FILIPI 3:17 - OTSAO BAIBEL (BSI)

¹⁷ Kutüi kunaohom, hünzom pangnusae wüi ku thüi anokya taxdan. Kwome hünzom hato ahokya lailaile changkya sütlom mwotlom ahokyabu to khile huhüi.

FILIPI 3:17 ပူးပေါင်းရင်းမြစ်များ

FILIPI 4:9

Ku kax-ngao hia süt-mwot makhange hünzome ku angkya awanle laxkya hia kopkya, ibu pangnu hünzome mwot ma twonkox. Üntoxle kwom ang mongsom koxkya Zang hünzom füi ngohüi.

1 KORIN 4:16

Kue hünzom ang shingmongle akaxpu, kue hünzom hato ahokya ningle ku man tokyabu ang achanghüi.

1 PITAR 5:3

Hünzom ang nyehüio le koxle thomkyabu thakma hopunu ang chichang homtoxle hwom tu ma hünzom apyen angkya tuita ang achangkox.

2 THESALONIKA 3:9

Kwome ija, kwom to fong hüile thüi angkya olom müntüile mokkya chichang; kwome ija tuita hünzome anole kop angkya olom tuita ang naxchangle mokpu.

IBRI 13:7

Hünzom füi Zang Kaxho akaxkya, pongwang angkya hünzom lompabu taxalak. Hwom chemle ngole hüi üntoxle chemle zi, ibu to aküi le tam ajangle anolax, ilaxle hwom mong ningle chang ang azonglax.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

2 THESALONIKA 3:7

Hünzome chem mokdaopuix ija wüi mok angkya changpu le hünzome ipongmüile tsing ngopu. Kwom hünzom füi ngotanto zaxkak fana le chichang.

1 KORIN 10:32

Jehudi nok wüi changlax chichangba mixnok wüi changlax chichangba Zang müimüithom wüi changlax, owawa angchu tingtui chiadün le ngolax.

2 THESALONIKA 3:14

Kwome ija laiza makhange hünzom hato akatkya kaxho to chiong angkya mixchu tix tüikoxlax. Ile jangchang thüiba, chix to hule koplax, ifüima chix füi asax amokkya chemchu taxtüi, ikoxletix chixe thünzak kopüi.

1 THESALONIKA 1:6

Hünzome kwom thüi tamchu Jowanpa thüi anopu; ilaxle hünzom huanuma sikngün koxlechu, Otsao Chasa tokhange hüikya mongmüi füi hünzome ija kaxho pongle koppu.

ROM NOK HATO ZAKYA POL LAIZA 16:17

Kutüi kunaohom, kue hünzom zongsaipu; ahak ahan angkya mix hia mongong ma khünaknu chikho asua ang kox angkya mix, owa hünzome pongle kopdaokya hwon-nwot zongto opüima tüipuix, ibu hanpakma mik-hingle ngolax; hwom füi atsaile ngolax.

MÜNCHUAK-TSAI 37:37

Müikya hia otsao khünakbu to hulax; somdangkya khünakbu ang sixlibu tüile,

1 KORIN 11:1

Kue chemle Khrista thüi anopuix, ilailaile hünzomechu kuthüi anolax.