FILEMON 1:24 - OTSAO BAIBEL (BSI)

²⁴ Ilailaile ku mwottho ma üitho Mark, Aristarkas, Dema hia Luk hwomechu salam fale.

FILEMON 1:24 ပူးပေါင်းရင်းမြစ်များ

KOLOSI 4:14

Kwom doktor Luk hia Dema nyiechu hünzom hato salam fale.

KOLOSI 4:10

Aristarkas, owa ku füi tomle kun ma tüipuix, chixe hünzom hato salam akatle, ilailaile Barnaba honao Mark-echu wüi salam akatle. (Chix hünzom hato namhüi thünba, Mark wünpwonle pongkop hüio le adangle fakya kax hünzome ami wüi kople thomdaoa).

WANGSHEMBU MWOT 19:29

Ija mwop ngaikyae tingnu pangkha towüi u. Hwome Pol füi tomle aham ngokya Gaia hia Aristarkas, Mesidonia tokya nyi kop ilaxle hokhi lax üntoxle tingnu ma noknu nguazua nui to akhangle asox.

WANGSHEMBU MWOT 12:12

Chix hato hüikya chaxwan zanghan ajang laxle chix Juhan Mark honu hwom hom to pao. Ikhato khünaknu huanuma asoxle tüikya. Hwom a Pitar hanpakma zangjople ngokyabu changkya.

WANGSHEMBU MWOT 27:2

Adramitin makhange Asia chaxwan tokya tinu khua zaknui to ka ang achwonle ngokya khua ma ngale achex. Thesalonika tokya Mesidonia sün tuita Aristarkas chuwüi kwom füi tomle tüikya.

WANGSHEMBU MWOT 12:25

Barnaba hia Sol nyi hokhi ang fakya mwot tsuak ilaxle hokhi füito Mark le nyakkya Juhan koplaxle Jerusalem to chat.

3 JUHAN 1:8

Ikoxle kem khristanbue ibu to fongtsox angkya changle, ikoxletix kemchu hwome mokkya otsingtsing mwot süntom ma wom angkya changüi.

FILIPI 4:3

Ilaxle mongao chitüikya ku üitho, hünzome ija mixcha nyi to fongtsox kox; chemthüikoxle Klemen hia ozün ma tüikya Zang laipex ma mün tüikya üithobu füi tomtomle, kaxho apuk ang hwome ku füi tomle azongle mokdaoa.

FILIPI 2:25

Epafrodita owae kuchima süt laxle mwot mok üntoxle azanle hüilaxpuix, tamchu hünzome ku to fongkya tukma kaxho mix ang achangle hüidaokya mix, kue chix hünzom hato akat angkya tuita khütkhaxkya mwot changle le texle.

2 KORIN 8:23

Tita hanpakma, chix ku üitho ilaxle hünzom to fong ang ku füi tomle thothapa tuita changle; chix füi tomle nguingokya tüinao nyi a müimüithom mün ma hüikyabu ilaxle hwom mwot makhange Khrista hato fuazang apüikyabu changle.

WANGSHEMBU MWOT 13:13

Pol hozui hwom Pafos angkya khua ma tale Pamfilia angkya Perga to ngui; ikoxle ikha makhange Juhan Mark a hokhi dantoxlaxle Jerusalem to chat.

1 PITAR 5:13

Babilon ma tüikya hünzom nanao, tamchu Zange zünle kopkya müimüithom tokhange ilaxlechu kusa Mark tokhange hünzom hato salam akatpu.