FILIPI 1:27 - OTSAO BAIBEL (BSI)

²⁷ Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

FILIPI 1:27 ပူးပေါင်းရင်းမြစ်များ

EFISIA 4:1

Jowanpa mwot mok angkya khoma tuita kople thomkya mix, kue hünzom ang thüipu: Chixe hünzom nyak pongma tyale thoptox daokya chifün füi asule hünzom ahamkox.

1 KORIN 1:10

Kem Jowanpa Jisu Khrista mün ma kue hünzom füi akaxpu, kutüi-kunaohom, hünzom khama ahak ahanle chitüi angkya kuxma, hünzom tuita ma tsaino-kaxno tomlax;

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

1 THESALONIKA 4:1

Oshukma tüinaohom, Zang mong amüikya tsün chemle ngoüihex, ija hünzome kwom makhange awanle laxlax. Hünzom ngole hüikya ija changle. Üntoxle athaxchu Jowanpa Jisu münma ifüi sütsexle mok-hüile kwome hünzom zongsaipu.

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

FILIPI 3:18

Ija bama kue thotochu hünzom hama obithomthom ma hexle wünle hüipu; ija kax athax kue mikfi füi anaole wünpu: Pünsak ma zikya Khrista füi zan ang achangkyabu hwom tüihule.

2 KORIN 13:11

Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

WANGSHEMBU MWOT 4:32

Mongong mixbu kün-mong tuita ma ngo. Owaechu ma ma tüikya makux changpu le chithüi: ikoxle hwom ma atüitüi pangnu wüi tata füi azut-ahanle lax.

MÜNCHUAK-TSAI 133:1

Hulax, tüi-hi-nao hwom motomle ngokya chemtukuxkya mongmüi tamchu mongsom changpuix!

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.

2 PITAR 3:11

Ibu pangnu li ilailaile amüt angkya changkoxle, hünzom chemningkya khünakbu ang changse dai? Hünzom tsün a otsao tamchu Zang hanpak ang atsaole thomkya tsün ang ngo angkya oli changle;

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

JAKOP 3:18

Tumüi lomzingkyabue tumüi ma küi-thwomle toxkya oziak opua angkya otsao mongsom khaile tüile.

FILEMON 1:5

Chemthüikoxle Jowanpa Jisu Khrista tokya nang mongong tamchu Zang khünaknu tokya nang mongkün bama kue atatle.

TITA 2:10

Itülüi, hwome hwom a othuithuima müile tamchu mongongle tüipule aho angkya changle, tamchu hwome mokkya pangnu lom ma khosünpa kem Zang bama anwot-anokya ang münchong apüikya lima ija ile moküi.

2 TIMOTHI 4:7

Zik ma otsuaktsuak ma azongle hüidaoa, oshuk to nguile ku zikdaoa, ilaxle kue mongong thomle hüidaoa.

1 TIMOTHI 1:19

Nang mongong shingmongle thomkox ilaxle khangka tsaotha le tüikox. Züizüi khünake hwom khangka kax ma chilax homtoxle hwom mongong oli thu ang koxle.

1 TIMOTHI 1:11

Mohiman hia fuazangkya Zang tokhange kopkya Kaxho müikya oja apuk-apua angkya ku ang koxle thompuix, ija Kaxho Müikya ma ija hwon-nwot tüile.

WANGSHEMBU MWOT 2:46

Üntoxle mong tuita ang achang laxle Zangshwom-Hom to nyixfole nui. Üntoxle homkha ma tomwüi süt-sax, mongmüi pwonla füi tamchu mong jonai ma hwome fongsax.

MATHI 12:25

Jisu-e hwom mongto texle ngokya awanlaxle hwom ang thüi: “Chaxwan oja tata füi atsi ala laxle mathomthom le ngopuix, ija otsün lo angkya münchang. Tamchu oja tingsho chichangba kako ma tata füi ahe laxle othom-othom ma ahanle ngopuix, ija janle shu angkya changle.

WANWÜNKAX 22:23

Ija tsetwon-zangwün ma hwom khosele Jowanpa ajongüi ilaxle hwom to aza-anale changkyabu to chixe aza-anale changüi.

1 THESALONIKA 3:6

Athax a Timothi chatüna, ilaxle hünzom mongong hia mongkün bama müikya kaxho chixe kwom hato apüile. Kwom hanpakma hünzom tutex omüi tamchu kwome hünzom ngünse le sungkya kax chixe kwom hama wünle.

KOLOSI 1:4

Chemthüikoxle Khrista tokya hünzom mongong üntoxle Zang khünaknu tokya hünzom mongkün bama kwome atatle.

FILIPI 2:24

Üntoxle ku jao jaochu hünzom hato chwonchwonle wüi ngui ang thoüile Zang to mongongkya tüipu.

EFISIA 1:15

Ija khoma kue Jowanpa Jisu ma hünzom mongong ilaxle Zang khünaknu to hünzome mongkünkya atatkya tokhange,

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

GALATIA 1:7

Wünhax thüikoxle: “mama kaxho müikya”, le jaojao müntüi, ikoxlechu hünzom mong ama üntoxle Khrista Kaxho Müikya lüichüi ang azongle ngokyabu khünak züizüi tüikya khoma kue Ija zapu.

2 KORIN 9:13

Hünzome mokkya mwottho ijae hünzom ma khristan chingcha mong zaikya ahole, ilaxle hünzome ngaikya hia Khrista Kaxho Müikya kax ma laxkya olom khoma tomwüi khristanbue Zang mün achuaküi. Hwom füi ilaxlechu mama tomwüi mongong mixbu füi hünzome ma ma tüikya mongtsu laxle tom-hanle laxkya chingcha khoma hwome Zang achuaküi.

2 KORIN 4:4

Ija chaxwannu angkya baozange, zangnak to hwom khangka je apale thomkya tokhange hwome Kaxho Müikya to mongong ang chitsuak. Zang füi tuita Khrista fuazang bama tüikya Kaxho Müikya makhange hwom to nyanle hüikya zangngai ngün ang chitom le chixe hwom to abax.

ROM NOK HATO ZAKYA POL LAIZA 15:29

Otue ku hünzom hato nguiüihex, Khrista mohimane awang laxle nguiüi le kue awanle.

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

ROM NOK HATO ZAKYA POL LAIZA 10:8

Otsao Lai kax a: “Zang kaxho a nang zuima, nang tun ma ilaxle nang mong ma tüile” -Ija a kwome apukkya mongong kaxho changle.

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

ROM NOK HATO ZAKYA POL LAIZA 1:5

Khünaknu pangnu jat-li tokya wüi mongong hia kax ma laxkya hato zunle ahüi angkya hanpakma, Khrista mün hanpakmale, chix makhange Zange ku ang wangshem tuita ang achang angkya osho fa.

WANGSHEMBU MWOT 24:24

Nyixta anyi füima Felik kakonu Drusila, owa Jehudi cha changpuix, she füi ngui. Chixe Pol apüi ang tom ilaxle chixe chix füi Khrista to mongongkya bama wünkya apa.

MÜNCHUAK-TSAI 122:3

Jerusalem a tuita osün müile tamchu wonmüi-samale chatle zingle amüi thomkya tingnu changle.

FILIPI 1:5

pongwang tokhange athax kople Kaxho Müikya mwottho ma hünzome ku to chemle fongle hüidao laxpuix, ibu texlaxle kue zangjop pongma mongmüi atungle joppu.

FILIPI 3:20

Bachutix, kwom a zangkangting nokpu, ilaxle zangkangting tokya Jowanpa Jisu Khrista, kem khosünpa ngui angkya bama mongsungkya füi tanle ngowüi.

FILIPI 4:1

Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

1 PUKAX-PANGAO 19:12

Taxsho-taxnai ilaxle monghixle taxchang! Kem khünaknu hanpakma tamchu Zang tingnu hanpakma kem zongbakle azan angkya wüi changpu. Ilaxle Jowanpa mongtex tsuakle naxchang.