EZEKEL 9:2 - OTSAO BAIBEL (BSI)

² Lebama wüi shuakuxchi Zangshwom-Hom zünkai tokna tokya mixsün azok ngui. Hwom pangwüie chang-pax koplaxle tüikya. Hwom füi tomle jaknyi awunlaxle khünak tuita tüikya. Chix ma zale kop angkya tütali koplaxle tüikya. Hwom pangwüi khop tö-tsap zui ma ajong.

EZEKEL 9:2 ပူးပေါင်းရင်းမြစ်များ

EZEKEL 10:2

Jaknyi awunlaxle tüikya khünak füi Zang-e akax: “Zünmokbu fang ma tüikya ochakanbu obamale-kox ilaxle nang chak ma awangle chuale ngokya wünhandix koplax. Ifüima ibu wünhandixbu a tingnu dingma chiakle awütkox.” Kue chix paoüi to hule ngo.

LIWI 16:4

Ifüima Jowanpae wanlom ibibi adangle fa: Ataxkya Otsao Nui to nopüi thoma Arun-e tijo-chaktsux ilaxle nguapa nyi-za jaknyi füi zingkya nyilo, wok-hit nyi, khang-ngüi-nyi, ibibi laxle kop angkya changpu.

MIKNGÜN-OHÜN 15:6

Jikjepkya nyitse awunlaxle üntoxle chix thünkhux akhople hun züpak füi khakdao le, thama lianüt füikya kaxtaimix anüt Ija zangshwom-hom angkya laikya kue ngün.

2 WANGHOMBU 15:35

Ikoxlechu songsari baozang to shwomkya onuibu chiama, ilaxle khünaknue ongan müikya so zokle hia töbu koxle ibu to shwomle ngokya tamchizak. Zangshwom-Hom ma Shuakuxchi Zünkai zingkya mix a Jotham changkya.

JEREMIA 26:10

Chemle changpuix ija kax Judah angkya lompabue atatkya zuma, hwom nonokhaile wanghom homlo angkya Zangshwom-Hom to ngui ilaxle Zünkai Hozün ma hwome hwom ngwotnuibu kop.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 1:15

chemthüikoxle shuakux chitokya jat-libu pangwüi kue ikhato ngui ang sele ngopu. Hwome wanghombue hwom tüntongbu a Jerusalem zünkai ma tamchu ija long katukbu akhople ajongüi ilaxle, ilaxle Judah haxtok angkya mama tingnubu akhople chuwüi ajongüi.

2 PUKAX-PANGAO 27:3

Zangshwom-Hom Shuakuxchi Pan zaikya ilaxle Jerusalem ma Ofel le nyakkya nui ma tingnu pan achenle zingle paokya a Jotham changkya

2 PUKAX-PANGAO 4:1

Wanghompa Solomon-e wi makhange tö-tsap tuita zaile alai, ija a olwot hia okhao sok 9 pong ilaxle ochuak a sok 9 apongle tüikya.

LAIPAO 40:29

Zangshwom ang khünaknu asoxkya Nyihom tunthoma chixe zokle tö kox angkya tö-tsap zing, ilaxle Jowanpae Mosa ang fakya kaxtom lailaile ija ma zokle ashunkya hia saxziak tö kox.

EZEKEL 9:3

Ifüima Israel nok Zang womle tüikya wünzung nyanle tüikya chix ngwotnui ozang füikya zünmokbu ding angkya ajong. Ilaxle Zangshwom-Hom fülom hato hüi. Jowanpae jaknyi awunle tüikya khünak to nyakle thüi:

EZEKEL 9:11

Ifüima jaknyi awunle tüikya khünak chat ilaxle Jowanpa hato kaxwün wangle thüi: “Kue nang kaxtom kax ma laxle tsuakdaoa.”

DANEL 10:5

Kue angakle hukoxle müikya jaknyi awunlaxle hun züpak apak daole mixsün tuita ngünle lax.

DANEL 12:6

Ija shuasa kux ma ajongle tüikya kaxtaimix füi mixsün tuitae ile atüi: “Ija ningkya khosamsüikya hanpak zanghan kaile le ang chemtukux laxüi?”

JEREMIA 4:6

Zaion chitole angkya lom apua laxkox! Khangkhosün ang ziklax! Shenle taxngo! Shuakuxchi tokhange Jowanpae huanu thomjo hia thama apüile ngole.

EZEKEL 8:3

Chixe chak lailaikya tuita thüile ahüi ilaxle ku to kho ma file kop. Ilaxle ija mikngün-ohün ma Zang chasae ku dingkho to nwon ilaxle ku Jerusalem to apüi. Chixe ku, Zang zongto chisumüikya chapa thomle tüikya nui, Zangshwom-Hom nuithong to dong angkya shuakuxchi fülom hato ku apüi.

AMOS 9:1

Kue tö-tsap zui ma Jowanpa ajongle ngokya ngün. Chixe kaxtom kox: “Zangshwom-Hom homkho ma zongbakle hongle homting to lün le alox ang laxkox. Ibu akhixle changkox ilaxle ibu a khünaknu ding to düt ang laxkox. Khünak mamabu a kue zanhok ma amütüi. Owachu paole azang ang müntom.