FILIPI 4:4 - OTSAO BAIBEL (BSI)

⁴ Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

FILIPI 4:4 ပူးပေါင်းရင်းမြစ်များ

ROM NOK HATO ZAKYA POL LAIZA 12:12

Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

FILIPI 3:1

Oshukma ku tüinaohom, Jowanpa füi notomkya ma mongmüi pwonla lax. Thoto zadaokoxlechu ija kax kue chatchatnaole akaxpu üntoxle hünzom zongma ija omüimüi wüi.

MATHI 5:12

Mongmüilax; chemthüikoxle zangkangting to hünzom ang hingho tüihule. Hünzom thotokya ajebu tochu hwome ile wüi zothuppu.

1 PITAR 4:13

Itülüi nange Khrista sikngün atom-ahanpu le mongmüilax, ikoxletix chix ngaikya zuma nang mongmüie awangle changüi.

MÜNCHUAK-TSAI 146:2

Ku ozün ma ngokya kople kue chix achuaküi; Tsünjang masule kue Zang achuakle tsai ngaoüi.

WANGSHEMBU MWOT 16:25

Awünningle tsüdangkhae Pol hia Sila nyie Zang achuakle zangjop ilaxle tsaingao le ngokya, ikoxle kople thomkya mamabue hokhi zing apale ngo.

WANGSHEMBU MWOT 5:41

Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

GALATIA 1:8

Ikoxle kwome wüi changlax chichangba zangkangting kaxtaimixbue wüi changlax, kwome apuk-apuakya boma owae mama kaxho apuk-apuale changlax üihex, Zange haolum to chix to zothup le naxchangkox!

MÜNCHUAK-TSAI 33:1

Hünzom otsao khünakbu pangwüi, Jowanpae mokle tsuakdaokya bama mongmüi to akhongkox; chix achuak kox, hünzom chix kax ma laxle tüikya pangnusae.

HABAKUK 3:18

Ikoxlechu ku a mongmüi atungle ngoüi, chemthüikoxle Jowan Zang chix a ku khosünpa changle.

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.

FILIPI 2:18

Ilailaile hünzom chuwüi mongmüi ilaxle hünzom mongmüi ku füi atom-ahan angkya oli changle.