FILIPI 1:11 - OTSAO BAIBEL (BSI)

¹¹ Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

FILIPI 1:11 ပူးပေါင်းရင်းမြစ်များ

IBRI 12:11

Kem to akumathumkya tuk ma, kem zongma mongmüi chichangle mongma angkya oli tuita ningle tüitoxle. Ibachu, ofüima a, opang ija füi akumathum le hüipuix hwom hanpak ma otsao mongsom aziak ziakle.

JUHAN 15:8

Hünzom ma tüle oziak ziakkya makhange Apa fuazang ang tomle; ile hünzom a ku wangshembu ang achangle.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

FILIPI 4:17

Kue hingho pongse tsukya tata chichangle, hünzome chingcha ahokya to bole olap naxtüi le texpu.

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

ROM NOK HATO ZAKYA POL LAIZA 6:22

Ikoxle athax a hünzom ochax tokya dandaoa ilaxle Zang dabu ang achangüna; ija khülüix to hünzome mongzom müikya atakle ilaxle oshuk ma oshuk chitüikya tsün khüzün ataküi.

ISAIA 61:11

Chemle suitsang daple asoklaxle tsongle hüipuix, Jowanpa Khüthak Zang-e chix khünaknu khosünle changüi, Ilaxle chaxwannu nok pangnue chix achuakle changüi.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

2 THESALONIKA 1:12

Ija ningle kem Jowanpa Jisu Khrista münechu hünzom tokhange fuazangkya ataküi üntoxle kem Zang tamchu Jowanpa Jisu Khrista chingcha tokhange kemechu chix angkya fuazang ataküi.

EFISIA 5:9

Chemthüikoxle müikya Otsao Chasa ilaxle otsingtsing oli pangwüi a zangngai oziak changle.

EFISIA 1:14

Zange chem faüile tsaodao laxpuix, ibu keme kop angkya hanpakma Otsao Chasa a thathüt changle, ilaxle ija makhange, Zange chix kux ang ngokyabu ang dan-pankya anguile fa angkya changle le monghom fale. Keme chix fuazang achuak-hax!

1 KORIN 10:31

Idaile, nang saxkya ma wüi changlax chichangba lingkya ma wüi changlax, nange chem moklaxpuix, tütalichu Zang fuazang angkya hanpakma mokkox.

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

EFISIA 2:10

Kem chemle tüipuix ija a Zang chakzing changle, ilaxle Khrista ma kem notom makhange chixe kem müikya mwot mokle ozün ma ngo ang zingpu. Ija a, kem Ija ma aham angkya hexo le Zange acha achwonle thomdaokya changle.

EFISIA 1:12

Idaile, hai, pongwang ma Khrista to mongong thomkyabu, keme Zang fuazangkya achuak-hax.

2 KORIN 9:10

Khünak tuita ang ali angkya tsaxli ilaxle sax angkya sütle fakya a Zang changle. Ikhoma Zange nang ang nange küi-thwomkya tsuak tang tsaxli koxüi, ilaxle opün tsong-lo ang koxüi, üntoxle ija ningle chingcha aho ang nang tsuluakya tokhange huanuma puamün ang koxüi.

JUHAN 15:16

Hünzome ku zünle kopkya chichang, ikoxle otsün lole ngokyali oziak huanuma ziakle pao angkya hanpakma kue hünzome zünlaxle kamle koppu. Ikhoma hünzome ku mün ma chix ma ajuju komle chixe kox angkya changle.

JUHAN 15:2

Ku ma tüikya pünkang ojae oziak chiziaküi hex, ija a ngople awütüi; ilaxle pünkang oja pang ma oziak ziakle tüipuix, ija onüi sütle ziak angkya kuxma, chixe ija hanle atsaoüi.

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

MÜNCHUAK-TSAI 1:3

Ibu a ziaktue chithaile oziak ziak, pünchak otuechu jumle chidütle shuasa zui ma nyemkya pünbu lailai. Hwome mokkya pangnu ma hwom ang tho-lünkya tüi.

ISAIA 5:2

Chixe hax tho ilaxle ikha angkya longbu atsao; chixe sümüikya grep zubu küi. Ibu nye angkya hanpakma chixe ding homsabu zai, ilaxle grepbu nak ang tswomkha tho. Chixe grep jum angkya tanle ngo, ikoxle grep ziak pangwüi osik ang achang.

ROM NOK HATO ZAKYA POL LAIZA 15:28

Otue kue ija ku mwot ashuküi hex, ifüima hwom hanpakma saikya ngun komle hwom chak to kox füima ku Spain to ka ang laiüi üntoxle ikhato kaüi lom to kue hünzom waiüi.

TITA 3:14

Otsing tomtata ma othang odang apongkya to asun azu angkya bama, kem khünakbue müikya mwot mokle ma hanpak ashix angkya awanle kop angkya oli changle.