUHAN 1:12

Bachutix züizüie chix pongle koplaxle chix to ong; ija khoma chixe hwom ang Zangsu Zangsabu ang achang angkya tsakzong kox.

ISAIA 43:6

Shuakuxchi tokyabu füi kue hwom danle achat angkya kax koxüi ilaxle shuathongchi tokyabu ang hwom kople taxthomle akaxüi. Tsailo to ngokya Ku khünakbu ngui ang tomkox, chaxwannu nok pangnukha tokya wüi a.

HOSIA 2:23

Ija haxtok ma kue ku khünakbu zingle alaiüi ilaxle hwom ahak-aluale chang ang tomüi. “Mongkün Chikopkyabu”, le wünkya pangnusa hato kue mongkün ahoüi. “Ku khünaknu Münchang”, le awüt thomkyabu hatochu ku mongkün tüiüi. Kue thüiüi: “Hünzom a ku khünaknu changle”, ilaxle hwome lanüi: “Nang a kwom Zang changle.”

ISAIA 66:20

Hwome hünzom füikya Israel khünakbu ku hato hingho tuita ningle laxle apüiüi. Hwome ibu a Jerusalem angkya ku otsao haxnukho to apüiüi ibu a mankho ma, mantsakbu kho ma, ilaxle utbu kho ma, man-kanlin hia maihue linkya zyenbu kho ma apüiüi; ija a Israel noke zanglom ma otsao ang twonle ngokya tik-lakbu ma Zangshwom-Hom to töbu apüile koxkya ningle changüi.

PONGWANG LAIPEX 13:16

Kue nang ang owaechu akiak ang chithole su-sa hwom huanuma koxüi; hwom akiakkya füi a chaxwan tok angkya haxbu akiakkya wüi ochwon changüi!

HOSIA 1:9

Jowanpae Hosia ang thüi: “Ija nao ang ‘Ku Khünak Münchang’ le amünkox, chemthüikoxle Israel khünaknu a ku khünaknu münchang, ilaxle ku a hwom Zang münchang.”

PONGWANG LAIPEX 22:17

Ding angkya lyettsi hia tinu kax tokya sak büta kue nang ang sixlibu kox angkya tsaopu. Nang sixli hwome zan-nokbu to tingtakle tsuaküi.

IBRI 11:12

Abraham omang bütukuxle changün koxlechu, ija mixsün tuita makhange ding angkya lyettsi büta tamchu tinu kax angkya sak huak büta tüle-tüle osix-oli ngui.

PONGWANG LAIPEX 32:12

Nange ku ang, pangnu müile hüi angkya tamchu owaechu akiak ang chithole shuanu kax angkya fixtsang büta kusix-kuli lai ang koxüihex-ole tsaokya nang kaxtsao texle atak-hüi.”

JEREMIA 33:22

Kue ku dapa Dawid hwom sixli hia Liwi hwom homjen zompu-zangpabu pu-tsale chang ang tomüi, ikhoma hwom khünak huak a ding angkya lyettsi hia tinu kax angkya fix büta okiak chithole tsaüi.”

ISAIA 48:19

Hünzom su-sa hwom a sak-tsang bütale tüiüi, ilaxle kue ibu otuechu chiama angkya zingle tsuakse.”

ROM NOK HATO ZAKYA POL LAIZA 8:19

Zang chakzing pangnue wüi Zange Hosa angaile ahokya ngün ang mong ma sungle tanle ngole.

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

ISAIA 65:1

Jowanpae thüi: “Ku a ku khünaknu zangjop to lan ang achwonle tüikya, ikoxle mix hwome zangjao chijopkha. Hwome ku naxatakkoxle ku achwon ngokya, ikoxle hwome ku lom ang ojao chiazong kha. Kue, ‘Ku ikhama tüile; kue hünzom to asunüi’, le hwom zangjop to lan ang achwonle ngokoxchu onoke jao ku to chijopkha.

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

2 SAMUEL 7:24

Nange Israel nok a othuithuima nang khünaknu ang zing, ilaxle Jowanpa, nang a hwom Zang ang achang.