FILIPI 4:18 - OTSAO BAIBEL (BSI)

¹⁸ Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

FILIPI 4:18 ပူးပေါင်းရင်းမြစ်များ

IBRI 13:16

Müikya mwot mok ang tamchu tata to fongtsox angkya taxalak, chemthüikoxle ibu a Zang mongmüi ang tomkya töbu changle.

FILIPI 4:12

Ojao chitüikoxle chemle chang chichangba olyem tüikoxlea chemle chang, kue ibu komle tsinglax ngopu. Pangnu khato wüi, tütatuechu, wok afwotle ngopongma wüi changlax, woknuak ma ngopongma wüi changlax, ku ma olyem tüinangle ngopongma wüi changlax chichangba ojao chitüi le ngopongma wüi changlax, mongtex shale ngo angkya huxsa tutex Ija kue awanlaxle ngopu.

2 KORIN 9:12

Hünzome mokkya mwottho Ija makhange khünaknu chitüi chinang pongthapkya tata chichangle khünaknue Zang ang münchong fale zangjop angkya alai hule.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

2 THESALONIKA 1:3

Kwomtüi kwomnaohom, othuithuima kwome hünzom hanpakma Zang ang münchong fa angkya changle. Ile mok angkya kwom zongma sukya mwot changle, chemthüikoxle mongong namwüi chongle hüile ilaxle hünzome tata to mongkünkya mong süchong süchongle chongle.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

LAIPAO 29:18

Ija chun ola komkaile tö-tsap ma wünkhut ang achangüi; ija a Jowanpa ang zokle ashunle koxkya tö changpu. Ija a ongan müikya füi wün makhange Jowanpa to tö koxkya changpu.

HUAKE LAIPEX 15:3

Maihupong tuita, chun ola tuita, chun tuita chichangba zwon tuita le Jowanpa ang zokle ashunkya tö chichangba tsaosaxdaokya thathom ang koxkya tö chichangba küntsu-monglua to koxkya tö chichangba hanpak-hanpak to koxle hüikya zanglom pangpwon tö ningle apüile kox ang tsuak. Ibu süt tö koxkya ozing-olong a Jowanpa zongto ongan tüle müikya changle.

WANGSHEMBU MWOT 10:4

Chix a Zang kaxtaimix thua za ang süt ilaxle thüi: “Alixachong, Ija a chempang?” Kaxtaimixe lan: “Zange nang zangjop atatdaoa üntoxle nang mwot müikya ngünle laxdaoa, ilaxle ibu khoma nang füi Jowanpa ang mongmüikya tüile.

2 KORIN 11:8

Hünzom khato mwot mok angkya hanpakma kue ngun syen mama müimüithom tokya mix koppu. Hünzom to fongtsox angkya kuxma hwom zothup daoa le kue akax tsuakpu.