FILIPI 2:7 - OTSAO BAIBEL (BSI)

⁷ Itülüi thüikox, chix küntsu monglua to; chix ma tüikya kwomle dantox, üntoxle da tuita zanglom twon. Chix khünak ningle achang, ilaxle khünak lailaile ngaile aho.

FILIPI 2:7 ပူးပေါင်းရင်းမြစ်များ

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

MATHI 20:28

Khünak Hosa a mok ang tom ang chichangle mokle fa angkya hanpakma tamchu khünak khosün angkya bama chix tsün kox angle nguipu.”

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

IBRI 4:15

Chemthüikoxle kem-sho kem-naikya to chingcha chitüikya mix chichangle, kem ang, pangnu lom ma wüi kem lailaile thwontsing apong, ikoxlechu ochax chilyenkya Nguakho tuita tüipu.

ROM NOK HATO ZAKYA POL LAIZA 15:3

Otsao Lai kax ma: “Hünzom adix-adale akaxkyabu thajao wünhai kax ku hato nguile”, le akaxkya ningle changüi chemthüikoxle Khrista-e alüile chix mong chiamüi.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

KAXHO MÜIKYA LUK 22:27

Büle jangthüiba fongsüt ma hakle thung ngokya mix hia humele fakya mix nyi achongkya opupuhex? Fongsüt ma hakle thung ngokya mix wüi münchanghex nyi? Ikoxle ku hünzom khama tuita humele koxkya mix ningle changle.

ROM NOK HATO ZAKYA POL LAIZA 15:8

Chemthüikoxle putong hwom füikya Zang kaxtsao changle ngai angkya hanpakma, ilaxle chix chingcha khoma mixnokbuechu Zang achuak achen angkya bama,

FILIPI 2:6

Jento chix ma Zang jaopo tüikya, ikoxlechu Zang füi tomwüi ang, achang angkya changle le, chix mongto zongma laxle, otuechu chithüt.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

MÜNCHUAK-TSAI 22:6

Ikoxle khünaknue thüi: “Chix a khünak münchang, ikoxle chong changle.” Khünaknue ku chie-chise üntoxle pangnusae awütpu!

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

MATHI 12:18

“Kue kamle kopkya ku da ikhama tüile; owa to kue mongkün puix tamchu ku mongzom müipuix. Kue ku chasa chix ma ajoüi, ilaxle chixe ku kaxpfün chaxwannu hato apuküi;

IBRI 13:3

Kun khato ngokyabu taxalak, ikoxle hünzom chuwüi hwom füi tomle kun to ngokya ningle thütlax. Hwom füi tomle hünzom chuwüi sikngünkya ningle thütlaxle sikngün ma ngokyabu taxalak.

ROM NOK HATO ZAKYA POL LAIZA 1:3

Ija a chix Hosa, kem Jowanpa Jisu Khrista bama changle: Khünak chifün ma chix a Dawid sasün tuita ang pux;

MARK 9:12

Chixe hwom ang thüi: “Pongwang ma Elija wüi shonghüi kop angkya changle ilaxle pangnu li azünle zingüi; ikoxlechu Otsao Lai-e: ‘Khünak Hosa huanuma sikngün angkya changle ilaxle chilaxle awütüi’, le büthüikoxle thüi?

ZEKARIA 3:8

Ikhoma Nguakho ang ngokya Jihusua, nange apakoplax; üntoxle chix füikya zompu-zangpabu hünzomechu apakoplax, hünzom a füichi shomüi hanpak münwan changle: Kue Pünkang le nyakkya ku da, kue ngaile ahofaüi!

DANEL 9:26

Ilaxle ija hanpak ashukle changpongma Zang-e zünle kopkya lompa a chisukya olom ma langle awütüi.

ISAIA 49:3

Chixe ku ang thüi: “Israel, nang a ku da changle; nang khokho ma, khünaknue ku achuaküi.”

2 KORIN 13:4

Chix pünsak ma takle lang pongma zong shole maxkya otsing tomta changle. Ikoxlechu athax a Zang tsakzong makhange Khrista a ozün ma tüile. Kwom chuwüi chix füikya notom ma, shonai le tüile. Ikoxlechu otue kwom Korin to ngui ilaxle hünzom füi asax-amok, izuma ozün ma tüikya Khrista füi tomle kwom asoxüi ilaxle iningle kwom ma mok angkya Zang tsakzong tüiüi.