FILIPI 1:10 - OTSAO BAIBEL (BSI)

¹⁰ Ija a hünzome amüikya zün ang tsuak angkya kuxma changpu. Ifüima tix Khrista zangngai ngünkya nyix hünzom chitsaokyabu pangnu tamchu oma laikho khakyabu pangnu füi atsaile ngo ang thoüi.

FILIPI 1:10 ပူးပေါင်းရင်းမြစ်များ

ROM NOK HATO ZAKYA POL LAIZA 12:2

Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

ROM NOK HATO ZAKYA POL LAIZA 2:18

nange mokse lükya Zang mongtex nange awan, ilaxle changkyakya zünle lax angkya hanpakma wanlom makhange nange awanle lax;

EFISIA 5:10

Jowanpa mong amüi angkya oli awanle kop ang azonglax.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.

1 THESALONIKA 5:21

Pangnu li to thwonle anokox; oja müipuix ija thomkox

1 KORIN 1:8

Kem Jowanpa Jisu Khrista hanpak nguikya nyix hünzom ojao thaikya chitüile chang angkya hanpakma, chixe hünzom oshuk kople shingmongle ngo angkya koxüi.

MIKNGÜN-OHÜN 2:2

Nange chem tsuakdaopuix ija kue awan ngole; nange chemle azong mokdaopuix üntoxle chemle adule hüidaopuix ibu kue awan ngole. Nange ochax khünakbu füi adu ang chithokya üntoxle changjao chichang khato hwomchu wangshembu changpu le akaxkyabu to nange chemle wanle anopuix ilaxle nange chemle hwom othaibu changle le lop ang thopuix, ibu pangnu kue awan ngole.

EFISIA 5:27

Ikoxletix müimüithom tuita chixe ma ang ija sünmüimüi ma komle, tsaotha le ilaxle thaikya ojao chitüi le, ofwot chichangba münwan chemchu chitüi chichangba münasu le thüi angkya chingui-chiwangkya chemchu chitüi le koxtsuaküi.

JUHAN 1:47

Jisu-e Nathanel chix hato hüikya ngün ilaxle chix bama thüi: “Israel khünak tsingtsing to hulax; chix ma thaikya chem müntüi!”

MATHI 16:23

Aküile hulaxle Jisu-e Pitar ang thüi: “Ku ha angkya atsai paoün, haxshix! Nange ku lom abangle; chemthüikoxle nange thütkya a khünak mongtex changle, Zang mongtex münchang.”

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

ROM NOK HATO ZAKYA POL LAIZA 8:7

Idaile khünak tuita khangka müi-hi-ajie apünkya tokhange chix Zang zongto zan ang achangle; chemthüikoxle chixe Zang wanlom kax ma chilax, ilaxlechu ija kax ma laxtsuak angkya münchang.

MATHI 26:33

Pitar thuile akaxle Jisu ang thüi: “Mamabue danle tox koxchu kue nang danle müntox!”

MIKA 3:2

ikoxlechu hünzome chem müipuix ija thua anu ikoxle chem ochax hex ija to mongkün. Hünzome ozün ma wüi ku khünaknu khwon khuak ilaxle hwom zabu angkya hak lik.

JOB LAIPEX 34:3

Nange sütmüi-lingma ija wanle anokya ma awanpu, aje-ashi kax a ija atat koxlechu chitsing.

JOB LAIPEX 12:11

Chemle le füi nange süt müikya awanle laxkya mongzom müipuix, iningle zangwünbu to nange na füi apa pongma mongzom müipu.

PONGWANG LAIPEX 20:5

Abraham chix jaoe she a chix nanao changpule akaxpu, ilaxle she-e chuwüi ile thüipu. Kue ija küntsao-mongthakya füi mokpu, ilaxle ku thaithaxle machang.”

FILIPI 1:16

Ibu ile mongkün makhange mok, chemthüikoxle Kaxho Müikya khose angkya mwot ku ang koxle thomle le hwome awan.

EFISIA 6:24

Chizi angkya mongkün makhange kem Jowanpa Jisu Khrista to mongkünkyabu to Zange chingchakya naxtüi.

EFISIA 4:15

Itülüi, mongkün ma kaxtsing akaxkya füi, kem okhang Khrista ma, pangnu lom ma kem tsong angkya changle.

GALATIA 5:11

Ikoxle, khünake khwonzüt zom zing angkya wüi changpu le kue apukle jangngo thüikoxle, athaxchu ku zothup ngo angkya chemtüi? Ibu zangwün otsingtsing jangchang thüikoxle Khrista pünsak bama apuk-apuakya khoma kue sikngün apong angkya müntüise.

2 KORIN 8:8

Kue ija chimok-mokba le atsangkya kax münchang. Itülüi thüikox, Mesidonia angkya müimüithombue mongtsu laxle kox-zunkya ahokya füi, otsingtsing hünzom mongkün obukux hexle awan ang azongkya changwüi.

2 KORIN 6:3

Kwom mwottho ma thaikya chibang angkya hanpakma, kwome owawa lom abax abang ang münazong.

2 KORIN 2:17

Kem a, shiksheple thahangkya khünakbu lailaile küzi-küza le Zang kax apukle ahamkya züitabu ningle chichang; ikoxle Zange kwom tsankya khoma, tuita Khrista da ningle, chix miksho ma kwome mongkoxle akaxpu.

1 KORIN 10:32

Jehudi nok wüi changlax chichangba mixnok wüi changlax chichangba Zang müimüithom wüi changlax, owawa angchu tingtui chiadün le ngolax.

1 KORIN 8:13

Ikoxle, ku tüinao tuita adüt angkya süt ma tüikya jangchang thüikoxle, ile ku tüinao tuita adüt ang chikox angkya hanpakma, kue müi otuechu münsax.

ROM NOK HATO ZAKYA POL LAIZA 16:17

Kutüi kunaohom, kue hünzom zongsaipu; ahak ahan angkya mix hia mongong ma khünaknu chikho asua ang kox angkya mix, owa hünzome pongle kopdaokya hwon-nwot zongto opüima tüipuix, ibu hanpakma mik-hingle ngolax; hwom füi atsaile ngolax.

ROM NOK HATO ZAKYA POL LAIZA 7:22

Ku kün-monge a Zang wanlom füi mongmüi le.

ROM NOK HATO ZAKYA POL LAIZA 7:16

Kue mokse chitsukya kue mokkya zuma, kue wanlom ma thaikya müntüile laxkya imjo ahole.

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

JUHAN 3:20

Chemthüikoxle opange ochax mwot mokpuix hwome zangngai thua anule ilaxle chix mwotbu ngaiüi daile zangngai to münlai.

FILIPI 2:16

Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.