FILIPI 1:7 - OTSAO BAIBEL (BSI)

⁷ Hünzom a othuithuima ku mongtsang ma tüile! Idaile kue hünzom hanpakma mok pongma, hünzom bama ku mongto ile ajang angkya a olom jao changle; chemthüikoxle, athax ku ile kun ma ngopong machu. Üntoxle Kaxho Müikya khose ang danle tüipongmachu, ilaxle ija oshing mongle zingpong machu wüi hünzom pangnu Zange ku ang fale thomkya ija shomüi atom-ahanle lax.

FILIPI 1:7 ပူးပေါင်းရင်းမြစ်များ

2 KORIN 7:3

Kue ija hünzom tha ajao ang akaxkya münchang; chem ang, amiba wüi kue akaxdaoa, hünzom to kwome huanuma kak-kün le ikhoma zikoxlax chichangba ozün ma wüi ngokoxlax kem a othuithuima tuita.

FILIPI 1:5

pongwang tokhange athax kople Kaxho Müikya mwottho ma hünzome ku to chemle fongle hüidao laxpuix, ibu texlaxle kue zangjop pongma mongmüi atungle joppu.

2 TIMOTHI 2:9

Kaxho Müikya apukkya khoma, kue sikngün apong ilaxle mütkop daokya mix tukuxle ku khale thom. Ikoxchu Zang kax a kople chithom,

KOLOSI 4:18

Ija a ku chak makhange jao zapu: Pol makhange salam. Ku janlik otuechu taxalak! Zang chingcha hünzom füi ngohüi.

FILIPI 4:14

Ikoxle ku sikngün le ngopongma hünzome ku to humekya a hünzom zongma omüimüi wüi.

EFISIA 6:20

Ipongkhae ku kun to tüikoxlechu ija Kaxho Müikya hanpakma ku Zang khünak tuita changpu. Akax angkya olom ma Kaxho Müikya bama mongchongle naxakax tsuak ang ku bama zangjop-hüi.

EFISIA 3:1

Ija khoma mixnokbu kuxmale kople thomkya Pol, kue Zang to joppu.

WANGSHEMBU MWOT 20:23

Kun ma sho angkya hia sikngüne ku tanle ngole le tingnu pangkha towüi ku ang kaxkhün fale hüikya tata kue awanwüi.

1 JUHAN 3:14

Keme zik dantox daoa ilaxle khüzün hato hüiüna le keme awanpu; keme tüinao tata füi mongkün tüikoxle ija awanpu. Idaile mongkün ma chitüikyabu a athaxchu omang tsakzong fangto ngole.

2 PITAR 1:13

Ku ozün ma ngotanto ibu bama hünzom mongto texle atak ang tom angkya a ku mwot changpu le kue texpu.

1 PITAR 4:13

Itülüi nange Khrista sikngün atom-ahanpu le mongmüilax, ikoxletix chix ngaikya zuma nang mongmüie awangle changüi.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

1 THESALONIKA 5:5

Hünzom pangnusa zangngai hia anyixning kux changpu. Kwom awünning hia zangnak kux chichang.

KOLOSI 4:3

Ifüi tomle kwom hanpakmachu wüi jop-hüi, ile Khrista bama ija huxsa kaxho anwot-ano angkya kwom ang hanpak omüi naxfa. Chemthüikoxle ija hanpakmale athax ku a kun khato ngopu.

EFISIA 4:1

Jowanpa mwot mok angkya khoma tuita kople thomkya mix, kue hünzom ang thüipu: Chixe hünzom nyak pongma tyale thoptox daokya chifün füi asule hünzom ahamkox.

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

2 KORIN 3:2

Noke awan ang tamchu ile kwom mongkha ma zale kopkya laiza a hünzom changle.

1 KORIN 13:7

Mongküne otuechu danle müntox; ilaxle mongkün ma tüikya mongong, monghom tamchu adukya thaile nuiüi le münchang.

1 KORIN 9:23

Ija mohiman süntswon ang kop angkya kuxma, kue ibu pangnu wüi Kaxho Müikya hanpakmale mokpu.

WANGSHEMBU MWOT 21:33

Süpahi-Lompa Pol hato hüi, chix kop, ilaxle janbüi anyi füi mongle kha angkya kaxkox. Ifüima chixe atüi: “Ija a owa changkya, üntoxle chixe chem zia amadaopu?”

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

FILIPI 1:12

Kutüi kunaohom, hünzome naxtsing laxsele kue thütkya a ija changle: Ikhato ku füi chempang apongle hüidao laxpuix ibue Kaxho Müikya mwottho thoto alyet ang huanuma fongle hüidaopu.

FILIPI 1:13

Ija khoma, ikhama chongwang hom nye ang ngokya süpahibu hia mamabu noke wüi ku kun to ngokya a tuita Khrista da ang achangkya khoma changpu le awanle.

FILIPI 1:14

Üntoxle ku kun to ngokya makhange Khrista ma tüi-hi-naohom süchong tukux ang Jowanpa hanpakma mongao ojao chitüikya mongong fale, ikhoma kaxho apukkya zuma hwom ang mong süchong süchongle chongle.

FILIPI 2:22

Kukhi hopa tuta sasünnyi ningle, Kaxho Müikya kuxma motomle saxmokle hüilaxle, chix tuita sukya mix changle le ahokya hünzome jao awanle hüipu.

FILIPI 4:3

Ilaxle mongao chitüikya ku üitho, hünzome ija mixcha nyi to fongtsox kox; chemthüikoxle Klemen hia ozün ma tüikya Zang laipex ma mün tüikya üithobu füi tomtomle, kaxho apuk ang hwome ku füi tomle azongle mokdaoa.

FILIPI 4:15

Ami Kaxho Müikya opukwang tanto, kue Mesidonia dantox pongma, ku to fongkya hünzom müimüithom tata wüi changkya changpu le hünzom Filipi noke amüile tsinglax ngopu; changle, ku olüi chitüi pongmachu ilaxle olüi tüi pongmachu, pangnu lom ma ku füi tom-han angkya a hünzom tata wüi changkya.

FILEMON 1:13

Nang lüix ma ku to fong angkya kuxma, Kaxho Müikya khoma ku kun to ngokya tukma, kue chix ikha to ku hama thomse tsupu.