FILIPI 2:16 - OTSAO BAIBEL (BSI)

¹⁶ Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.

FILIPI 2:16 ပူးပေါင်းရင်းမြစ်များ

1 KORIN 9:26

Idaile ziakop ang-ole ku tangthole zikpu; idaile kue zangwin to chakthome müntop;

GALATIA 2:2

Zange ku hama pao angkya wüi changle le ahokya khoma ku ikhato paopu. Lompabu füi huxsa tusox ma kue mixnokbu hato Kaxho Müikya apuk-apuakya bama wünle kox. Ledaokya machu ilaxle athaxchu wüi kue thothojole mokse chitsu.

1 JUHAN 1:1

Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.

2 KORIN 1:14

izuma hünzome kwom bama komkaile awanle laxüile kue monghompu. Imatix hünzom bama kwom ma tüikya mongngam füi tomwüi hünzomchu kwom bama mongngam tüi ang tsuaküi.

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

1 THESALONIKA 3:5

Ikhoma kue Timothi akat angkya laipu. Ku mongto adu ang chitho laxle, hünzom mongong paktik ang kue chix tsanle akatkya changle. Bao-e thwontsing laxle kwom mwot chem angchu chiachangle chang angkya otuechu münfaüi le kwome ongpu.

JUHAN 6:63

Khüzün koxkya a Zang Chasa changpu, khünak tsakzong a chem angchu münchang ikoxle kax oja kue hünzom füi akaxpuix, ijabue hünzom hato ozün ma tüikya Zang Chasa apüile fapu.

KAXHO MÜIKYA LUK 12:8

“Üntoxle kue hünzom ang thüipu: Owae khünaknu thüntho ma chix ku füito azuikya mix changpule ngaiüi hex, Khünak Hosaechu kaxtaimixbu thüntho ma chix hanpakma ile moküi.

IBRI 4:12

Zang kax a ozün ma üntoxle mwot mokle, pangnyichi anaxkya changlo füi ngaxchu sütsexle tüile. Ijae chamua hia chasa apongkya kha, chizit chakzit hia zizao apongkya kha, ibu pangnu apatle hütle. Ijae khünak tutex hia mongjang bama kaxfün fale.

1 PITAR 1:23

Chemthüikoxle ozün ma tüikya tamchu oshuk chitüikya Zang kax makhange, otuechu chizitox angkya Jowanpa susabu ang achang ang hünzom tamchatle pux ang tom.

1 THESALONIKA 2:19

Kwom monghom, kwom mongmüi, ilaxle chix nguikya zuma Jowanpa Jisu Khrista thüntho ma kwome tholünkya bama kwom ngam angkya, ija a owa khoma: Ija a mama owa khomachu münchang, hünzom khoma tix changpu!

GALATIA 4:11

Hünzom hanpakma mokkya ku mwot chem angchu chichangle tüiüi hia le hünzom khoma ku abüt-aban maxle.

ISAIA 49:4

Ku thüi: “Kue mokdaoa, ikoxle ija mongong angkya jao chitüile changle! Kue ku janzüi twondaoa, ikoxlechu tsuakkya kha chemchu chitüi.” Ikoxlechu ku zangwün khose angkya hanpakma kue Jowanpa to ongpu; kue mokdaokya khoma chixe ku ang hingho koxüi.

MÜNCHUAK-TSAI 71:17

Ku naosa ma tüitanto tokhange wüi nange ku hama anwot-anole fapu, üntoxle athaxchu kue nange ohünotün mwotbu mo wünpu.

MIKNGÜN-OHÜN 22:17

Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.

WANGSHEMBU MWOT 13:26

“Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

MATHI 10:27

Kue zangnak khato hünzom hama wünkya pangnu hünzome tamchatle zangngai ma wün angkya changle. Na ma thap laxle chem wündaopuix ija a homkho tokhange tinglyet angkya changle.

MÜNCHUAK-TSAI 40:9

Jowanpa, nang khünaknu tusox ma, nange kwom khosünle kopkya kaxho amüikya kue wünpu. Kue ija mo wünkya münzaktoxüi, ija nang awan ngopu.

1 KORIN 1:8

Kem Jowanpa Jisu Khrista hanpak nguikya nyix hünzom ojao thaikya chitüile chang angkya hanpakma, chixe hünzom oshuk kople shingmongle ngo angkya koxüi.

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.

FILIPI 1:10

Ija a hünzome amüikya zün ang tsuak angkya kuxma changpu. Ifüima tix Khrista zangngai ngünkya nyix hünzom chitsaokyabu pangnu tamchu oma laikho khakyabu pangnu füi atsaile ngo ang thoüi.