Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




FILIPI 4:6 - OTSAO BAIBEL (BSI)

6 Tütali bamachu taxaban, ikoxle nang zongma khütle tüikya laxli pangnu hanpakma nange zangjop makhange Zang ma atüikox, othuithuima münchong fakya kün-mong füi chix ma atüikox.

အခန်းကိုကြည့်ပါ။ ကော်ပီ




FILIPI 4:6
45 ပူးပေါင်းရင်းမြစ်များ  

Hünzom künthang mongdang komle chix ma toxlax, chemthüikoxle chixe hünzom to akox-anyele.


Nang künduk mongthang Jowanpa chak to danlax, ikoxle chixe nang khoseüi; chixe chemtuechu sukya khünakbu to lüt ang matomüi.


Hünzom a hwom ningle taxchang; chemthüikoxle hünzome chix ma maju tanto wüi, hünzom hanpakma laxli komle Jowanpa-e awanlaxle ngopu.


“Ku nyaklax, kue nang kax to lanüi; nange tsingle chingokya ohünotün hia khomtsikya jali nang hama wünüi.


Nang mwotthobu to Jowanpa ang mohimanhüi thüilax, jangchang thüiningle nange ibu mwottho oza alaile mokle le ang thoüi.


Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah


Othuithuima zangjop ma shingmongle ngolax, ilaxle hünzome zangjopkya zuma münchong fakya füi mik-hingle ngolax.


Ibu pangnu wüi, Zange asun azu angkya jule zangjopkya füi moklax. Chasae zunkya ningle, othuithuima zangjoplax. Ija bama mik-hing le ngolax ilaxle otuechu danle taxtox; Zang khünakbu hanpakma othuithuima zangjop lax.


Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.


Mong chihix le othuithuima zangjop angkya changle le chix wangshembu hama apua ang Jisu-e ija kaxpan tuita akax.


Ifüima Jisu-e wangshembu füi akax: “Idaile kue hünzom ang thüipu, hünzome süt ang chemsax üihex, chichangba tsangtsa ma chem awunüihex le taxaban.


Jowanpa, akax angkya hanpakma ku to fonghüi, ilaxle kue nang achuaküi.


Khrista-e fakya mongkün a nang mong zangwün to zun angkya hanpakma changle; chemthüikoxle müitom tuita ma hünzom pangnu chixe nyakle ngokya a ija mongsom hato nyakkya changle. Üntoxle münchong fakya tüikox.


Dawid hato müimamakya mongthang hüi chemthüikoxle chix khünakbu hwom sa-nu hwom bakle amütkya khoma Dawid füi mongtsik mongmale chang. Hwome chix to long füi thup ang aza-ana; ikoxlechu Jowanpa chix Zang-e chix ang chachen-mongchen kox.


Kem Jowanpa Jisu Khrista mün ma, Hopa Zang ang pangnu li towüi jento mongmüikya münchong fakox.


Swome, tungtoe, üntoxle zangnake ku kaxthup-ngaotün hia awaokya chix hato dongle, ilaxle chixe ku kaxzing atatlaxüi.


Ikoxle Jowanpa-e lanle thüi: “Mwot khoma abanle nang mongsikangün puixnyi; ikoxlechu laxli a tuita wüi changle.


Üntoxle Zange zünle kopkyabu opange hwom to asunhüile zangnak zangngai chix nyakle akhongle ngopuix, chixe hwom khosele kaxfün münfaüi hia? Üntoxle hwom khosele kaxfün ang shen ngoüi hia?


Kax atwon ang hünzom apüikya zuma chem akaxüi le kho taxsam; kaxtsing akax ang ija ma wüi hünzom ang koxüi.


Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.


“Üntoxle hünzome chemsax chemlingüi, le sütling bama taxaban mi.


She-e lan: “Alixachong, ku a jutokkya münchang. Ku a julinglaxle nguikya münchang! Ku ang tüle mongsik-ngünle tüikya khoma kue jop-tole Jowanpa hama ku zoshun mongzangwünle ngokya changwüi.


Ikhoma kwom hanpakma zangjopkyabu to lanüi, üntoxle Zange kwom to mohimanüi; üntoxle kwom hanpakma münchong fale khünaknue Zang hato ma dingzak nwonüi.


Kue hünzom a mongsik ngünkyabu chemchu chitüile namngobae le texle. Kako matankya khünak tuitae Jowanpa mwottho to khünkhile tüiüi, chemthüikoxle chixe Jowanpa mwot mok ang azong ngokya tokhange ile changüi.


Pangnu li oshuk hato nguile hüile. Hünzome zangjop ang tho angkya kuxma, malualua to akumathum le tüilax.


Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.


Shadrak, Meshak hia Abednego hwome lan: “Wanghompa, kwome kwom kho awa ang mün azongzi.


Ifüima wanghompa Hezekiah hia Amoz sasün ajepa Isaia hokhie Zang to jople hwom to asun angkya hanpakma akhongle sop.


Ifüima Samuel-e long tuita lax, ija Mizpah hia Shen nyi zo ma küi ilaxle thüi: “Jowanpae anyix alople kem to fongle hüidaoa”, ilaxle ijakha ang chixe “Fongkya Longnu”, le nyak.


Nang a longnu kangkya nuk to azwonle ngokya osu ningle. Nang sünmüisa kue ngün ang tomhüi; dingmüi-zakmale ngaokya ding-zak kue atat ang tomhüi.


Zange nyak pongma nang da ang ngokya changdaicha? Chem münchang, mong taxma; ikoxle nang woktex ang achang angkya oshua jangtüi thüiba, taxalyet.


Jowanpa, ku Zang, ku a nang dapa changle. Ku zangjop to lanhüi, ilaxle anyix kue nang ma jukya ku ang fahüi.


Shakkya laiza Baruk chak to koxle changkya füima kue zangjop,


Chemtue Danel-e ija kaxtom laiza to wanghompa-e sohi shingle changdaoa le awan ang koppuix, chix hom to chat. Chix hom homdingkho angkya nui ma Jerusalem chito thale thangmikbu tüikya. Ikhato chixe mokzaikya ningle, thangmik ibu daple koplaxle chixe hanpak to othom azom pong ma chikux thongle Zang to zangjop.


Idaile ngainyixkya hanpakma taxaban. Nyixfo le thang angkya tüingoünkya to chatle janbo lang angkya mwot münchang.


Ipue, zangjopkya, jukya, tamchu münchong, khünaknu nok hanpakma Zang ang laxkox;


Zomnu owa she tata ngopuix, she to hume angkya mix owachu chitüi, she e ma monghom Zang ma thom ilaxle she to fonghüile zangnak zangngai zangjople tamchu chix ma jule ngo;


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ