FILIPI 4:7 - OTSAO BAIBEL (BSI)

⁷ Üntoxle Zang mongkün oja khünake tsingwankya zia kaile tüipuix, ija Khrista Jisu füikya notom ma nang mongtsang hia tutex sünle thomüi.

FILIPI 4:7 ပူးပေါင်းရင်းမြစ်များ

JUHAN 14:27

“Kue hünzom füi mongsom toxpu; ku mongsom tuita kue hünzom ang koxpu; kue ija hünzom ang chaxwannue koxkya ningle koxkya chichang. Hünzom ang mong male tamchu abanle taxngo, tamchu taxza.

ISAIA 26:3

Jowanpa, nange okhonguikya mongsom fahüi hwom mongtex shingmongle thomkyabu ang a tamchu nang to mongongle tüikyabu ang a.

2 THESALONIKA 3:16

Jowanpa, chix jaojao, owa kem mongsom otong hex, chixe othuithuima tamchu pangnu lom ma hünzom ang mongsom naxfa. Jowanpa hünzom pangnusa füi ngohüi.

KOLOSI 3:15

Khrista-e fakya mongkün a nang mong zangwün to zun angkya hanpakma changle; chemthüikoxle müitom tuita ma hünzom pangnu chixe nyakle ngokya a ija mongsom hato nyakkya changle. Üntoxle münchong fakya tüikox.

MÜNCHUAK-TSAI 29:11

Jowanpae chix khünaknu ang janzüi kox üntoxle mongsom füi hwom to mohiman.

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

ROM NOK HATO ZAKYA POL LAIZA 15:13

Hünzome chix to mongong tüikya tokhange, Zang, chix monghom otonge, mongmüi hia mongsom füi hünzom awangle naxfa.

JUHAN 16:33

Ku füikya notom ma hünzome mongsom kop angkya kuxma, kue ibu hünzom füi akax ngopu; chaxwannue hünzom to sikngün zolit ang tomüi, ikoxlechu mong chonglax; chemthüikoxle kue chaxwannu to anao daoa!”

ROM NOK HATO ZAKYA POL LAIZA 8:6

Hünzom khangka müi-hi-ajie apün laxle ngokyae zi angkya laiüi; hünzom khangka Chasae apünle ngokyae ozün ma hia mongsom ma ngo angkya laiüi.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

EFISIA 3:19

Changle, ija a otuechu bakle tsing ang tho angkya oli münchang ilaxle Zang ma atüitüi komle awangle tüi ang kopüi le münchang; ikoxlechu hünzome chix mongkün tsingle naxlax kox ang.

ISAIA 48:18

“Hünzome ku kaxtombu kax ma laxle jangchang! Hünzom hanpakma mohiman a thokle-thokle jense chemtuechu chizopkya shuasa jajen ningle a! Hünzome zan to lütkya tüise tinu kax to tichap hüikya ningle a.

JOB LAIPEX 22:21

Job, athaxpi Zang füi tumüi ang thüilax; chix to zanpa tuita lailaile hwonkya zaklax; ile jangchang thüiningle chixe nang to mohimanüi.

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

ISAIA 48:22

“Ochax khünakbu hanpakma azang angkya olom müntüi”, le Jowanpae thüile.

MIKNGÜN-OHÜN 1:4

Asia haxtok ma tüikya müimüithom anüt hato Juhan tokhange: Zang owa athax tüipuix, tüikyahex, üntoxle tüi angkya hex chix tokhange; üntoxle chix ngwotnui thüntho ma tüikya chasabu anüt tokhange,

KAXHO MÜIKYA LUK 1:79

üntoxle omang zangkhung ma ngokyabu, zangnak to ngokyabu to nyan ang, mongsom lom to kem chikap zun ang.”

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

HUAKE LAIPEX 6:26

Jowanpae hünzom to khosele naxhu tamchu mongsom naxfa.

KAXHO MÜIKYA LUK 2:14

“Zangkho atsua kya khato, Zang fuazang kya naxtüi; zangfang ma chix mongmüikyabu füi, mongsom naxtüi!”

MÜNCHUAK-TSAI 85:8

Kue Jowanpa Zang-e chem akaxpuix ija to apa ngopu; kem amikya ongat lomtang to chatle chichat jangthüiba chix khünaknu kem ang mongsom kox ang tsaole.

FILIPI 4:9

Ku kax-ngao hia süt-mwot makhange hünzome ku angkya awanle laxkya hia kopkya, ibu pangnu hünzome mwot ma twonkox. Üntoxle kwom ang mongsom koxkya Zang hünzom füi ngohüi.

WANWÜNKAX 6:22

Ibu hwon-nwote aham pongma nang lomzunüi, zangnak ma kho-awaüi, ilaxle anyixningle nang to zünsaile changüi.

ISAIA 26:12

Nange kwom ang ahak-aluakya fa angkya changle, Jowanpa; kwome chempangsa tholünle changpuix ibu a nange mokkya mwotza laipu.

WANWÜNKAX 4:6

Je-hwon danle taxtox, she-e nang kho-awa angkya changle; she to mongkün tüilax jangchangba she-e nang khüzün müile thomüi.

ROM NOK HATO ZAKYA POL LAIZA 1:7

Idaile kue hünzom Rom tingnu angkyabu opang to Zange mongkün puix ilaxle chix ma-mix ang nyakle laxpuix, hünzom pangnu hato zapu. Zang kem Hopa hia Jowanpa Jisu Khrista nyie hünzom ang mongsom hia chingcha naxfa.

WANWÜNKAX 2:11

Nang mongje hia awan-atsingkyae nang khosele changüi

NEHEMIA 8:10

Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”

JEREMIA 33:6

Ikoxlechu ija tingnu hia ima tüikya khünaknu okak-olak pangwüi kue zingle achatkoxüi. Kue hwom hato okhonguikya mongsom hia zazyen angkya chitüile ngo angkya chingcha ahole koxüi.

ISAIA 45:7

Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

JOB LAIPEX 34:29

Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

MIKNGÜN-OHÜN 2:17

“Na zaikyabue, müimüithombu füi chasae chem akaxpuix, ija apalax! “Zan lütkyabu ang kue khomle thomkya mana koxüi. Chatlechu kue hwom ang long tsetsekya koxüi. Ija ma mün hozün zale tüile, Ija a pongle kopkya mix boma owaechu awan ang müntho.

JUD LAIZA 1:1

Jisu Khrista wangshem tamchu Jakop sasün Jud tokhange, Zang Hopa ma nyakle kopkyabu tamchu mong akünkyabu, opang Jisu Khrista ma sünle thompuix, ibu hato.

FILIPI 1:2

Zang kem Hopa ilaxle Jowanpa Jisu Khrista-e hünzom ang chingchajaja hia mongsom naxfa.

JEREMIA 32:16

Shakkya laiza Baruk chak to koxle changkya füima kue zangjop,

2 KORIN 10:5

Zang Kaxho Müikya füi opüi to alünkya pangnu kwom fang to bele ajole; tutex ma kople thomkyabu pangnu kwome lax üntoxle khünaknu mongjang Khrista tutex füi notom le lüi ang koxle.

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

FILIPI 4:19

Khrista Jisu makhange chix ma okhonguile tüikya tuina makhange ku Zange hünzom ang laxlili komle fa angkya changle.

FILIPI 4:21

Khrista Jisu kux ang ngokya Zang khünaknu nok ang wüi salam fapu. Ikhato ku füi tüikya tüinaobue hünzom hato salam fale.