FILIPI 2:6 - OTSAO BAIBEL (BSI)

⁶ Jento chix ma Zang jaopo tüikya, ikoxlechu Zang füi tomwüi ang, achang angkya changle le, chix mongto zongma laxle, otuechu chithüt.

FILIPI 2:6 ပူးပေါင်းရင်းမြစ်များ

JUHAN 5:18

Ija khoma Jehudi nok pünpa-chongwangbue chix lang ang onüi tung. Chemthüikoxle chixe nazak nyix tata amakya chichangle, Zang ang chixe Hopa changpu le akax; ile chix Zang füi tuita ang achang.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

JUHAN 17:5

Ikoxle athax a, O Apa, chaxwannu mazing tanto wüi, nang füi tomle ngo tanto ku ma oja fuazang tüikya hex, ija fuazange, ku nang füi womle tüipongma fuazang ang tomhüi.

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

JUHAN 10:30

Ku üntoxle Apa kukhi a tuita changpu.”

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

IBRI 13:8

Jisu Khrista a münyix, anyix üntoxle othuithuima otyatya.

JUHAN 10:33

Jehudi khünakbue chix kax to lan: “Kwome nang to müikya mwot khomale thupüi münchang; ikoxle Zang adakya khoma thup angkya changle! Nang khünak tuita olekyae nang lualua to Zang ang achang ang azong ngole.”

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

ROM NOK HATO ZAKYA POL LAIZA 9:5

hwom a putong makhange hüikyabu changle, ilaxle khünak tuita ningle Khrista chuwüi hwom züjen angkya changle. Pangnu thakma apün-awangkya Zang jento achuakkox! Amen.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

JUHAN 20:28

Thoma-e lanle chix ang thüi: “Ku Jowanpa tamchu Ku Zang.”

JUHAN 10:38

Ikoxle kue ile jangmok thüikoxle, hünzome chiong koxlechu, hünzome ku ma Apa tüile tamchu ku Apa ma tüile le awan ang kop angkya kuxma, kue mokkya mwotbu to thüi ngaxchu onglax.”

IBRI 1:6

Ikoxlechu chix somwang Nao chaxwannu to apao ang hanpak nguile hüikya zuma chixe thüi: “Zang kaxtaimixbu pangnue wüi, Chix shwom angkya changle.”

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

JUHAN 14:9

Jisu-e chix ang thüi: “Filip, ku hünzom füi ibibile ngokox ngaxchu, nange ku matsing lehi? Owae ku ngündao puix, chixe Apachu ngündaoa; jangchangba hünzom hato Hopa ahohüi le nange büthüikya to thüipu?

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

ISAIA 8:8

Pangnu pangnu to chwople, tichen lailaile hwome Judah zutlaxtoxle leüi.” Zang a kwom füi tüile! Chix zang pünkyae chaxwan kho sünle tüi.

IBRI 1:8

Ikoxle Hosa bama Zange thüi: “O Zang, nang wangting ashukle chitoxüi! Nange, nang khünaknu thakma sule apünüi.

JUHAN 5:23

Owae Hosa chathua chizaüi hex, chix tomle ajokya Hopa chathua chuwüi münza.

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

JUHAN 14:28

‘Ku paoüi ilaxle hünzom hato tamchatle nguiüi’ le akaxkya ku kax hünzome atatle laxdaoa. Hünzome ku to mongkün koxle hünzom ang mongmüi tüise, chemthüikoxle ku a Apa hato pao angkya changle; chemthüikoxle Apa a ku füi ngaxchu akhokya changle.

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

1 TIMOTHI 1:17

Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.