FILIPI 4:19 - OTSAO BAIBEL (BSI)

¹⁹ Khrista Jisu makhange chix ma okhonguile tüikya tuina makhange ku Zange hünzom ang laxlili komle fa angkya changle.

FILIPI 4:19 ပူးပေါင်းရင်းမြစ်များ

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

MIKA 7:7

Ikoxlechu kue a Jowanpa hanpakma nyele ngoüi; ku khosünle kop angkya Zang bama kue mongao chitüile tanle nuiüi.

MALAKI 3:10

Zangshwom-Hom to hünzome bünfong anguile apüihüi, ikoxtix ikhama süt okhonguile tüingoüi. Kue zangkangting fülom daplaxle müikya oli pangwüi okhonguile hünzom ang thokle chikox hia koxkox, ku to thwontsingle anohu.

NEHEMIA 9:15

“Chemtue hwom ang wok anole changpuix, nange hwom ang zangkangting tokhange süt fa, ilaxle ti alan pongma longnu tuita makhange ti alaile koxpu. Nange hwom ang ija haxtok akox-akomle chang angkya akaxpu nange hwom ang koxüihex-ole tsaokya haxtok a.

2 SAMUEL 22:7

Ku sikngün pongma kue Jowanpa to nyak; Ku to fong ang kue ku Zang nyak. Chix zangshwom-hom ma chixe ku kaxzing atat; fonghüile ku akhongkya to chixe apa.

MÜNCHUAK-TSAI 36:8

Okhonguikya nange fakya süt füi kwome fongkha pu; nang müikya shuanu angkya ti nange kwom ang aling.

KOLOSI 1:27

Zang katzua wünkhom a, oja ahak aluakya hia fuazangkya huxsa chix khünaknu nok hanpakmale pyenle thomkya hex, ija huxsa chix khünaknu hato ngaile tsing ang kox angkya changle. Huxsa Ija a ile changle: Khrista a hünzom ma tüile, thüikoxle, hünzome Zang fuazang süntswon ang kopüi.

EFISIA 3:16

Fuazangle chix ahak-aluale tüikya kha tokya hünzom mong ma zong adün angkya bama Chasa makhange zong laxkoxle kue Zang ma jupu,

KOLOSI 3:16

Hünzom kün-mong ma Khrista kax a thanu juapa ningle ngo ang laxkox. Hwon-je pangnu makhange tata hama anwot-anokox ilaxle adangle laxkox. Münchuak tsai, otsao tsai, üntoxle chasa tsai, ibu ngaokox.

ROM NOK HATO ZAKYA POL LAIZA 8:18

Iponge kem sikngünle ngokya a athax füichi ma kem hato angaile aho angkya fuazang füi ojao apyen angkya münchangle keme ele.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

ROM NOK HATO ZAKYA POL LAIZA 9:23

Kem opang chix fuazangkya kop angkya hanpakma chixe achwon, kem chix mohiman pe ang thokle koxkya chix fuazangkyachu wüi chixe ngaile ahose le tex.

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

MÜNCHUAK-TSAI 130:7

Israel, Jowanpa to mongong tüikox, chemthüikoxle chix mongkün a ojem chifünkya changle ilaxle chix a othuithuima khosün fa ang mongtsule ngole.

MÜNCHUAK-TSAI 104:24

Jowanpa, nange tüli-jali huanuma zing! Ibu pangwüi nange chemtukux jezaikya füi zingpuix! Chaxwannu a nang chakzing zünmok füi awangle tüile.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

EFISIA 2:7

Khrista ma kem hato ahokya chix mongkün ma atakkya chix chingcha othuithui hanpakma aho angle chixe ija mok.

ROM NOK HATO ZAKYA POL LAIZA 2:4

Changle nange chix chingcha achongkya, adu thokya ilaxle monglokya, mongto kakle münlax.

2 PUKAX-PANGAO 18:13

Ikoxle Mikaiah-e lan: “Ozün ma tüikya Jowanpa mün ma thüipu, chixe ku ang chem ajelax thüipuix, ijatix kue ajeüi!”

PONGWANG LAIPEX 48:15

Ifüima chixe Jusep to mohiman: “Ku apu Abraham hia apa Isak hwome shwomle hüikya Zang, ija naonyi to mohimankox! Anyix kople ku tsünlo-khothole ngo ang tomkya Zang-e hwom to mohimankox!

DANEL 6:22

Ku to chitsüt angkya hanpakma mailangbu tun hux ang Zang-e chix kaxtaimix tsanle ajole. Chixe ija a, ku ma oma chemchu chitüikya mix tamchu nang zongto oma chemchu chimokkya mixle tsing laxle ile mokpu.”

ROM NOK HATO ZAKYA POL LAIZA 11:33

Zang ahak-aluakya otukux chongkya hex! Chix hwon-je hia awan-atsingkya otukux zupuix! Chix künzut-mongjang bama owae hiktikle apua fa ang thoüi? Chix lomtangbu owae tsingle tsuaküi?

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

ROM NOK HATO ZAKYA POL LAIZA 1:8

Pongwang ma hünzom pangnu hanpakma, Jisu Khrista makhange kue Zang ang münchong fapu; chemthüikoxle hünzome Jisu Khrista to mongongkya zing zangfange atat ang kople ngole.

JUHAN 20:27

Ija ma chixe Thoma ang thüi: “Ku chak to hulax ilaxle ikhama nang chakkhi sholax tamchu ku samba mak ma nang chak sholax; chiongle taxngo, onglax.”

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

FILEMON 1:4

Tüinao Filemon, kue zangjop-jopba nang mün lünle ilaxle Zang ang münchong fapu.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

NEHEMIA 5:19

O Zang, kue nang to joppu, ibu khünaknu hanpakma kue chemtukux mokle alan fapuix, ku tsyen ibu texle atak-hüi.

MATHI 6:32

Songsaribue a ibu pangwüi lomle; ikoxle zangkangting tokya Hopae ibu pangwüi hünzom hanpak ang laxli changpule awanle.

FILIPI 4:7

Üntoxle Zang mongkün oja khünake tsingwankya zia kaile tüipuix, ija Khrista Jisu füikya notom ma nang mongtsang hia tutex sünle thomüi.

2 PUKAX-PANGAO 31:8

Chemtue Hezekiah hia chix nguakax-wangkhobue athünle thomkya hinghobu ngünle laxpuix, hwome Jowanpa tamchu Israel khünakbu achuak.