HAGAI 2:9 - OTSAO BAIBEL (BSI)

⁹ Zangshwom-Hom hozün a hozang füi ataitoxle osün müile tüiüi. Ikhato kue ku khünaknu ang ahak-aluakya hia tumüi-lomkhaole ngo ang tomüi.” Jowanpa khüthak Zang-e akaxdaoa.

HAGAI 2:9 ပူးပေါင်းရင်းမြစ်များ

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

JUHAN 14:27

“Kue hünzom füi mongsom toxpu; ku mongsom tuita kue hünzom ang koxpu; kue ija hünzom ang chaxwannue koxkya ningle koxkya chichang. Hünzom ang mong male tamchu abanle taxngo, tamchu taxza.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

KAXHO MÜIKYA LUK 2:14

“Zangkho atsua kya khato, Zang fuazang kya naxtüi; zangfang ma chix mongmüikyabu füi, mongsom naxtüi!”

JAKOP 2:1

Kutüi kunaohom, fuazangkya Jowanpa, kem Jowanpa Jisu Khrista to ongkya khünakbu daile, hünzome otok sünngün khoma khünaknu to masüi mixlüi le taxtüi.

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

MIKA 5:5

ilaxle chixe tumüi-mongsom apüiüi. Chemtue Asiria nok, keme ziakople thomkya pan kaile, kem chaxwan tingtakle changüihex, keme kem kha angkya mixtsak naomüibu hwom füi azan ang apaoüi.

ISAIA 60:7

Kedar hia Nebaioth angkya chunbu Töbu ningle hünzom hato apüiüi Ilaxle Jowanpa mong amüi angkya hanpakma tö-tsap ma ibu tö koxüi. Amipongkya füi ataxle müile Jowanpae chix Zangshwom-Hom fuazangle zingüi.

ISAIA 66:12

Jowanpae thüi: “Kue hünzom hato okuilole ngo angkya ahak-aluakya apüile faüi; chaxwannu nok angkya tuina hünzom hato otuechu chizopkya shuajen ningle jenle nguingoüi. Nang a, tüle künkak mongkün füi ma ahui-jak ma pailaxle honue tuitae apu-achangle hume thomkya nao ningle changpu.

HAGAI 1:8

Athax haxnukho to donglax, pündak mix koplax, ilaxle Zangshwom-Hom azünle zailax; ifüima ku ang mongmüiüi üntoxle ku to chemle shwomse hex ile shwomüi.

HAGAI 2:3

“Amipongkya Zangshwom-Hom chemtukuxle osün müile tüikya dai, hünzom khama owawae wüntsuak ang cha? Athax ija hünzome chemle ngün? Amikya tuto ija chemchu chichangkya ningle ngüntüi angpu.

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

EZEKEL 43:5

Jowanpa Chasae ku nwon ilaxle hommong angkya lopsha to apüi, ikhato kue Zangshwom-Hom a Jowanpa fuazangkyae awangle ngün.