FILIPI 3:12 - OTSAO BAIBEL (BSI)

¹² Kue tholün daoa chichangba okhonguikya mix ang achangdaoale otuechu münala. Ikoxle Khrista-e oja ku chix hato kople tsuakdao laxpuix, ija hingho ataktsuak angkya hanpakma ku azongle wüi ngopu.

FILIPI 3:12 ပူးပေါင်းရင်းမြစ်များ

MÜNCHUAK-TSAI 138:8

Nange tsaodaokya pangwüi nange mok angkya changle; Jowanpa, nang mongkün ma oshuk müntüi. Nange owang wangdaokya mwot ashuk-hüi.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

ISAIA 51:1

Jowanpae thüi: “Ku kax apalax, hünzom khosünse le tsukyabue, hünzom ku hato fongkya lomle nguikyabue. Nang ojong tokhange nguipuix ija longnu ajang koplax, ojong longthwot nui angkya nang thole alaipuix, ija a.

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

EFISIA 1:4

Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

FILIPI 3:16

Ija atix tütale wüi changlax, anyix kople keme tole hüikya taningkya wanlombu ningle kem thochi to lehax.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

JAKOP 3:2

Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

GALATIA 5:17

Chemthüikoxle oja kem khünak jaopoe lompuix ija a Chasae lomkya füi opüi changle. Ija nyi a tata füi zan changle, chemthüikoxle nange ma mongtsukya chemchu mok ang müntho.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

2 THESALONIKA 2:13

Tüi-hi-naohom, hünzom opang to Jowanpa-e mongkün puix, hünzom hanpakma othuithuima kwome Zang ang münchong fa angkya changle. Otsingtsing tokya hünzom mongong tokhange hünzom otsao khünakbu ang achang angkya hanpakma Chasa zong makhange khosün kop angkya bama pongwang lükya ang Zange hünzom zünle kopkya changle.

EFISIA 4:12

Khrista tsangtsa zing angkya bama Zang khünakbu pangnu wüi khristan mwottho ma mok ang acha-achwon angkya kuxma chixe ija mok.

2 KORIN 13:9

Kwom a shonai ikoxlechu hünzom tsakzong le changkya zuma kwom mongmüile. Ikhoma hünzom chuwüi nguiwangkya ang achang angkya kwom zangjop changle.

1 KORIN 13:10

ikoxle otue okhonguikya hüiüihex izuma okho chinguikya dantox dao angkya changle.

WANWÜNKAX 4:18

Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

MÜNCHUAK-TSAI 119:5

Nange adangle fakyabu thom angkya bama otuechu münaleüi le kue chemtukux monghompuix!

MÜNCHUAK-TSAI 84:2

Ku ikhato ngosele chemtukux texpuix! Ku a Jowanpa Zangshwom-Hom ma ngose tsule.

MÜNCHUAK-TSAI 63:8

Kue nang to khexpu, ilaxle nang chak füi ku kople thompu.

1 THESALONIKA 5:15

Owawae oma lüix to oma khom angkya mix jangtüi thüiba hukox, ikoxle tata füi tamchu pang füi wüi jento omüimüi wüi mok angkya nang mongjang ang achangkox.

1 TIMOTHI 6:19

Ilailaile tix hwome athax füichima ma hanpakma oja oshing mongkya chifün ang changüihex, ija tuina athün ang thoüi. Üntoxle hwome tsün oja otsingtsing tsün hex, ija kop ang thoüi.

WANGSHEMBU MWOT 9:15

Jowanpa-e chix ang thüi: “Paokox! Chemthüikoxle kue chix ku mwot mok ang kamdaoa. Chixe ku mün mixnokbu hia hwom wanghombu hato tsingang tomüi.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

MÜNCHUAK-TSAI 94:15

Khwabu ma tamchatlechu sukya kaxfün atak ang kopüi, ilaxle otsao khünaknu pangnue ija to juafong.

IBRI 12:23

Zangkangting to mün zale tüikya oputwang thom pwonla tusox to hünzom ngui. Noknu kaxfünpa Zang üntoxle nguiwangkya ang achangkya otsao khünak chasabu hato hünzom ngui.

MÜNCHUAK-TSAI 42:1

Müikhi tuitae shuasa bang to sim sungkya ningle, kue nang sungpu, O Zang.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

ROM NOK HATO ZAKYA POL LAIZA 8:39

thak tokya zangfange wüi changlax chichangba fang tokya zangfange wüi changlax: Jisu Khrista ma kem kux ang ngokya Zang mongkün füi kem ajan ang tho angkya Zang chakzing khama athax kople chemchu matüi.

1 KORIN 9:24

Azikzik pangnuwüi zik ma apanpu, ikoxle hingho tuitae wüi kople le hünzome münawan hexnyi? Jangchang thüiba nange ija hingho kop ang thole ole zikkox.

1 KORIN 13:12

Athax keme chem ngünpuix, ija a chahu mongto ocha ngünkya ningle changpu; ifüima keme thünkhang asaole ngünüi. Athax kue chem tsingpuix ija a süifi-süitex; ifüima kue tsingle ngokya ningle ibu pangnu komkaile tsingle laxüi.

FILIPI 1:1

Khrista dabu, Pol hia Timothi nyi tokhange: Khrista Jisu füikya notom ma Filipi angkya Zang khünaknu, tamchu müimüithom lomzun mixbu hia fongmixbuchu womle; hwom hato:

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

FILIPI 3:8

Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.