EZEKEL 8:6 - OTSAO BAIBEL (BSI)

⁶ Zang-e ku ang thüi: “Ziün angkya khünak, chempang changle ngopuix nange ngünchami? Israel noke ikhama zakkop mwot mokle ngokya to hulax. Hwome ku, ku otsao nui angkya siatsai-siatsaile jwonle apao ngole. Nange ija füi ngaxchu sümakya mwotli ngün ang kopüi.”

EZEKEL 8:6 ပူးပေါင်းရင်းမြစ်များ

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

EZEKEL 10:19

Kue hule ngopongma wüi hwome baozangbu pün ilaxle chaxwan tok angkya pile dingkho to dong, ilaxle ochabu chuwüi hwom füi tomle dong. Hwom a Zangshwom-Hom handün chikao fülom ma zak, ilaxle fixfaxkya wünnyan hwom khangkho ma tüikya.

EZEKEL 8:9

Chixe ku ang thüi: “Ikhato noplax ilaxle hwome ikhato mokle ngokya chichang-chizangkya mwot to hulax.”

EZEKEL 11:22

Ozün zünmokbu ibu pi ang süt, ilaxle ochabu chuwüi hwom füi tomle pao. Zang womle tüikya fixfaxkya zangngai a hwom khangkho ma tüikya.

EZEKEL 8:14

Ikhoma chixe ku Zangshwom-Hom shuakuxchi fülom to pao ilaxle baozang Tammuz zile paokya khoma mang sople ngokya shekobu aho.

JEREMIA 32:34

Hwome, ku to shwom ang zingkya Zangshwom-Hom ma nushix dongkya chapabu to apüile danle ilaxle ija akhu ang tomle.

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

JEREMIA 23:11

Jowanpae thüile: “Ajebu hia zompu-zangpabu ma Zang müntüi; kue hwom a Zangshwom-Hom jaoma ochax mwot mokle ngokya kue lople.

JEREMIA 7:30

“Judah angkya khünakbue ochax mwot mokdaoa. Kue anukya chapabu hwome Zangshwom-Hom ma danle ilaxle ija chitsaokya ang achangdaoa.

JEREMIA 7:17

Judah tingnu hia Jerusalem tingjang lomnu to hwome chempangle mokle ngopuix ngüncha?

JEREMIA 3:6

Josiah wanghom ang ngotanto Jowanpae ku füi akax: “Eja mongong chitüikya mixcha, Israel-e chem mokdaopuix, ija nange ngünchami? She-e ku hato tok ahodaoa, ilaxle haxnukho hex athüithüi to ilaxle pünnu tong hex athüithüi to she-e tsangtsa hangkya mwot mokdaoa.

WANWÜNKAX 5:14

Oshukma kua noknu tunthoma ema chilaxle bang.”

MÜNCHUAK-TSAI 78:60

Chixe Shiloh angkya chix nyihom danle tox; ikha a kem khato chix ngonuikya hom changkya.

JEREMIA 11:18

Ku zanpabue ku zan to ka ang atsingle ngokya Jowanpae ku hama apuapu.

EZEKEL 8:7

Chixe ku homthochi nui fülom hato pao ilaxle katuk zole akha thomkya kha aho.

EZEKEL 14:6

“Idaile athaxpi Jowanpa Khüthak Zang, kue hwom füi akaxle ngokya kax hwom hama apuakox: Mong chatlax ilaxle hünzom zakkop chapabu dantoxlax.

EZEKEL 18:12

chixe mix dyenlale chang, mixkux pa-lole lax, omua ma laxkyabue olüi koxle toxkya chixe lax, chix a songsari baozang shwomnui to pao, nushix dongkya chapabu to shwom,

EZEKEL 47:6

Chixe ku ang thüi: “Ziün angkya khünak, ibu müile akhax koplax.” Ifüima ija mixsüne ku shuakax to alai.

HOSIA 5:6

Hwome Jowanpa ang tö kox ang hwome chun hia maihubu apüile, ikoxlechu ijae hwom fün amüikyakha müntüi. Hwome chix chiataktsuak, chemthüikoxle chixe hwom dantox daokoxle.

2 PUKAX-PANGAO 29:5

ilaxle chixe ikhama hwom to pünzün-wangsaile chang. Chixe thüi: “Hünzom Liwi hwome ma alüile atsao laxle, Jowanpa, hünzom putong hwom Zang to shwomkya Zangshwom-Hom atsao angkya changpu. Ija chitsaokya ang achangle tüikya oli pangwüi Zangshwom-Hom angkya alaile awütdao.

EZEKEL 8:13

Ifüima Jowanpae ku füi akax: “Hwome ifüi sütsexle zakkop mwot mokkyabu nange ngün angkya changle.”

EZEKEL 10:18

Ifüima Jowanpa womle tüikya wünnyan zangzunge Zangshwom-Hom fülom danle tox ilaxle ibu zünmokbu khangkho to thung ang ngui.

EZEKEL 11:23

Ifüima ija fixfaxkya zangngaie tingnu dantox ilaxle handünchi ma tüikya haxhua to pao.

EZEKEL 43:8

Wanghom hwome, ku hia hwom bama katuk tuitae atsyenlan laxle, hwom tsaxnaknui ku tsaxnaknui ozuima zing ilaxle hwom kakopabu a ku kapoxbu ozuima zingle changkya makhange, hwome lyenkya nushix dongkya mwotbue ku otsao mün oma ang achangdaoa, ikhoma ku mongtsiktsik, a kue hwom amütdaoa.