FILIPI 2:8 - OTSAO BAIBEL (BSI)

⁸ Chix a puinai le tüikya; pünsak ma zi angkya to lünle, ziklom ma chix kax ma laxle aham.

FILIPI 2:8 ပူးပေါင်းရင်းမြစ်များ

JUHAN 10:18

Ku angkya ku tsün owaechu pale paokya chichang ikoxle kue mongtsu laxle ija ku tsün koxpu. Kox angkya tamchu tamchatle lax angkya tsakzong ku ma tüile. Kue ile mok angkya a Apae ku ang koxkya kaxtom changpu.”

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

ROM NOK HATO ZAKYA POL LAIZA 5:19

Üntoxle mixhuak tuitae kax ma chilaxkya khoma khünakbu huanuma ochaxbu ang achangkya ningle, ija lailaile mixhuak tuitae kax ma laxkya khoma khünaknu huanuma Zang füi muamüi ang tomüi.

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

MATHI 26:39

Chix si-achale pao, hax to chix thün akhuple tswonle awüt, ilaxle zangjop: “Ku Apa! Tsuak angkya oli jangchangba, ku angkya ija sikngün wansa shongpao fa! Ikoxlechu ku mongtex ma chichangle nang mongtex ma wüi naxchang.”

WANGSHEMBU MWOT 8:33

Chix tha ajao pongma, sukya kaxfün fa ang chitom. Chix sixli pak owae tiktsuaküi? Chemthüikoxle chaxwannu angkya, chix tsün a paodao khato.”

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

JUHAN 14:31

Ku tu to chix a chemchu münchang, ikoxlechu kue Apa to mongkünkya khoma, kue, Apae ku ang fakya kaxtom ma mokpu le chaxwannu hato awan ang tom angkya kuxmale chix nguiüi. “Ajonghüi, kem a ikha angkya paohax.”

WANWÜNKAX 15:33

Jowanpa chathua zakya, ija a laitik-ngakmankya ang achangpu. Nange tütali münchong kopüi thoto nang ma pui-naikya tüikop angkya changpu.

JUHAN 15:10

Ku chemle Apa kax ma laxle ngopuix, tamchu chix mongkün ma ngopuix, ija ningle hünzomechu ku kaxtom kax ma laxle jangngo thüiba, hünzom chuwüi ku mongkün ma ngoüi.

MATHI 26:42

Anaolechu othom anyi lekya chix atsaile pao ilaxle zangjop: “Ku Apa! Kue maling-lingba ija wansa chipao tsuak angkya jangchang thünchu nang mongtex ma wüi naxchang!”

MÜNCHUAK-TSAI 22:16

Ochaxbu othom ku akhople tüile; hima zyem lailaile hwom ku hato süsox-süsox soxle hüi; hwome ku-cha ku-chak to khinle hu.

TSAITONG-KAXTONG 21:23

ija a zang angaile thom angkya oli münchang. Ija a inyixnyix wüi akhün angkya oli, chemthüikoxle khünak mang pün ma ashale thomkyae haxtok hato Jowanpa thuakzom apüiüi. Mang a akhünlax, ile changkox tix Jowanpa hünzom Zang-e hünzom ang koxle ngokya haxtok chitsaokya haxtok ang münachangüi.

MATHI 17:2

Hwome hule ngopongma wüi Jisu sün lüile hüi; chix thün zanghan ningle nyan, ilaxle chix nyizabu a tüle nyanle tse.

JUHAN 4:34

Jisu-e lanle hwom ang thüi: “Owae ku tsanle apaopuix, chix mongtex mwot mok angkya tamchu chix mwot ashuk angkya a ku süt changpu.

KAXHO MÜIKYA LUK 9:29

Chixe zangjople ngoponge, chixsün-chixjo jei üntoxle nyiza jikjyeple nyanle tse.

IBRI 12:4

Hünzome ochax füi azankya zuma ma aji ajen angkya kople adule mahüi.