FILIPI 3:10 - OTSAO BAIBEL (BSI)

¹⁰ Ku mongtsukya abakle a Khrista tsingse ilaxle chix chatle azangle zokya thwon lopse le tsukya ibibi changle, ija a chix sikngün tom-han angkya hia chix zik ma chix ningle achang angkya hanpakma,

FILIPI 3:10 ပူးပေါင်းရင်းမြစ်များ

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

FILIPI 3:8

Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.

1 JUHAN 2:3

Keme Zang kaxtom kax ma laxle jangtüiba, keme chix tsingwankya Ija makhange atsingsho le changüi.

KOLOSI 3:1

Hünzom a Khrista füikya notom ma azangle ngokyabu changle, idaile hünzom kün-mong a zangkangting, ojong khato Khrista Zang tsaxchi angkya chix ngwotnui ma thungle ngopuix, ikhato tüikya jalibu to koxle thomlax.

KOLOSI 1:24

Ilaxle hünzom hanpakma kue sikngün apongkya bama ku a mongmüipu, chemthüikoxle ku tsangtsa ma sikngün apongkya tokhange, chix tsangtsa thüikoxle müimüithom bama Khrista sikngün okho angui ang atale tüikya ashuk aza angkya to fongle hüile.

2 KORIN 1:5

Keme chemle Khrista sikngünbu tom-hanle hüidaopuix, ilailaile Khrista makhange Zang chingcha achongkyachu tom-hanpu.

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

2 KORIN 13:4

Chix pünsak ma takle lang pongma zong shole maxkya otsing tomta changle. Ikoxlechu athax a Zang tsakzong makhange Khrista a ozün ma tüile. Kwom chuwüi chix füikya notom ma, shonai le tüile. Ikoxlechu otue kwom Korin to ngui ilaxle hünzom füi asax-amok, izuma ozün ma tüikya Khrista füi tomle kwom asoxüi ilaxle iningle kwom ma mok angkya Zang tsakzong tüiüi.

1 JUHAN 2:5

Ikoxle keme chix kax ma janglax thüikoxle Zang mongkün ma okhonguile tüikyabu kem changle. Kem Zang füi notom ma ngole le tsingle lax angkya olom a ija changle.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

ROM NOK HATO ZAKYA POL LAIZA 8:29

Tüi-hi-naohom khama Zang Hosa puxkya owang ang achang angkya bama, Zange opang kamle kopdao laxpuix, tamchu chix Hosa ningle achang ang süile danle.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

KOLOSI 2:13

Tam a hünzom ochaxbu khoma tamchu wanlom chitüikya mixnokbu changkoxle chasa ma omangbu changkya. Ikoxlechu athax a Zange Khrista füi tomle hünzom a ozün ang achang daoa. Zange kem ochax pangnusa thailak fa;

EFISIA 4:13

Ikhoma kem pangnusae wüi Zang Hosa awan ang kopkya kem mongong hia hwon-je tuita hato kem pangwüi hüi angkya changle; Khrista jaopo hato alople kem tsong angkya changle.

2 KORIN 1:10

Ija ningle za-adünkya, mikjao maxse thomzün chak tokya chixe kwom azündaoa, üntoxlechu wüi sün angkya changle; ile hünzome zangjop makhange kwom to fongle ngopongma, chixe kwom chatlechu wüi sünüi le kwom mongong chix ma thomdaoa.

JUHAN 10:18

Ku angkya ku tsün owaechu pale paokya chichang ikoxle kue mongtsu laxle ija ku tsün koxpu. Kox angkya tamchu tamchatle lax angkya tsakzong ku ma tüile. Kue ile mok angkya a Apae ku ang koxkya kaxtom changpu.”

MATHI 20:23

Jisu-e hokhi ang thüi: “Changpu hünzome ku pe makhange ling ang thoüi, ibachu ku tsaxchi hia ku nongchi ma owa thungüi hex, ija kam angkya ku ma chem olom müntüi. Ijabu ngwotnui a opang hanpak ma-ole Apae achwonle tüilaxpuix hwom kux changpu.”

JEREMIA 9:23

Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

ROM NOK HATO ZAKYA POL LAIZA 8:36

Otsao Lai ma tüikya ningle, “Hünzom kuxma nyixtungta, zik thomzün ma kwom ngole; lang ang paokya chun to hwonpupu, kwom to ile hwonle.”

GALATIA 6:17

Kaxshuk ang: Owaechu tamchatle kusik taxangün, chemthüikoxle ku tsangtsa angkya janmane wüi Jisu da tuita changle le ahole.

2 PITAR 1:13

Ku ozün ma ngotanto ibu bama hünzom mongto texle atak ang tom angkya a ku mwot changpu le kue texpu.