FILIPI 2:1 - OTSAO BAIBEL (BSI)

¹ Hünzom tsün Khrista ma ngokyae hünzom tsakzong ang koxle, ilaxle chix mongküne hünzom ang künsom mong adangle. Hünzom chasa füi notomkya tüile, ilaxle hünzom ma tata to chingcha jajakya tüile.

FILIPI 2:1 ပူးပေါင်းရင်းမြစ်များ

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

1 JUHAN 4:12

Owaechu Zang tümangün tox, ikoxlechu keme tata to mongkünle jangtuiba, notom ma Zang kem füi tüile, ilaxle kem ma chix mongkün ma okhongui ang tomle.

KOLOSI 2:2

Hwom mongchyene awangle tüi angkya kuxma ilaxle mongkün ma asüi angkya kuxma, ito khange changkya lom ma tsingwankya apüi angkya okhonguikya tuina bama mongao chitüi angkya kuxmale kue Ija mwot mokpu. Ija ningle hwome Zang huxsa thüikoxle Khrista chix tomtata tsingle laxüi.

1 KORIN 12:13

Ija lailaile, kem pangnusa, Jehudi nok wüi changlax chichangba mixnok wüi changlax, tuita Chasa makhange tompo tuita ma bapti laxkyakya wüi changpu; ilaxle kem pangnusa ang wüi tuita Chasa ti ling ang koxle.

MÜNCHUAK-TSAI 133:1

Hulax, tüi-hi-nao hwom motomle ngokya chemtukuxkya mongmüi tamchu mongsom changpuix!

GALATIA 5:22

Ikoxle Chasa oziak a ibu changpu: Mongkün; mongmüi; mongsom; adukya; chingchajaja; müikya; mongong; jonai; ilaxle ma alüile akumathumkya;

GALATIA 4:6

Nang a sasün changle le aho ang, Chasa owae “Apa, Ku Apa”, le akhongpuix, ija chix Hosa chasa Zange kem mongto ngui ang kox.

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

1 JUHAN 3:24

Zang kaxtombu kax ma laxle tüikyabu Zang füi notom ma ngole ilaxle Zang chix füi notom ma ngole. Zange kem ang fakya chasa makhange chix kem füi notom ma ngokya keme awan ang kople.

JUHAN 17:13

“Ikoxlechu ku athax nang hato hüipu; ilaxle hwom mong khama ija ku mongmüi okhongui le tüi angkya kuxma, chaxwannu ma kue ijabu akaxpu.

1 JUHAN 4:16

Üntoxle kem hanpakma Zang ma tüikya momgkün kwome awanpu ilaxle mongongpu. Zang a mongkün changle, ilaxle mongkün ma ngokya mix notom ma chix Zang füi tamchu Zang chix füi le ngole.

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

1 KORIN 3:16

Nang a zangshwom-hom changle ilaxle Zang Chasa nang ma ngole le nange awanchahex?

ROM NOK HATO ZAKYA POL LAIZA 8:26

Ija ningle kem shonaikya to fong ang Chasa kem hato nguile. Chemthüikoxle zangjop chemle jopüihexle keme chiawan; ilaxle kax ma ngai ang chithokyabu Chasae akhongle chixe alüile kem hanpakma zangjople.

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

IBRI 6:18

Zange alüi-achüi ang hia atse ang chithokya ija nyi tüile. Ikhoma, kem opang chix ma azangle tüilaxpuix, keme kem pomtho ma danthomkya monghom to shingmongle kün angkya huanuma zong adünle.

FILIPI 1:8

Ku mongkha to zule hünzom hanpakma sungle tüikya oja Jisu Khrista mongthong tokya hex, ija bama zangwün pongma, ija a otsing tomta changkox a le ku kaxkhi ang Zang changle.

EFISIA 4:4

Monghom oja hato Zange hünzom nyak daopuix, ija lailaile tsangtsa üntoxle chasa a tuita wüi.

2 KORIN 2:14

Ikoxlechu Zang ang münchong naxtüi! Chemthüikoxle Khrista füikya notom ma Khrista ma tholünkya sungdün ngadongle lekya jenthom Zange othuithuima thothut. Khrista bama tsingwankya ongan müile pangnu khato apuk-apua kox angkya Zange kem twonle.

1 KORIN 15:31

Kutüi kunaohom, kue zik nyixfole apongle! Jowanpa Jisu Khrista ma kem khüzün tuita ang achangkya tokhange, hünzom bama ku mongngamkyae ija angaile ahopu.

JUHAN 14:27

“Kue hünzom füi mongsom toxpu; ku mongsom tuita kue hünzom ang koxpu; kue ija hünzom ang chaxwannue koxkya ningle koxkya chichang. Hünzom ang mong male tamchu abanle taxngo, tamchu taxza.

JUHAN 14:18

“Otue ku paoüi hex, kue hünzom tata danle müntox; ku hünzom hato tamchatle nguiüi.

KAXHO MÜIKYA LUK 2:25

Iponge Simeon le amünkya mixpa tuita Jerusalem ma tüikya. Chix a müikya mix tuita, zangshwom ma zongkya üntoxle Israel khosün hanpakma tanle ngokya mix tuita changkya. Otsao Chasa chix ma tüikya.

ISAIA 16:11

Moab hanpakma mongmakyae ku wot, tamchu Kir Heres hanpakma mongmaxkya füi.