FILIPI 2:13 - OTSAO BAIBEL (BSI)

¹³ chemthüikoxle chix kax ma lax angkya ilaxle mongtsule tüi angkya hanpakma Zange hünzom ma mwot mokle tüile.

FILIPI 2:13 ပူးပေါင်းရင်းမြစ်များ

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

2 KORIN 3:5

Ija mwot mok ang tsuaküile akax angkya kwom ma chemchu müntüi. Moktsuak angkya zong Zang tokhange tix hüipu.

2 TIMOTHI 1:9

Chixe kem khosünle kop üntoxle chix zongto mamix ang nyakle laxkya a keme chem mokdao laxpuix ikhoma münchang ikoxle chix mongtex ilaxle chingcha khoma changle. Chixe kem ang ija chingcha a hanpak owang wangüi thoto wüi Khrista Jisu makhange fakya changle,

ROM NOK HATO ZAKYA POL LAIZA 9:16

Ikhoma khünak mongtex hia mokkya mwot füifüile münchang ikoxle Zang chingcha füifüile changüi.

1 KORIN 15:10

Ikoxlechu Zang chingcha tokhange anyix ku wangshem tuita ang achangle ngopu, ilaxle chixe ku ang fakya chingcha mwot ma chithaple chichang. Itülüi thüikox, ku tatae mokle lea münchang, Zang chingchae ku füi tomle mokpu, ikoxlechu wangshem mamabu füi kue wüi azongle mokpu.

JUHAN 3:27

Juhan-e lanle thüi: “Zange fakya chichang thüiningle khünake chemchu kop ang müntho.

EFISIA 1:11

Pangnuli Zang mwottho hia mongzang wünkya ma tix mokle hüipu; üntoxle pongwang tokhange wüi thomkya chix mongzangwün ma athong laxle, chix chaktung khomale Zange kem Khrista füikya notom ma chix khünaknu ang zünle kople.

1 KORIN 12:6

Mok angkya olom-olom tüihupu, ikoxlechu ibu pangnu li hanpakma mok angkya zong a Zang tuitae wüi fapu.

2 THESALONIKA 1:11

Ikhoma kwome hünzom hanpakma jento zangjoppu. Chemle ngo ang chixe hünzom sele koplaxpuix, ija tsün hanpakma hünzom asule zing angkya bama hünzom hanpakma kwome kwom Zang to joppu.

EFISIA 1:5

Chix mongkün khoma Khrista ma kem chixsu chixsa ang achang angkya Zange mongzangwünle tsuak daokya changle. Ija a chix mongmüi tamchu chix chaktung changle.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

1 WANGHOMBU 8:58

chixe kem chix kax ma laxle tüi ang tomhüi, ikoxle tix kem chix mongtex ma ngo ang tamchu kem pupa hwom ang koxkya chix wanlombu hia kaxtombu komkaile thom ang thoüi.

MÜNCHUAK-TSAI 119:36

Hakpa-luapa ang achangkya füi nang wanlombu kax ma laxsele tsukya mong ku ang fahüi.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

EFISIA 1:9

Chix hwon-je üntoxle tsing-wankya pangnu ma Zange chix chaktung chem hex ija mokle, ilaxle Khrista makhange tsuak angkya chix mong ma zangwün tsuak daokya huxsa mwottho keme awan ang koxle.

JUHAN 6:65

Ilaxle Jisu-e thüi: “Ija khoma kue hünzom ang thüipu, Apae koxkya wüi chichang thüiningle hünzom ku hato owachu hüi ang müntho.”

JEREMIA 32:38

Ifüima hwom a ku khünaknu ilaxle ku a hwom Zangle ngo angkya changle.

ROM NOK HATO ZAKYA POL LAIZA 9:11

Tuita wüi kamle kopkya olom ma Jowanpa chix chaktung otya ma naxngolax ang, Zange she ang thüi: “Hotüi mixe honao thothaüi.”

JEREMIA 31:33

Tsaotsüt hozün kue Israel nok füi thom angkya a ija changpu: Kue ku wanlom hwom mongkha to shoüi ilaxle hwom mongtsang ma zale thomüi. Ku a hwom Zang changüi ilaxle hwom a ku khünaknu changüi.

WANWÜNKAX 21:1

Chixe chemle shuasa ti jenle le angkya oshua chwonpai ma züile koxpuix ija lailaile Jowanpae ochwonpai ma wanghombu tutex akumathum ang thole.

IZRA 1:1

Parsia angkya Sairas chongwangpa ang achangkya pongwang lükya zanglao ma, Jowanpae chix ajepa Jeremia füi chempangle akax daopuix, ibu changle ngai ang tom. Ija kaxho chix chaxwan pangnu khato wüi laiza ma afan angkya hanpakma chixe Sairas ang akhangle mok angkya kaxtom kox:

IZRA 7:27

Izra-e thüi: “Kem putong hwom Zang, Jowanpa, chix achuak kox! Chixe chongwangpa ang ija ningle Jerusalem angkya chix Zangshwom-Hom achuak-achen ang tomdaoa.

IZRA 1:5

Ifüima Benjamin hia Judah homjen lompabue, nguapabu hia Liwi hwome, ilaxle tütapu wüi changlax, Jerusalem angkya Jowanpa Zangshwom-Hom zingle amüi angkya hanpakma pao angkya bama Zang-e opang mongto tsukya mongkho adünle koxdaopuix, ibu pangnu to

2 PUKAX-PANGAO 30:12

Wanghompa hia chix nguakax-wangkhobu kaxtom to le chix mongtex kax ma laxle chang angkya bama ma küntsu monglua to hwom pangwüi motomle chang angkya hanpakma Zang-e Judah ma mwot mokle tüikya.

JUHAN 6:45

Ajepae ile zakya tüile: ‘Pangnusa hama Zange apuaüi.’ Owae Apa kax atatüi hex tamchu chix makhange awanle laxüi hex, chix tix ku hato nguile.

ISAIA 26:12

Nange kwom ang ahak-aluakya fa angkya changle, Jowanpa; kwome chempangsa tholünle changpuix ibu a nange mokkya mwotza laipu.

MÜNCHUAK-TSAI 141:4

Othai mwot moksele tsukya chak tokya tamchu chichangchizangle tüikyabu füi ochax khünakbu khato hak angkya chak tokya ku abax thom hüi. Kue otuechu hwom fongkhatbu ma womle chang ang taxtom.

NEHEMIA 2:4

Chongwangpa-e atüi: “Nange lomkya ija chem?” Kue Zangkangting Zang to zangjop,

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

MÜNCHUAK-TSAI 110:3

Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.

JOB LAIPEX 33:29

Zang-e ibu pangwüi chatchatnaole mok;

KAXHO MÜIKYA LUK 2:14

“Zangkho atsua kya khato, Zang fuazang kya naxtüi; zangfang ma chix mongmüikyabu füi, mongsom naxtüi!”

ROM NOK HATO ZAKYA POL LAIZA 12:3

Zange ku ang fakya hingho khoma, kue hünzom pangwüi ang thüipu: Hünzome ozyakai le ma alüile chongbongkya ang taxajang. Itülüi, nang mongjang ma mong nonai tüikox. Üntoxle Zange ma ang fale thomkya mongong ma thütlaxle ma kaxfün fakox.