FILIPI 4:12 - OTSAO BAIBEL (BSI)

¹² Ojao chitüikoxle chemle chang chichangba olyem tüikoxlea chemle chang, kue ibu komle tsinglax ngopu. Pangnu khato wüi, tütatuechu, wok afwotle ngopongma wüi changlax, woknuak ma ngopongma wüi changlax, ku ma olyem tüinangle ngopongma wüi changlax chichangba ojao chitüi le ngopongma wüi changlax, mongtex shale ngo angkya huxsa tutex Ija kue awanlaxle ngopu.

FILIPI 4:12 ပူးပေါင်းရင်းမြစ်များ

MATHI 11:29

Hünzome ku dang ma pailax, ilaxle ku angkya awanle koplax; chemthüikoxle ku a somdangkya mix tamchu chasa ma jonaikya mix changpu; ilaxle hünzome nazak atak ang thoüi.

2 KORIN 11:27

Mwotmok angkya hia fuxtsüi huanuma apongle hüi; obi thomthom ma hexle ku chijip homle le; woknuak tilane ku tüle-tüle jemax hwonsam; süt, zui angkya nui hia nyiza chilax homtoxle ku obi thomthom ma hexle ngole hüi.

2 KORIN 11:9

Ku hünzom füi ngotanto, ngun laxsele thangkhüt pongma kue hünzom to poxbwom le chichang; kue laxsese komle Mesidonia tokhange nguikya tüinao hwome ku hato apüi toxpu. Ami ledaokya ziamachu ilaxle athax mahüikya ziamachu, ku hünzom hanpakma hünlix tuita ang münachangüi!

TSAITONG-KAXTONG 32:10

“Chixe hwom a sak-hax to hamhamle ngokya atakle lax, khünak chingokya kha, zangwin wuwukya faokha. Chixe hwom kho awa ilaxle akox-akomle hume, chixe ma khosün pupule.

ISAIA 8:11

Chix tsak-zong chongkya makhange Jowanpae khünaknu lengokya lomtang ma chile angkya hanpakma ku ang kaxkhün koxdaoa. Chixe thüi:

2 KORIN 11:7

Khosün angkya Otsao Kaxho kue hünzom hato apukkya zuma kue hünzom ma chemchu chiju chilom. Hünzom thak to nwon angkya kuxma kumix fangto jupu. Ija wüi ku zongma ochax ang achang laxcha?

2 KORIN 10:10

Chemthüikoxle hwome thüile: “Pol laiza tüle khünzukya tamchu ahai ang chimüikya changle, ikoxle otue chix kwom füi tomle kun ma tüikyahex, chix ma zong chitüi, ilaxle chix tsai chix kaxbu chem angchu chichang!”

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

JEREMIA 31:19

Kwome nang hato tok ahopu, ikoxlechu kwom chwonle wüi chat-se tsule. Nange kwom to sikangünle chang füima, kwome kwom khangkho asam thompu. Kwome zakkop ilaxle thajao-wünhai atak chemthüikoxle kwom naosün ma tüitanto kwome ochax lyen.’

NEHEMIA 9:20

Nang künmüi-mongmakya füi nange hwom ang, hwome chem mok angkya olom hex ija apuale kox; nange hwom manna füi tux ilaxle ling angkya ti alaile kox.

MATHI 13:52

Idaile chixe hwom ang thüi: “Idaile wanlom nwotmixbu opang Zang Wangting füizuimix ang achangün laxpuix, hwom a ma pung angkya bwotba hozün hozang pangnu alaikya hopunu tuita ningle changpu.”