FILIPI 2:25 - OTSAO BAIBEL (BSI)

²⁵ Epafrodita owae kuchima süt laxle mwot mok üntoxle azanle hüilaxpuix, tamchu hünzome ku to fongkya tukma kaxho mix ang achangle hüidaokya mix, kue chix hünzom hato akat angkya tuita khütkhaxkya mwot changle le texle.

FILIPI 2:25 ပူးပေါင်းရင်းမြစ်များ

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

KOLOSI 1:7

Hünzom hato ija Kaxho Müikya apüile koxkya mix a, kwome tamnüile mongkünkya kwom üitho Epafra changle. Chix a ikhato hünzom lüix ma kwom to fongkya mix, Jisu Khrista mongong da tuita changle.

FILIPI 4:3

Ilaxle mongao chitüikya ku üitho, hünzome ija mixcha nyi to fongtsox kox; chemthüikoxle Klemen hia ozün ma tüikya Zang laipex ma mün tüikya üithobu füi tomtomle, kaxho apuk ang hwome ku füi tomle azongle mokdaoa.

1 KORIN 3:9

Chemthüikoxle kukhi a Zang mwottho ma üitho changle; hünzom a Zang haxtok. Hünzom a Zang shwom Homchu changle.

FILEMON 1:24

Ilailaile ku mwottho ma üitho Mark, Aristarkas, Dema hia Luk hwomechu salam fale.

WANWÜNKAX 25:13

Tsaxtu tue zangmuk-zangkhamle changpongma tikong ling ang kopkya ningle, mongao angkya chitüikya kaxhomix a kaxhole apaokya mix zongto tuita khangkho achale fakya ang changpu.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

1 THESALONIKA 3:2

Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

KOLOSI 4:11

Jastas le nyakkya Jihusua-echu salam akatle. Zang Wangting hanpakma ku füi tomle mwot mokle hüikya Jehudi khünak khristan ang achangle hüikya a hwom mixhuak azom wüi changle, ilaxle hwom tüikyae ku to huanuma fongle hüile.

2 KORIN 2:13

Ikoxle kem tüinao Tita chibangkya khoma ku huanuma abanle mongmax. Ikhoma ikha tokya khünakbu ang ngodao-ole thüilaxle ku Mesidonia to pao.

JUHAN 17:18

Nange ku chemle chaxwannu to tsanle ajopuix ija lailaile kuechu hwom chaxwannu to tsanle apaopu.

JUHAN 13:16

Otsingtsingma kue hünzom ang thüipu, ma hopunu füi da wüi achongkya münchang tamchu owae tsanpuix, chix füi tsanle apaokya mix wüi achongkya chichang.

ROM NOK HATO ZAKYA POL LAIZA 16:3

Khrista ma ku füikya thothanu nyi, Prisila hia Akuila nyi hato kue salam akatpu.

ROM NOK HATO ZAKYA POL LAIZA 16:9

Khrista thothakya ma kem üitho Urbana, ilaxle ku mongkün zuikhui Stakis nyi ang salam.

FILIPI 2:26

Chixe hünzom ngündaose le sungle tamchu hünzom ang chix kakkya zing atat ang koxkya bama chix mongto kakle.