FILIPI 2:12 - OTSAO BAIBEL (BSI)

¹² Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

FILIPI 2:12 ပူးပေါင်းရင်းမြစ်များ

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

IBRI 4:11

Idaile ija nazak kop angkya kuxma kem pange wüi otsuaktsuak ma azonghax, ile jangchang thüikoxle mongong chitüikya khoma hwome chikopkya lailaile ija nazak chikopkya mix kem khama owachu müntüiüi.

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

MATHI 11:29

Hünzome ku dang ma pailax, ilaxle ku angkya awanle koplax; chemthüikoxle ku a somdangkya mix tamchu chasa ma jonaikya mix changpu; ilaxle hünzome nazak atak ang thoüi.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

IBRI 5:9

Otue chix nguiwangkya ang achang puix, chix kax ma alaxlax nok hanpakma chix a tuita oshuk chitüikya khosün otong ang achang,

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

WANWÜNKAX 13:4

Zaxkak mixe tütali laxsele chemtukux chu sungle naxtüi, chixe ija chemtuechu münkop. Azongle mokkya khünake chixe alomlom pangwüi atak tsuaküi.

IBRI 4:1

Athax a, chixe akaxdaokya ija nazak atak angkya kaxtsao Zange kem ang koxle tüile. Hünzom khama ija kaxtsao nazak chikople owawa naktüi le kem pangwüi likhün hax.

IBRI 12:1

Kem hanpak ang kaxkhi kox angkyabu kem akhople ija chongkya othom tüile. Ikhoma kem lom tsyenkya pangnu li tamchu kem to mongle kün thomkya ochax füi atsaihax, üntoxle kem thüntho ma tüikya zikkya khato monge texkya füi zik-hax.

FILIPI 4:1

Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

FILIPI 1:29

Tamchu chix to ongkya makhange tata le chichangle chix hanpakma sikngün apongkya tokhangechu wüi, hünzom ang Khrista thotha angkya shomüi fadaoa.

MÜNCHUAK-TSAI 119:120

Nang khoma ku zale; chemthüikoxle nang kaxfün thoto ku zakyae awangle.

MÜNCHUAK-TSAI 2:11

Zakya füi Jowanpa thothalax; abünlax

2 KORIN 7:15

Hünzom pange wüi chix wün müile pongle kopkya hia hünzome chixe adangle fakya hwon-nwot jaono kax ma lax ang achwonle tüikya texle atak laxle Tita mong ma hünzom to mongkünle texkya mong süzu süzule chong.

1 KORIN 2:3

Idaile ku hünzom füi tüipongma ku shonaile hia zakyae pangnu kha abünle süt,

EFISIA 6:5

Dahaibu, hünzome zakya hia abünkya füi ma tsangtsa hopunu hwom kax ma laxle hwom chak to dankox; ilaxle Khrista thothakya ang laxle, nange ija mongkoxle mokkox.

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

WANWÜNKAX 10:16

Müikya mwot mokkya hingho a khüzün changle, ikoxle ochaxe sisile ochax to alyetle.

MATHI 11:12

Bapti fakya Juhan-e, chix kaxho apukkya tokhange owang wanglaxle anyix kopkya bama Zang Wangtinge huanuma fuxtsüi angkya laile ilaxle müishix-mixmabue ija kople thom ang azongle.

IZRA 10:3

Athax kwome Zang tunthoma ibu shekobu hia naosom apao angkya shingmongle tsaotsüt angkya changle. Nang üntoxle Zang kaxtom kax ma laxle tüikyabue kwom ang adangle fakya kwome moküi. Zang Wanlom ma chemle tüipuix ile kwome moküi.

FILIPI 1:5

pongwang tokhange athax kople Kaxho Müikya mwottho ma hünzome ku to chemle fongle hüidao laxpuix, ibu texlaxle kue zangjop pongma mongmüi atungle joppu.

WANGSHEMBU MWOT 9:6

ikoxlechu nang zolax üntoxle tingkhua to donglax; ikhato nange chemle moküi hex ija owawae apuale faüihex”, le ija kaxzinge thüi.

FILIPI 2:19

Jowanpa mongtex jangchang thüikoxle, kue chwonle wüi hünzom hato Timothi akat ang thoüile monghompu; ikoxletix hünzom bama kaxho atatkya tokhange ku ang mongchyen tüiüi.

1 KORIN 4:14

Kue ija hünzom ang zak akople zakya münchang, ikoxle Khrista ma kue mongkünkya kusa hwom ningle hünzom ang adangle kox angle zawüi.

FILIPI 4:15

Ami Kaxho Müikya opukwang tanto, kue Mesidonia dantox pongma, ku to fongkya hünzom müimüithom tata wüi changkya changpu le hünzom Filipi noke amüile tsinglax ngopu; changle, ku olüi chitüi pongmachu ilaxle olüi tüi pongmachu, pangnu lom ma ku füi tom-han angkya a hünzom tata wüi changkya.

WANGSHEMBU MWOT 16:29

Ifüima kun nyetmixe wüne nyanhüi le nyak, hommong to zikle dong, ilaxle Pol hia Sila nyi chitong ma abünle nguak.

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.