FILIPI 3:20 - OTSAO BAIBEL (BSI)

²⁰ Bachutix, kwom a zangkangting nokpu, ilaxle zangkangting tokya Jowanpa Jisu Khrista, kem khosünpa ngui angkya bama mongsungkya füi tanle ngowüi.

FILIPI 3:20 ပူးပေါင်းရင်းမြစ်များ

EFISIA 2:19

Athax a, hünzom mixnokbu a püntüi le münchang; athax hünzom a Zang khünaknu füi nokpu tuita ilaxle Zang homkha ma kako tuita changle.

2 KORIN 4:18

Chemthüikoxle mike ngünkya oli chichangle, kwom mikza ma, mike chingünkya oli thompu. Ikoxle chem ngünpuix, ija a onox ma ngoüi wüi, ikoxle keme ngün ang chithokya a jento ngo angkya changle.

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

EFISIA 2:6

Khrista füikya kem notom ma kem chix füi tomle zangkangting to apün-awang le ngo angkya hanpakma chixe kem chix füi tomle azwot.

2 KORIN 5:8

Kwom a mongchyen füi ngopu ilaxle tsangtsa hom ang laxlaxle ngokya dantoxlaxle Jowanpa hom to tomle ngoünse texpu.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

1 THESALONIKA 1:10

Tamchu hünzom mong chatkya a: chix Hosa Jisu Khrista, chixe owa zidaokya chatle azünpuix üntoxle hüile ngokya Zang mongtsik tokya kem owae azün laxpuix, ija chix Hosa zangkangting tokya chatüi tan angkya bamachu changle.

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

GALATIA 4:26

Ikoxlechu Zangkangting füikya Jerusalem a pankya changpu, ilaxle ija a kem honu changle.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

1 KORIN 1:7

ile hünzome Jowanpa Jisu Khrista ngaile aho angkya to hule ngokya tukma hünzome mohiman chikople oli tuitachu chitox.

WANGSHEMBU MWOT 1:11

üntoxle thüi: “Galili tokya khünakbu, hünzome dingchi to hulaxle büthüikoxle ajong ngopu? Ija Jisu owa hünzom kha angkya zangkangting to dünpuix, hünzome chix zangkangting to dongüi chemle ngünpuix ilailaile chix chat angkya changle.”

MATHI 19:21

Jisu-e chix ang thüi: “Nang okhonguise jangtsu, paolax, nang ma atüitüi komle hang laxle ngun chitüi chinangbu ang ahanle laxkox, ikoxle zangkangting to nang hakpa ang achangüi; ilaxle oman, ku füito hüilax.”

1 THESALONIKA 4:16

Iponge azaxle kaxtomkya ozing, thüikoxle akhokya kaxtaimix zing, tamchu Zang nyazong mütkya zing atatüi, ilaxle Jowanpa chix jaojao zangkangting tokya juüi. Khrista to onglaxle opang zile ngoün laxpuix, hwom thoma zoüi;

KAXHO MÜIKYA LUK 14:14

ijama hwome nang to mohimanüi; chemthüikoxle hwome nang ang olüix achatle kox ang chithoüi; ikoxle otsao khünakbu chatle zo ningle Zange nang ang olüix a chatle koxüi.”

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

WANWÜNKAX 15:24

Jetüi-hwonlangkya khünakbu a ma khüzün thakchi to alyet angkya lomtang ma ahamle, zikmüt-mangkho hato athai angkya lomnu ma münchang.

FILIPI 1:10

Ija a hünzome amüikya zün ang tsuak angkya kuxma changpu. Ifüima tix Khrista zangngai ngünkya nyix hünzom chitsaokyabu pangnu tamchu oma laikho khakyabu pangnu füi atsaile ngo ang thoüi.

MÜNCHUAK-TSAI 17:15

Ikoxlechu kue nang ngün ang kopüi, chemthüikoxle kue thaikya mwot chimok; üntoxle chemtue ku zopuix, nang womle tüikya mongmüie ku awangle tüiüi.

MÜNCHUAK-TSAI 16:11

Khüzün lom to alyet angkya lomtang nange ku hama ahoüi; nang womle tüikya ma ku mongmüie awang üntoxle othuithuima ku ang mongmüi apüi.

KAXHO MÜIKYA LUK 12:21

Jisu-e ile akaxle ashuk: “Zang miksho ma a, chix ma chemchu chitüi, ikoxlechu ma hanpakma thanu juapa huanuma athünle thomkyabu hanpakma ija ningle changpu.”

1 KORIN 15:48

Haxwannu kux ang achangle ngokyabu a haxwannu makhange zingkya mix tuita ningle; zangkangting kux ang achangle ngokyabu a zangkangting tokhange nguikya mix tuita ningle changle.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.