FILIPI 3:19 - OTSAO BAIBEL (BSI)

¹⁹ Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

FILIPI 3:19 ပူးပေါင်းရင်းမြစ်များ

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

KOLOSI 3:2

Hünzom kün-mong a, ikha tokya chaxwannu mwotkat to chichangle, chukha tokya mwotkat to ajingle koxthom lax.

2 PITAR 2:1

Kaikya khünaknu tu ma othai ajebu lai, ilailaile hünzom khamachu othai nwotmixbu lai angkya changle. Hwome max angkya othai hwon-nwot lai ang tomüi, üntoxle hwom shakle kopkya hopupa müntsing hex le thüiüi, ile alüile osünto ma max angkya thama apüiüi.

2 KORIN 11:15

Idaile chix dabue hwom sün otsao dabu ningle naxngün ang alüile aje ang chem mwotnu akhokya ale. Hwom mwote chem atakse hex, oshukma hwome ija jaojaole ataküi.

2 KORIN 11:12

Ngun syen lom ma süfonghüihu le kue otuechu münakax angkya changpu. Kue hwom füi tuitata ma wüi mokle hüipu le hünzome nyakkya “ataxkya wangshembu” ngam angkya olom tsyense le texpu.

HOSIA 4:7

“Hünzom nguapa chemtukux huanuma tüipuix, itukuxle hünzome ku zongto ochax lyen, ikhoma kue hünzom achuak-achenkya a e-me chilaxle tüikya ang achangüi.

2 PITAR 2:13

Hwome mix to sikngün apong ang tomkya khoma hwom angchu wüi sikngün apong ang tomüi. Anyixningkya zangngai to ma tsangtsa mongzom amüi ang chem mokpuix, ija a hwom zongma mongmüi akhokya ang laxle; Hünzom füi tomle fongsax ang tsap ma thung pongma, hwom a hünzom othom khama tuita münwan hia omak füikyabu, ma huxtsing-loptsang füi mongzom müikyabu changle.

GALATIA 6:13

Khwonzüt-Zom twonle hüikyabue ngaxchu Wanlom kax ma münlax; mike ngünkya zom fangto ahüi tsuaklaxpu le hünzom tsangtsa khoma hwom tsaichong-kaxbong kuxmale hwome hünzom ang Khwonzüt Zom koxsele tsukya changle.

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

1 KORIN 3:3

chemthüikoxle athax kople hünzom chaxwannu khünak ngwot ma ngotan changle. Ongai hünzome tata to atsak akhu puix ilaxle atsi-alaxpuix, ijae hünzom chaxwannu chifün ma ngolaxle zangjang khünak ningle müi-hi-aji ma tüile le ahokya münchang hexnyi?

MÜNCHUAK-TSAI 17:14

Ija chaxwannu tsün ma laxsese komle tüikyabu chak tokya ku khosünle thomkox. Hwom hanpak ang athünle thomkya zothup füi hwom to sikangünkox; hwom sasün hwom hanpakma nguizuile naxtüi, üntoxle hwom susün hwom hanpak angchu ota tüile naxchang kox!

MIKNGÜN-OHÜN 22:15

Ochei lom to lekyabu, khun-khekyabu, chinunchakkaikyabu, mixlang-mixhuakkyabu, chapa to shwomkyabu ilaxle kax hia mwot pangwüi ma thai-nyaile tüikyabu pangwüi tingnu tokna to tüile.

JUD LAIZA 1:16

Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

2 TIMOTHI 3:4

hwome tata ale-zak to adütüi, khün chikhiüi, angang le ngamüi; hwome Zang füichu müi-hi-aji mongmüi towüi süluaüi;

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

2 THESALONIKA 2:12

Ifüima ile changüi, opangsae otsingtsing to mong chiong laxpuix, ikoxle ochax füi mongmüi le changlaxpuix, pangwüi ahai le awütüi!

FILIPI 2:21

Mamabu pangwüi mamwot mwot to mongkoxle tüile, Jisu Khrista hanpakma mongkoxkya mix owachu müntüi.

1 KORIN 5:6

Hünzom ngam angkya jao münchang! Twonkhax ikuxküsae wüi nalao abakle ju ang achang tsuakkya hünzome matsing hia?

1 KORIN 5:2

Hünzom ang mong mazya! Ikoxle hünzom ngam ang mix süt ang hi? Iningkya mwot owae mokdao laxpuix chix hünzom kha angkya atsaidao.

MALAKI 1:12

Ikoxle ku tö-tsap ma olüi chemchu müntüile akax ilaxle nange chisaxle awüt daokya süt apüile tö koxle changkya makhange hünzome ku ajaodaoa.

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

JAKOP 4:16

Ikoxle athax hünzom ngampu, üntoxle tsaichong-kaxbongpu; ibu bong-chongkya pangwüi othai changpu.

2 THESALONIKA 2:8

Ifüima chisumüikya mix sün ahoüi, ikoxle Jowanpa Jisu nguikya zuma chix a zakmütle langüi üntoxle fale nyankya füi chix womkyae chix oli thuüi.

KAXHO MÜIKYA LUK 18:4

Kaxfün münfapu le chix ozulole angam; ikoxlechu ofüima chix mongto zangwün, ‘Ku Zang thuachu chiza üntoxle khünakchu chie le tüikoxchu,

KAXHO MÜIKYA LUK 16:19

“Hanpak tuita ma, nyiza otha alixlix lax üntoxle nyixfole mongtex ma fongkhale saxlan le ngokya hakpa tuita tüikya.

KAXHO MÜIKYA LUK 12:19

Ilaxle kue alüile ku füi akaxüi: Shomüi mix! Zangpua obi-obi nang aban angkya jao chitüi le saxkox! Lingkox! Üntoxle mongmüi le ngokox! Pangnu li wüi okhongui le tüile!’

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MATHI 16:23

Aküile hulaxle Jisu-e Pitar ang thüi: “Ku ha angkya atsai paoün, haxshix! Nange ku lom abangle; chemthüikoxle nange thütkya a khünak mongtex changle, Zang mongtex münchang.”

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

MIKA 3:5

Hwom ang otha koxle changkyabu ang mongsom koxüile tsaosaxkya ajebue ku khünaknu dyendaoa. Hwom ang otha chikoxkyabu ang ochax-ozan thama apong angkya aza. Ibu ajebu füi Jowanpae akaxle,

EZEKEL 34:3

Hünzome tsomtibu lingle, müimun nyibu awunle, ilaxle chun sümüimüi langlaxle ija omüi saxle. Ikoxle otuechu hünzome chunbu paktikle münchang.

MÜNCHUAK-TSAI 52:1

Ochax ma achongkya mix, nang ochax bama nang büthüikoxle tsaichong-kaxbongpu? Chialekya Zang mongong ma oshuk müntüipu.

MIKNGÜN-OHÜN 18:7

She chemtukux zaxzangle tamchu, tüinangle hüidaopuix, ija tukux she ang, sikngün hia mikfi nyi laxkox. Chemthüikoxle she-e alüile ile akax: ‘Ku ikhama wangcha ningle ngopu! ku a zomnu chichang, kue mikfi jenkya münawan!’

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

ROM NOK HATO ZAKYA POL LAIZA 6:21

Athax chempang khoma hünzom azakle ngopuix ijabue hünzom ang lap chemchu münfa. Iningkyabu mwot mokkyae khünak zi ang koxle!

EZEKEL 13:19

Chakpuix tuita wonglai tsax hia an hidaole kople lax angkya hanpakmale hünzome ku khünaknu tunthoma ku wün ahai. Zise pa chichangkya khünak hünzome langle awüt, ilaxle azangle ngose chichangkya pa hünzom ozün ma thom. Ile hünzome ku khünaknu hama othai zangwün ilaxle hwome hünzom to mongong.”

1 SAMUEL 2:29

Jangchangba büthüikoxle hünzome ku khünaknue kue lomkya töbu ku hato apüile koxkya to nüfux dongpu? Eli, nange büthüikoxle ku füi ngaxchu hünsa hwom wüi achuak-achenle, ku khünaknue ku hato apüikya töbu kha angkya amüimüikha zünle koplax ilaxle ibu saxlinglaxle amo-amaile ngo ang tompu?

JEREMIA 44:17

Kwome moküihexle akaxkya pangwüi kwome moküi. Kwome Zangkangting Baozangchanu ang töbu koxüi, ilaxle she to kwome ju füi liüi; ija a kwome tamchu kwom pupa hwome, kwom wanghom hwom hia lompabue Judah tinglongbu ma tamchu Jerusalem tingjang lomnu to mokle hüikya ningle changüi. Ipongma kwom tüle ahak-aluale ngopu, ilaxle chem tingtui chitüile ngopu.

2 THESALONIKA 1:9

Jowanpa womle tüikya üntoxle fuazangkya chix zong füi atsailaxle, tamchu chiashuk toxkya thama ma hwome sikngün apongüi,

JUD LAIZA 1:10

Ikoxle ibu khünake hwome ngaxchu chitsingkyabu ang kaxma thüi üntoxle hwontüi jezai le chichangkya müibu ningle, pangnu li hwome jaopo makhange awanle laxle ilaxle ibue hwom amütle.