FILIPI 1:14 - OTSAO BAIBEL (BSI)

¹⁴ Üntoxle ku kun to ngokya makhange Khrista ma tüi-hi-naohom süchong tukux ang Jowanpa hanpakma mongao ojao chitüikya mongong fale, ikhoma kaxho apukkya zuma hwom ang mong süchong süchongle chongle.

FILIPI 1:14 ပူးပေါင်းရင်းမြစ်များ

1 THESALONIKA 2:2

Kwom Thesalonika to hünzom hato nguiüi thoto Filipi ma kwom to chisumüile tamchu ahai le chemle hwondao laxpuix, ija hünzome awan ngopu. Ile kwom zan to kale mokkyabu tüihu koxlechu, chix makhange hüikya Kaxho Müikya hünzom hama wün ang kwom Zange kwom ang mongchyen fapu.

KOLOSI 4:4

Akaxse jaoa le, ija tsingle angaile kue akax tsuak angkya bama kwom hanpak ang zangjop hüi.

FILIPI 1:7

Hünzom a othuithuima ku mongtsang ma tüile! Idaile kue hünzom hanpakma mok pongma, hünzom bama ku mongto ile ajang angkya a olom jao changle; chemthüikoxle, athax ku ile kun ma ngopong machu. Üntoxle Kaxho Müikya khose ang danle tüipongmachu, ilaxle ija oshing mongle zingpong machu wüi hünzom pangnu Zange ku ang fale thomkya ija shomüi atom-ahanle lax.

KOLOSI 4:7

Kwom tüinao Taikhika, owa tuita mongong füi mwot mokkya tamchu Jowanpa mwottho ma üitho tuita changpuix, chixe hünzom hama ku bama pangwüi wünle naxfa fa.

FILIPI 4:1

Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

EFISIA 3:13

Kue hünzom ang thüipu; hünzom ojao taxza, chemthüikoxle hünzom zongma le ku sikngün le ngopu; kue thüipu: ku sikngün a hünzom ang olüi tüi angkya hanpakmale changle.

2 KORIN 3:12

Ija monghom tüikya khoma, kwome mongchyen füi zangwünpu.

2 KORIN 7:4

Hünzom to ku mong ojao münao; hünzom hanpakma ku mong itukux ngampuix! Kwome apongle hüidao künu sikngüne, otuechu ku ang mong münahik; itülüi, othuithuima ku mongmüie awang laxle ngopu.

FILIPI 1:20

Zudaole ku mongtsukya hia monghomkya a kue ma mwottho ma otuechu thaile chichang angkya, itülüi thüikox, othuithuima, tamnüilechu ipongkhae, ku ozün ma wüi ngolax chichangba ziwüi-zilax, ku khüzün tsüne komle Khrista hato münchong achuakkya apüi angkya hanpakma ku a mongchyene awangle ngo angkya changle.

2 TIMOTHI 2:9

Kaxho Müikya apukkya khoma, kue sikngün apong ilaxle mütkop daokya mix tukuxle ku khale thom. Ikoxchu Zang kax a kople chithom,

MARK 3:3

Jisu-e ija mixsün ang thüi: “Ikhato thochi to oman.”