Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




FILIPI 3:1 - OTSAO BAIBEL (BSI)

1 Oshukma ku tüinaohom, Jowanpa füi notomkya ma mongmüi pwonla lax. Thoto zadaokoxlechu ija kax kue chatchatnaole akaxpu üntoxle hünzom zongma ija omüimüi wüi.

အခန်းကိုကြည့်ပါ။ ကော်ပီ




FILIPI 3:1
46 ပူးပေါင်းရင်းမြစ်များ  

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!


Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.


Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,


Itülüi nange Khrista sikngün atom-ahanpu le mongmüilax, ikoxletix chix ngaikya zuma nang mongmüie awangle changüi.


Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.


Oshuk ang: Hünzom pangwüi mong tuita ma, chingcha jajakya tüi-hi-nao ningle künkak mongkün füi mong nonai tamchu künsom mongdang le changlax;


Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.


Ku mongkün tüinaohom, ija a hünzom hato anyi lükya ku laiza changle.


Oshukma, chix tsakzong chongkya makhange, Jowanpa füikya notom ma hünzom tsakzong alailax.


Zang ku khosünpa changkoxle ku chasa mongmüile,


Israel angkya khünaknu a süpahibu lailaile tsak-zong füi tüiüi, grepti-ju lingdaokyabu ningle hwom ang mongmüiüi. Hwom su-sabue ija zan to lütkya jento texle ataküi ilaxle Jowanpae chem mokdaopuix ija khoma hwom ang mongmüikya tüiüi.


Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,


Israel khünaknu, mongmüi to tsaingaole akhong kox! Nang mongkha makhange abakle mongmüikox, Jerusalem!


“Mongmüilax, Zaion angkya khünaknu, hünzom hanpakma Jowanpa, hünzom Zang-e chempang mokdaopuix ibama mongmüikox. Chixe hünzom ang watun zangwat okhonguile koxdaoa; chixe zangwa ma zangwat hünzom hato thokle ajodaoa ilaxle tsosa zangwat chuwüi amipongkya ningle koxdaoa.


Nange ma mongmüi Jowanpa ma lomlax, nang mong ma atsutsu chixe nang ang faüi.


Hünzom otsaobu pwonlatungle mongmüikox, Jowanpae tsuakdaokya hünzom mwot bama a. Hünzom chix kax ma laxle tüikyabu, mongmüi to akhongkox.


Ifüima nange Zang to othuithuima mongong thomüi; nang mongmüi otong a chix changpule ataküi.


Ija nyix hwome Jowanpa tunthoma sax-lingle chang ilaxle hwom ang mong tüle müi. Anyi-lükya ma hwome Solomon a wanghom ang achangkya khuapu. Jowanpa mün ma hwome chix to münga füi lile kox, ile wanghom ang kam ilaxle Zadok a nguakho ang kam.


Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.


Mongmüilax; chemthüikoxle zangkangting to hünzom ang hingho tüihule. Hünzom thotokya ajebu tochu hwome ile wüi zothuppu.


Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.


Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.


Hünzom Zingpupa hanpakma mongmüikya tüikox, hünzom Israel; hünzom wanghompa bama Zaion angkya khünaknu, hünzom ang mongmüikox!


Jowanpa a chongwangpa changle! Chaxwannu, mongmüikox! Tinu mong tokya shuazobu, hünzom ang mongmüikox!


Mongmüi atungkya othom tuita, tsai ngaole tamchu Zang achuakle üntoxle tomtomle ahamle hwom lom azuile tüipongma, chemtue ku othom khato Zang hom to paopuix, ledaokyadu texle atak laxle ku mong ashix.


Nang ma khosün atakkyabu pangwüi mongmüiüi; hwome jento mongsom hanpak tsai ngao ang thoüi. Nang to mongkünkyabu kho-awa koxle; hwom a nang khoma otsingtsing mongmüile tüile.


Athax hom to chatlax ilaxle fongkhale pualax. Hünzome masüt-maling chitüi-chinang khünakbu füi tom-hanle changlax. Anyix a kem Jowanpa hanpakma otsao nyix changle, idaile hünzom ang mong taxma. Hünzom ang koxle tüikya Jowanpa mongmüi-e hünzom chatsak-muazongle changüi.”


Mongmüikox kem a chix kux changle; chix to shwomkyabu pangnusa mongmüikox!


Israel nok pangwüi ija Suak zunle, nyazongbu müt, thuaput-waxmaibu angao, khopsya hia klingkingkongbu angaole, hwom a mongmüi atungle akhongle Jerusalem to ngui.


Hanah-e zangjop: “Jowanpae ku ang mong amüile fa; chixe ku to mokle fakya mwot bama ku ang mong huanuma müipu! Kue zanpabu füi nyi ang koppu; Jowanpae ku to fongle changdaokya khoma ku ang mongmüipu!


Jowanpa pomtho ma hünzome masu-masabu, dabu, Liwi hwom, püntüibu, zomnu hia khaxsabu, opangsa hünzom tingnu ma ngole tüipuix, hwom pangnusa füi tomle mongmüi-pwonlakya tüikox. Ija a zangshwom angkya onui jongtakha ma moklax.


Hünzome tamchu hünzom naosombue, hünzom dabu hia hünzom tingnu ma ngokya Liwi hwom chuwüi womle, ibu tö a, Jowanpa hünzom Zang-e chix to shwom-to ang zünle kopkya onui tuita, ojongkha ma chix ngole tüipuix, ikhama sax ang tsuak. Ilaxle, ikhama hünzome chempang mokpuix ibu füi hünzom ang mongmüi angkya oli changpu.


Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.


Hwome mongmüi laxle tsai ngaoüi, ikoxlechu hünzom a mong makya füi sopüi.


Hünzom otsao khünakbu pangwüi, Jowanpae mokle tsuakdaokya bama mongmüi to akhongkox; chix achuak kox, hünzom chix kax ma laxle tüikya pangnusae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ