FILIPI 4:8 - OTSAO BAIBEL (BSI)

⁸ Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

FILIPI 4:8 ပူးပေါင်းရင်းမြစ်များ

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

2 KORIN 8:21

Jowanpa miksho tata ma chichangle khünak mikngün machu sule mok angkya a kwom tutex.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

IBRI 13:18

Kwom hanpakma zangjople ngohüi. Kwome awanle ngopu, kwom khangka hingle tüile, chemthüikoxle chaliama kwome chem supuix ija mokse tsupu.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

EFISIA 5:9

Chemthüikoxle müikya Otsao Chasa ilaxle otsingtsing oli pangwüi a zangngai oziak changle.

TITA 1:8

Chix a mix wünpwon mankya hia chem müipuix ija to künkya mix chang angkya oli. Chixe ma alüile akumathum angkya, otang ma ajangkya mix, tsaokya mix tamchu zanglom saikha müikya khünak changkoxle müiüi.

1 JUHAN 3:3

Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

TITA 3:14

Otsing tomtata ma othang odang apongkya to asun azu angkya bama, kem khünakbue müikya mwot mokle ma hanpak ashix angkya awanle kop angkya oli changle.

ROM NOK HATO ZAKYA POL LAIZA 13:13

Chinunchakkai hia jutok saxngat chitüile, müi-hi-aji küntsu monglua lom ma hia chitsaokya lom ma chichangle, ahe atsikya hia afux-alaokya chitüile; anyixningkya zangngai ma ngokyabu ningle kem zanglom saikha müile ngo angkya thüt-hax.

WANWÜNKAX 20:7

Otsingtsing zangwün tamchu sukya mwot mokkya hopa tüikyabu a tüle shomüikya su-sa hwom changpu.

JAKOP 1:27

Zang kem Hopae, changkya üntoxle otsao zanglom ang ekya a ija changle: Hwom sikngün pongma zomnu khaxsabu to humekya üntoxle chaxwannu onu-oma chemechu nun-maokya chitüi le malailai to ibu füi atsaile ngo tsuakkya, ibibi changle.

1 JUHAN 3:18

Kuli-kunaohom, kem mongkün a kax hia zangwün tata ma chichangüi; ija a mwot makhange ngün ang tomkya mongkün otsingtsing chang angkya oli.

TITA 2:2

Azupabu bama, toknga le chitüi angkya, künli-montang angkya, tamchu ma alüile akumathum angkya; hwom mongong ma, mongkün ma, tamchu thuakjok ma tsaotha le tüi angkya adangle laxkox.

2 KORIN 13:7

Wangshempa tuita ningle ku thaile ngoünkoxlechu naxchangkox; othuithuima ku zangjop a hünzome thaikya chimok angkya hanpakma changle. Hünzom hanpak to ku tutex a, ku mikngün zongto tholünkya ningle chichangle hünzome sukyakya naxmok le changa.

KOLOSI 4:5

Hanpak omüi otwon manle, mongong mix chichangkyabu zongto hwon zaile mokkox.

1 PITAR 4:8

Pangnusa thakma, tata to chizakle mongkün tüilax, chemthüikoxle mongküne tüpong tüpongkya ochaxbu to chwop khom ang thole.

2 SAMUEL 23:3

Israel nok Zang-e akaxdaoa; Israel nok khowapae ku ang thüi: “Wanghompa owae chix sukya füi apünpuix, owae Zang kax ma laxle apünpuix,

ROM NOK HATO ZAKYA POL LAIZA 13:3

Chemthüikoxle apün-awangkyabu a mwotmüi mokle ngokyabu, za angkya hanpakma münchang ikoxle chichang-chizang saxmokle ngokyabu za angkya hanpakma changle. Apün-awangkya mix thua chiza homtoxle nang ngose tsucha? Ile jangtsu thüiningle, chem müipuix ija moklax, ikoxle chixe nang achuak achenüi.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

FILIPI 3:1

Oshukma ku tüinaohom, Jowanpa füi notomkya ma mongmüi pwonla lax. Thoto zadaokoxlechu ija kax kue chatchatnaole akaxpu üntoxle hünzom zongma ija omüimüi wüi.

ROM NOK HATO ZAKYA POL LAIZA 2:29

Ikoxle zale thomkya wanlom makhange chichang homtoxle Zang Chasa mwot makhange owa mongtsang ma khwonzüt zom zingdao laxpuix, ija khünak tix mong ma otsingtsing Jehudi khünak changle. Ija khünake achuak achenkya Zang tokhange kople, khünak tokhange münchang.

ISAIA 26:7

Jowanpa, müikya khünakbu lyetlom nang zingle amüi; hwom ahamkya lomtang a ajitle tüile.

WANWÜNKAX 31:31

She mwot pangnu bama she ang münchong fakox. She a noknusae ese ang asupu.

1 TIMOTHI 2:2

Ija ningle wanghombu hanpak ilaxle opang kem thakma apün-awangle ngolaxpuix, hwom hanpakma chichangba chongkya hünlix laxlaxle ngokyabu hanpakma, kem dangjale tamchu mongsom ma pangnu to Zang achuak achenle ilaxle olom ma changle saxmok le chang angkya zangjop kox.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

TSAITONG-KAXTONG 16:20

Othuithuima masüi-mixlüikya chitüile tüilax, ile changkox tix Jowanpa hünzom Zang-e hünzom ang fakya ngokya haxtok hünzome kopüi ilaxle ikhama hünzom jento ngo ang kopüi.

EFISIA 6:14

Idaile, otsingtsing a züpak ang laxlaxle, chasa ma tsaokya khaxtok khwop ang laxlaxle,

1 THESALONIKA 4:12

Iningle changkya tokhange hünzome chiongkya khoma hünzome chathua zakya ataküi, tamchu nange laxse lükya mwot-kat bama nange owawa to onglaxle ngo angkya münchang.

EFISIA 4:25

Ifüima atsekya taxtüi! Pangnusae tomzi füi kaxtsing akax angkya changpu, chemthüikoxle kem a noknusa wüi Khrista tompo ma womkyabu changle.

2 KORIN 6:8

Kwom a achuak achen ilaxle adix-ada. Kwom ajao ahai ilaxle achuak achen. Kwom a khualop mix ang lax.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

JUHAN 7:18

Owae ma mongtex ma zangwün puix, chixe ma münchong lomle; ikoxle ma tsanle ajokya mix bama münchang owae lompuix, chix otsingtsing ilaxle chix ma thaikya müntüi.

KAXHO MÜIKYA LUK 2:25

Iponge Simeon le amünkya mixpa tuita Jerusalem ma tüikya. Chix a müikya mix tuita, zangshwom ma zongkya üntoxle Israel khosün hanpakma tanle ngokya mix tuita changkya. Otsao Chasa chix ma tüikya.

MARK 6:20

Chemthüikoxle Herod-e, chix thaikya chitüikya otsao khünak tuita changpule awanlaxle chaza üntoxle sünle thom; ilaxle chix ang Juhan kax atat-tatba huanuma khangkho sam. Ile changkoxlechu chixe Juhan kax apase le tsu.

WANWÜNKAX 11:1

Tuakthüt müile chitwonkya khünakbu thua Jowanpa anule. Chix a tuakthüt otya ma thomkyabu füi mongmüile.

RUT LAIPEX 3:11

Rut, athax nang taxaban. Nange ju-lomkya kue bakle mokfaüi; tingnok angkya khünak noknusae awanle ngopu nang ang tuita müikya mixcha changle.

KAXHO MÜIKYA LUK 16:15

Jisu-e hwom ang thüi: Hünzome hünzom alüile khünak thüntho ma hünzom chithai kya ang achangle, ibachu Zange hünzom kün-mong awanle; chemthüikoxle khünak zong to thanu-juapa le ekya bwot Zang zongma tüta ziakhochu münngui.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

WANGSHEMBU MWOT 22:12

“Damaska ma tüikya Jehudi nokbue achuak achenle twonkya kwom Wanlom tokya otsao khünak tuita Anania le amünkya mixsün tüikya.

TSAITAX-NGAONÜI 5:16

Chix wikha füi tun apongkya tiwüi ti; chix ma tüipu pangnusae ku ang mong amüi. Ku mowünpa a ija ningle tüile, Jerusalem angkya sheko hom.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

1 TIMOTHI 5:2

azunu to manu ningle, ilaxle naochabu to mana manao ningle, küntsao mongthakya füi hume kox.

KAXHO MÜIKYA LUK 23:50

Jehudi tinglong angkya Arimathia nok Jusep le amünkya mixsün tuita tüikya. Chix a khünak omüi, achuak achen koxle asule tüikya ilaxle Zang Wangting hüikya tanle ngokya mixsün tuita changkya.

WANWÜNKAX 31:29

Chixe thüi: “Shekobu müikya kakonubu tüihule, ikoxle hwom pangnu khama nang wüi sümüikya changle.”

WANWÜNKAX 16:11

Tuak ma thütkya hia olwot-ojang thütkya tamchu tha-jua hangkya otyatya ma mok angkya Jowanpa mongtex changpu.

WANWÜNKAX 12:4

Müikya kakonu tuita a she kakopa münchong tamchu chix mongmüi changpu; ikoxle kakopae zakkop ang tomkya kakonu tuita a chix zongto za mongto kakpaxle shankya tuita ang achangpu.

1 TIMOTHI 3:4

chixe ma kako müile apu-achang ang tho angkya tamchu pangnu lom ma wüi susabue chix chathua zale tüi angkya bama hwom züntsuak angkya changle.

WANGSHEMBU MWOT 6:3

Idaile tüi-hi-naohom, Otsao Chasa hia hwon-je e awangle tüile le atsingshokya mix hünzomkha angkya mixsün anüt zünlax, ilaxle kwome hwom ija ngun-syen twon angkya mwot to süt ang tomüi.

MATHI 22:16

Ofüima hwome hwom wangshembu tamchu Herod othom kha angkya khünakbu züita Jisu hato tsanle apao. Hwom nguilaxle thüi: “Nwotmix, kwome nang a mixmüi changpule awanle; khünaknue tütale wüi thütkoxlax tamchu owa thuachu chizale, nange khünaknu hama Jowanpa bama otsingtsing anwot-anole le kwome awan ngopu; chemthüikoxle nange khünak chifün to chihu.

WANWÜNKAX 31:10

Mwt-tsuakkya kakonu atak ang chemtukux tsakpuix! Iningkya mixcha a thalix likwün füi ngaxchu achongkya changpu!

IBRI 11:2

Hwom mongong khoma kaipongkya khünakbu ang Zange changkox a le thüi angkya atak.

1 TIMOTHI 3:11

Hwom kakonubuchu wüi müikya zanglom saikha füi tüi angkya ilaxle zaman mix chichang angkya changle; hwom a tok-ngakyabu füi atsaile ngo angkya üntoxle pangnuli towüi mongao chitüi le chang angkya oli.

2 KORIN 8:18

Kaxho Müikya apukle mokkya mwottho ma müimüithom pangkha to wüi achuak achenle tüikya tüinao tuitachu chix füi tomle apaopu.

2 SAMUEL 1:23

“Sol hia Jonathan nyi, mongkün chingchae awangkya nyi; ozün ma tüipongma chu tomtomle, zik machu tomtomle; ola pik to kai, chax tsak-zongto kaile.

2 PITAR 3:1

Ku mongkün tüinaohom, ija a hünzom hato anyi lükya ku laiza changle.

MÜNCHUAK-TSAI 82:2

“Hünzome chisukya kaxfün fale ngokya zak angkya wüi changle; chichang-chizangkyabu to hünzome süi-chapkya chemchu chitüi angkya oli changle! Selah

ROM NOK HATO ZAKYA POL LAIZA 14:18

Üntoxle khünak opange ile Khrista mwottho thaüihex, hwome Zang mong amüi ang tsuaküi ilaxle khünakechu hwom mwot ang changkox a le thüiüi.