FILIPI 2:2 - OTSAO BAIBEL (BSI)

² Idaile, mongjang tuita ma tomlaxle, mongkün tuita ahanle, ilaxle chasa hia kün-mong tuita ma tomlaxle ku ang okhonguile mong amüi angkya bama hünzom zongsaipu.

FILIPI 2:2 ပူးပေါင်းရင်းမြစ်များ

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

3 JUHAN 1:4

Kusu kusa hwom otsingtsing ma shingmongle ngokya zing atat pongma müikya ningle ku ang mong otuechu münmüi tox.

FILIPI 2:16

Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

2 JUHAN 1:4

Züizüi nang naosombu Hopa Kaxtom kax ma laxle ngokya ngünlaxle ku ang tüle mongmüipu.

2 THESALONIKA 2:13

Tüi-hi-naohom, hünzom opang to Jowanpa-e mongkün puix, hünzom hanpakma othuithuima kwome Zang ang münchong fa angkya changle. Otsingtsing tokya hünzom mongong tokhange hünzom otsao khünakbu ang achang angkya hanpakma Chasa zong makhange khosün kop angkya bama pongwang lükya ang Zange hünzom zünle kopkya changle.

KOLOSI 2:5

Chemthüikoxle ku tsangtsa ma hünzom khato chitüi koxlechu chasa ma ku hünzom füi tüile, ilaxle Khrista tokya mongong ma hünzom shingmongle ajongkya ngünlaxle ku ang mongmüipu.

FILIPI 4:2

India hia Sintik nyi, kue hünkhi ang thüipu: Chingchalaxle Jowanpa ma na-hi-naohom ningle hünkhi tsaino-kaxno tomhüi.

FILIPI 2:20

Ku mongjang atom-ahanle laxkya hia hünzom hanpakma otsing tomtata ma tuitex füi tüikya mix chix tata wüi changle.

2 KORIN 7:7

Kwom ang mong amüikya chix nguikya tatae chichang, ikoxlechu hünzome chix ang zong adünkya bama chix kaxho khomachu changle. Hünzome ku ngünse le thütkya, jangbahex le hünzom mongto texkya, ku khose ang hünzom atha anyem le tüikya, ibu chixe kwom hama wünle; ibu atatlaxle sisile ku ang mongmüipu.

2 KORIN 2:3

Kue hünzom waise chitsu laxle ija lai zapu, chemthüikoxle ipongkhae kue hünzom waikoxle ku ang mongma angkya ataküi. Ku mong amüise a hünzom changhupu ikoxle hünzom mong ama ang ku chemto nguiüi; chemthüikoxle ku mongmüi füi tomle hünzom pangnu ang wüi mongmüi angkya atsingsho.

WANGSHEMBU MWOT 5:12

Khünakbue ngünle hwom khama khomtsikya hia ohünotün mwotbu wangshembue mokle aho. Solomon nya-o ma mongong mixbu müitom tuita ang asox.

WANGSHEMBU MWOT 1:14

Shekobu hia Jisu honu Meri tamchu hotüi honaohom füi notom tuita zingle hwom onoxnox ma zangjop ang asox.

FILIPI 1:4

üntoxle kue hünzom pangnu hanpakma zangjop pongma,

JUHAN 3:29

Tuinu zongto Tuipa tix hopupa changpu; ikoxlechu tuipa hozui owae ajong laxle chix kax apale ngopuix, tuipa kaxzing atatlaxle chix mong sisi huanuma müiüi; ku mongmüi okho anguikya a ija lailaile changpu.

2 TIMOTHI 1:4

Kue nang mikfi jenkya texle atakle, ilaxle kue nang ngünse le tüle texle, ile changkoxle tix ku mongmüie awangüi.

WANGSHEMBU MWOT 2:1

Pentekos nyix nguikya zuma Jisu to mongongkyabu pangnusa wüi jongta khama afoxle nui.

FILEMON 1:20

Idaile tüinao, chingchalaxle Jowanpa münma ija ku kax pongle shongkop fa, ilaxle Khrista ma tüinao tuita le ku ang mong shong amüifa!

MÜNCHUAK-TSAI 122:8

Ku haxnu-homsa hia zuikhuibu hanpakma kue Jerusalem ang thüipu: “Nang ma tumüi-lomkhaokya tüihüi!”