FILIPI 4:1 - OTSAO BAIBEL (BSI)

¹ Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

FILIPI 4:1 ပူးပေါင်းရင်းမြစ်များ

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

1 KORIN 16:13

Mik-hing le ngolax, mongong ma shingmongle ngolax, mong chonglax, zong tüilax.

FILIPI 2:16

Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

FILIPI 1:8

Ku mongkha to zule hünzom hanpakma sungle tüikya oja Jisu Khrista mongthong tokya hex, ija bama zangwün pongma, ija a otsing tomta changkox a le ku kaxkhi ang Zang changle.

IBRI 10:23

Chikchexle chichang homtoxle keme tsaole ngaidaokya to monghom füi shingmongle künhax, chemthüikoxle owae tsaodao laxpuix chix a mongao chitüi angkya mix changle.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

JUHAN 8:31

Ija khoma Jisu chix to ongkyabu füi akax: “Hünzome ku kax ma janglax, otsingtsingsa ma hünzom a ku wangshembu changpu;

2 TIMOTHI 2:1

Kusa Timothi, Khrista Jisu füikya notom ma kem tomkux ang tüikya chingcha ma tsakzong le tüikox.

FILIPI 2:26

Chixe hünzom ngündaose le sungle tamchu hünzom ang chix kakkya zing atat ang koxkya bama chix mongto kakle.

2 KORIN 1:14

izuma hünzome kwom bama komkaile awanle laxüile kue monghompu. Imatix hünzom bama kwom ma tüikya mongngam füi tomwüi hünzomchu kwom bama mongngam tüi ang tsuaküi.

WANGSHEMBU MWOT 11:23

Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

WANGSHEMBU MWOT 2:42

Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.

MÜNCHUAK-TSAI 125:1

Jowanpa to mongong tüikyabu a otuechu chiamok tamchu apao ang chithokya Zaion haxnu ningle changpu.

2 PITAR 3:17

Ikoxlechu ku mongkün tüinaohom, hünzome ija awandaoa. Idaile wanlom chilax homtoxle thaile ngokya khünakbue, hünzom azangle ngokya chifün angkya adüt ang jikle chipao angkya bama mik-hingle ngolax.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

2 THESALONIKA 2:15

Idaile tüi-hi-naohom, kwom hwon-nwot hia kwom laiza, oja kwome hünzom hama apukpuix, otsingtsing ma shingmongle ajong ilaxle ibu künle koplax.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

GALATIA 5:1

Khangkho ngaile ngo ang Khrista-e kem pandaoa! Idaile pandaokya mix ningle shingmongle ajonghüi, nang tamchatle da ang taxachang.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

MATHI 10:22

Ile ku mün khoma hexle khünaknu pangnue hünzom thua anuüi; ikoxchu oshuk kople adukya mixe khosünkya ataküi.

JOB LAIPEX 31:36

kue ibu ngamjakle suakto ma awunse, ilaxle khohom lailaile ibu a khang ma asünse.