FILIPI 4:3 - OTSAO BAIBEL (BSI)

³ Ilaxle mongao chitüikya ku üitho, hünzome ija mixcha nyi to fongtsox kox; chemthüikoxle Klemen hia ozün ma tüikya Zang laipex ma mün tüikya üithobu füi tomtomle, kaxho apuk ang hwome ku füi tomle azongle mokdaoa.

FILIPI 4:3 ပူးပေါင်းရင်းမြစ်များ

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

MIKNGÜN-OHÜN 3:5

Zan to lütdaokyabu ang ija lailaile nyi tsekya awunle koxüi, ilaxle khüzün Laipex angkya hwom mün otuechu münamüt. Apa thüntho ma tamchu kaxtaimixbu pomtho ma hwom a ku kux changpu le kue ngaile akaxüi.

KAXHO MÜIKYA LUK 10:20

Ibachu haxshix chasabue hünzom kax ma laxkya khoma hünzom ang mong taxmüi, itülüi zangkangting to hünzom mün zale tüikya khoma mongmüilax.”

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

MIKNGÜN-OHÜN 21:27

Ikoxlechu chitsaokya oli chemchu ija tingnu ma nop ang müntomüi, iningle zakkop mwot mokkyabu hia atsekyabu owachu ikhato dong ang müntom. Ikoxle Chun Hosa khüzün Laipex ma opang mün zale tüilaxpuix, ibu tix dong ang tomüi.

MIKNGÜN-OHÜN 17:8

Ija müi ami ozün ma tüikya, ikoxle athax a ozün ma tammüntüi; ija a othong chitüikya tswomkha tokya alai laxle amüt angkya khato paoüi khakha. Chaxwannu angkya khünaknu opang mün ami khünak zingpong tokhange wüi khüzün laipex ma zale chitüikya hex, hwome ija müi ngünkya zuma tüle abüt maxüi. Ija a ozün ma tamchitüi, ikoxle ija tamchatle ngaiüi.

FILIPI 4:2

India hia Sintik nyi, kue hünkhi ang thüipu: Chingchalaxle Jowanpa ma na-hi-naohom ningle hünkhi tsaino-kaxno tomhüi.

ROM NOK HATO ZAKYA POL LAIZA 16:12

Jowanpa mwottho ma sütkya Traifania hia Traifosa nyi, ilaxle ku zuikhui Parsi, owae Jowanpa hanpakma huanuma mwot mokdaopuix, hwom pangnu hato ku salam.

ROM NOK HATO ZAKYA POL LAIZA 16:9

Khrista thothakya ma kem üitho Urbana, ilaxle ku mongkün zuikhui Stakis nyi ang salam.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

MÜNCHUAK-TSAI 69:28

Khüzün Laipex angkya hwom mün fwotle naxamütkox; ilaxle hwom a nang khünaknu münzakya khato naxathütkox.

LAIPAO 32:32

Chingchalaxle hwom thaikya alak-hüile jupu; ikoxlechu nang ija thailak müntüipu jangthüiningle, chingchalaxle nange nang khünaknu mün zale tüikya laipex ma zale tüikya ku mün shong-apaofa.”

MIKNGÜN-OHÜN 20:12

Üntoxle chongwang tüntong thüntho ma mangbu, chongkya hixkya talailaile ajongkya kue ngün. Laipexbu dap, ilaxle mama laipexchu dap, ija a khüzün Laipex. Laipexbu ma chemle bangpuix, ija ningle hwome ma mwot füifüi to zidaokyabu ang kaxfün fa.

KOLOSI 1:7

Hünzom hato ija Kaxho Müikya apüile koxkya mix a, kwome tamnüile mongkünkya kwom üitho Epafra changle. Chix a ikhato hünzom lüix ma kwom to fongkya mix, Jisu Khrista mongong da tuita changle.

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

MIKNGÜN-OHÜN 20:15

Khüzün Laipex ma opang mün chibang laxpuix hwom pangwüi tinu ningle tüikya okham-wün khato tswonle awüt.

EZEKEL 13:9

Hünzom othai mikngün ngünle ngokya hia othai jekax hole ngokya ajebu, kue hünzom to sikangünüi khakha. Ku khünaknu tsaifün-kaxwünle changkya khama hünzom müntüiüi; hünzom mün a Israel nok nokpubu mün khato müntüiüi; hünzom a hünzom chaxwan to chatle tam-münchat. Ifüima hünzome ku a Jowanpa changle le awanüi.

ISAIA 4:3

Jerusalem ma danle toxkya pangwüi, opang Zang-e ozün ma ngo ang kamle koppuix, ibu a otsaole nyaküi.

FILIPI 1:5

pongwang tokhange athax kople Kaxho Müikya mwottho ma hünzome ku to chemle fongle hüidao laxpuix, ibu texlaxle kue zangjop pongma mongmüi atungle joppu.

FILIPI 1:7

Hünzom a othuithuima ku mongtsang ma tüile! Idaile kue hünzom hanpakma mok pongma, hünzom bama ku mongto ile ajang angkya a olom jao changle; chemthüikoxle, athax ku ile kun ma ngopong machu. Üntoxle Kaxho Müikya khose ang danle tüipongmachu, ilaxle ija oshing mongle zingpong machu wüi hünzom pangnu Zange ku ang fale thomkya ija shomüi atom-ahanle lax.

FILIPI 1:12

Kutüi kunaohom, hünzome naxtsing laxsele kue thütkya a ija changle: Ikhato ku füi chempang apongle hüidao laxpuix ibue Kaxho Müikya mwottho thoto alyet ang huanuma fongle hüidaopu.

FILIPI 1:16

Ibu ile mongkün makhange mok, chemthüikoxle Kaxho Müikya khose angkya mwot ku ang koxle thomle le hwome awan.