FILIPI 3:8 - OTSAO BAIBEL (BSI)

⁸ Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.

FILIPI 3:8 ပူးပေါင်းရင်းမြစ်များ

ROM NOK HATO ZAKYA POL LAIZA 8:18

Iponge kem sikngünle ngokya a athax füichi ma kem hato angaile aho angkya fuazang füi ojao apyen angkya münchangle keme ele.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

FILIPI 3:7

Ikoxle kue akhokya lap ang ele tüikya ibu pangnu kue Khrista hanpakma omüt ang laxpu.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

FILIPI 3:10

Ku mongtsukya abakle a Khrista tsingse ilaxle chix chatle azangle zokya thwon lopse le tsukya ibibi changle, ija a chix sikngün tom-han angkya hia chix zik ma chix ningle achang angkya hanpakma,

2 PITAR 1:3

Owae ma fuazang hia ataxle müikya süntswon ang kem sele laxpuix, keme chix awanle laxkya makhange, kem ozün ma tüipongma tamchu otsingtsing zanglom tsün ngopongma laxli komle Zang otsao tsakzong makhange kem ang fadaoa.

1 KORIN 2:2

Ipue ku hünzom füi ngopongma, Jisu Khrista üntoxle tamnüilechu chix pünsak ma zikya boma mama pangnu alakle awüt angkya ku mongto texdaoa.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

JUHAN 17:8

Nange ku ang akoxkox kaxho kue hwom ang koxdaoa, ilaxle hwome ija pongle kopdaoa; ilaxle ku a nang makhange hüikya changpu le hwome ongle.

JUHAN 14:20

Otue ija nyix nguile hüiüi hex, hünzome ku Apa ma tüile, tamchu ku chemle Apa ma ngopuix ija ningle hünzomchu ku ma ngole le awan ang kopüi.

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

JUHAN 14:7

Athax hünzome ku awanpu, ilaxle Apa chuwüi awanpu; athax makhange hünzome chix awandaoa tamchu chix ngündaoa.”

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

EFISIA 4:13

Ikhoma kem pangnusae wüi Zang Hosa awan ang kopkya kem mongong hia hwon-je tuita hato kem pangwüi hüi angkya changle; Khrista jaopo hato alople kem tsong angkya changle.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

1 JUHAN 1:3

Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

2 TIMOTHI 4:6

Ku bama, ku tö ang kox angkya hanpak nguile hüile; ija tsün dantox angkya ku hato hanpak athax hüile tüile.

JUHAN 20:28

Thoma-e lanle chix ang thüi: “Ku Jowanpa tamchu Ku Zang.”

JUHAN 16:3

Hwome ku wüi changkoxlax chichangba Apa wüi changkoxlax chiawankya khoma hünzom to ile hwonüi.

MÜNCHUAK-TSAI 126:6

Opange sopngale sai angkya saxtsang laxlaxle kapuix, hwome saxzüt ang kopkya zuma, tüle mongmüi-tungle wün wangüi.

1 JUHAN 2:19

Otsing tomta ma khünak ibu kem notom ma münwom, tamchu ikhoma hwome kem danle toxpu; hwomchu kem notom ma tüipuix thüikoxba hwom kem füi tomle ngose. Ikoxle hwomkha angkya owachu kem notom ma womle müntüile ngaitho le naxtsing lax ang hwome kem danle toxpu.

1 PITAR 2:7

Mongongkyabu hanpakma ija long a thalix changpu; ikoxle chiongkyabu zongto ija a: “Zingpabue chilaxli le awütkya long; homkom-longnu akhokya tuita ang achang.”

GALATIA 1:16

Üntoxle mixnokbu khato chix bama Kaxho Müikya kue apuk-apua angkya hanpakma otue chixe ku hato Hosa ngaile aho ang mongtex azut tsuaklaxpuix, izuma ku zünkax-saikax lom ang owa hatochu chipao,

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

1 KORIN 9:10

Chixe ibibi kem kuxmale akaxkya münchang hexnyi? Ija a kem kuxmale zale thomkya changle. Tsaxtong mokya hia manzai mix pangnyie wüi matsyentsyen tsax atu ang ataküile onglaxle mokpu.

JUHAN 20:13

Okhie she ang thüi: “Mixcha, nang büthüikoxle sople ngopu?” she-e hokhi ang hüi: “Hwome ku Jowanpa paodaoa ilaxle hwome chix ojong to thom daopuix kue münawan!”

KAXHO MÜIKYA LUK 11:20

Ikoxle ile chichang homle kue Zang tsakzong füi haxshix jwon ang tsuakpu, imakhange Zang Wangting hünzom hato nguile ngoüna le ahole.

HUAKE LAIPEX 14:30

Kue hünzom ang ikhato ngo ang kop angkya hex-ole tsaodaopu, ile changdaobachu Jihusua hia Kaleb nyi boma hünzom owachu ikha alop ang münthoüi.

KAXHO MÜIKYA LUK 1:43

Ku Jowanpa honu ku wai ang ngui angkya ku ma ojao münasu!

MALAKI 2:3

Kue nang su-sa hwom to sikangünüi ilaxle hünzom thün a hünzome tö koxkya müi odix ma thünzutle changüi--ilaxle hünzom a müidixbu athünkya khato alaiüi.

JOB LAIPEX 20:7

ikoxlechu hwom a haxbu ningle pikle paodaoüi. Hwom süntsing-münwanbu ang hwom ojongto paoünpuixle khosamüi.

2 WANGHOMBU 9:37

She mang ota-otuabu müidixbu ningle chiaküi, ikhoma owaechu müifun ibu a ijongkha müifun changle le awanle lax ang münthoüi.’”

1 WANGHOMBU 14:10

Ija khoma kue nang wangting hato thama apüiüi ilaxle nang sixli lükaka, naosa hia mixmüi chemchu chizünle, bakle langüi. Kue nang homkha füi owüiole atsaiüi; hwom a fao hwot pupule hwotle awütüi.

MÜNCHUAK-TSAI 73:25

Zangkangting to ku ang nang boma owa tüi? Ku ang nang tüiün füima, chaxwannu ma kue chem lax angkya tamtüi?

ROM NOK HATO ZAKYA POL LAIZA 8:39

thak tokya zangfange wüi changlax chichangba fang tokya zangfange wüi changlax: Jisu Khrista ma kem kux ang ngokya Zang mongkün füi kem ajan ang tho angkya Zang chakzing khama athax kople chemchu matüi.

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

FILIPI 3:12

Kue tholün daoa chichangba okhonguikya mix ang achangdaoale otuechu münala. Ikoxle Khrista-e oja ku chix hato kople tsuakdao laxpuix, ija hingho ataktsuak angkya hanpakma ku azongle wüi ngopu.

2 PITAR 1:2

Zang hia kem Jowanpa Jisu Khrista tsingwankya tokhange chingcha hia mongsom thakho nguile hünzom hanpak ang naxchang.

2 PITAR 1:8

Chemthüikoxle ibu hünzom kux ang achang üntoxle sisile zaxle jangtüiba, ibue hünzom ang Jowanpa Jisu Khrista tsingwankyae ma chiziak chipua le tüi ang müntom.