EZEKEL 8:3 - OTSAO BAIBEL (BSI)

³ Chixe chak lailaikya tuita thüile ahüi ilaxle ku to kho ma file kop. Ilaxle ija mikngün-ohün ma Zang chasae ku dingkho to nwon ilaxle ku Jerusalem to apüi. Chixe ku, Zang zongto chisumüikya chapa thomle tüikya nui, Zangshwom-Hom nuithong to dong angkya shuakuxchi fülom hato ku apüi.

EZEKEL 8:3 ပူးပေါင်းရင်းမြစ်များ

TSAITONG-KAXTONG 32:16

Hwome chapabu to shwomkyae Jowanpa ang mongma ang tom; hwome mokkya ochaxe chix ang mongtsik ang tom.

EZEKEL 11:1

Zang chasae ku dingkho to nwonle dün ilaxle ku a Zangshwom-Hom handünchikao fülom to pao. Ekhato fülom zui ma kue khünak tsaba-aga ngün. Azzur sasün Jananiah hia Benaiah sasün Pelatiah nyi chuwüi ikhama tüikya. Okhi a onok lompa nyi changkya.

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

DANEL 5:5

Allele khünak chaktho tuita lai ilaxle ija wanghom homlo katuk ma za ang süt; ikhama wüntik chuakkyae zang ngaile tüikya. Ilaxle wanghompa-e katuk ma zale ngokya ija chaktho ngünle lax.

EZEKEL 40:2

Mikngün-ohün ma Zang-e ku a Israel haxtok to pao ilaxle haxnukho atsuakya khama dan. Kue ku tunthoma tingnu tuita lailaikya longhombu huanuma ngünle lax.

EZEKEL 11:24

Mikngün-ohün ma ku a Zang-e dingkho to nwon ilaxle zanda ang ngokya Babilon nok to chatle apüitox. Ifüima ija mikngün-ohün sam,

EZEKEL 2:9

Kuchi to chak tuita thüile ahüi ngokya kue ngün, ilaxle ija ma laitün tuita koplaxle tüikya.

TSAITONG-KAXTONG 32:21

Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

TSAITONG-KAXTONG 6:15

Hünzome mama baozangbu to shwomle jangchang, hünzom hato Jowanpa mongtsik wün ningle nguiüi ilaxle hünzom komkaile amütüi, chemthüikoxle Jowanpa hünzom Zang-e, athax owa hünzom füi ngole tüipuix, chixe chix zongto zanpabu füi münadutsuak.

TSAITONG-KAXTONG 5:9

Chapa tong to shwomle taxakhux, chemthüikoxle Jowanpa ku a hünzom Zang changpu. Kue ku füi alünkya adu ang müntho. Kue ku thua anukya mix to sutai sulai to lünle sikngün apong ang tomüi.

TSAITONG-KAXTONG 4:24

chemthüikoxle Jowanpa hünzom Zang a ole füikya wün ningle changpu; chixe chix füi apüile changkya oli chemchu münadutsuak.

LAIPAO 20:5

Tüta ningkya chapabu tong tochu taxpui chichangba ija to shwomle taxchang, chemthüikoxle ku a Jowanpa, nüfux füikya hünzom Zang changle. Kue mixchi ma sekya mix füi münadutsuak. Ku to miktsakkyabu hato kue sikngün hüi ang tompu. Ija sikngün a sutai-sulai kople ngoüi.

WANGSHEMBU MWOT 8:39

Okhi tikha tokya laikya zuma Jowanpa Chasae Filip tswonle pao. Ija alixachonge chix tamchatle chingün, ikoxlechu mongmüi atungle chix hom to chat.

DANEL 10:18

Chixe tamchatlechu ku to kün, ilaxle ku ma janzüi hidaole hüi.

DANEL 10:10

Ipongma chak tuitae ku to kün ilaxle chak hia cha ma ku syetle ajong; ku a athaxchu abünle wüi ngole tüikya.

EZEKEL 8:5

Zang-e ku ang thüi: “Ziün angkya khünak, shuakux chito hulax.” Kue hukoxle fülom zui angkya tö-tsap hama Zang zongto nushix dongkya chapa tuita kue ngünle lax.

EZEKEL 7:20

Noxta a hwom likwünbu hanpakma ngamle tüikya, ikoxlechu hwome ibu a ma thajao kop angkya chapabu zing ang twonkya khoma Jowanpae hwom tuina a laxli chitüikya tüi ang achang.

EZEKEL 3:14

Ku hato Jowanpa tsak-zong tüle zongle hüi, ilaxle chix chasae ku tswonle paopongma ku hato mongtsik mongma hüi.

EZEKEL 3:12

Ifüima Zang chasae ku nwon, ilaxle ku tokfüichi makhange tüle-tüle chongkya kaxzing tuita kue ile atat: “Zangkangting thakchi to Jowanpa fuazangkya achuak kox!”

JEREMIA 32:34

Hwome, ku to shwom ang zingkya Zangshwom-Hom ma nushix dongkya chapabu to apüile danle ilaxle ija akhu ang tomle.

JEREMIA 7:30

“Judah angkya khünakbue ochax mwot mokdaoa. Kue anukya chapabu hwome Zangshwom-Hom ma danle ilaxle ija chitsaokya ang achangdaoa.

MÜNCHUAK-TSAI 78:58

Hwome hwom songsaribu bao shwomnuibu makhange chix mongtsik ang tom, ilaxle hwome chapabu makhange chix tüle shix-ma ang tom.

2 WANGHOMBU 21:7

Chixe Zangshwom-Hom ma baozangchanu Asherah münwan thom. Ija onui bama Jowanpae Dawid hia chix sasün Solomon hokhi füi ile akax: “Ikha a Jerusalem ma, ija Zangshwom-Hom ma, Israel haxtok ma hwom homjen 12 khama, ku to shwom angkya onui hex-ole kamkya kha changle.

2 WANGHOMBU 16:14

Jowanpa ang atsaole koxkya khop tö-tsap a ija tö-tsap hozün hia Zangshwom-Hom nyi bama tüikya. Ikhoma Ahaz-e ija tö-tsap hozün zongma chaknong ma achex.

2 WANGHOMBU 2:16

Hwome chix ang thüi: “Athax hulax, nang thothale ngokyabu füi tomle, nang tunthoma mixtsak-naomüi hwom sün 50 tüile; nang hopunu lom ang ibu tsanle apaokox; ile chichang thüiningle Zang Chasae nwonle dünlaxle chix a ojongjong haxnukho to chichangba haxbang khato adütle chuwüi thomtüilax.” Elisha-e lan: “Ile münchang, hünzom a chipaoüi.”

1 WANGHOMBU 18:12

Jowanpa Chasa makhange ku tok füima lüile nang chingün-chizik chaxwan to pikle paole jangchangba? Ifüima kue Ahap hama nang ikhama tüile le wünkoxüi, ikoxle chixe nang chiatakle changkya zuma, chixe ku langle awütüi. Ku naosa ma tüitan tokhange wüi mongkoxle Jowanpa to shwomkya mix tuita changpule texle ataklax.

JIHUSUA 24:19

Jihusua-e khünaknu ang thüi: “Ikoxlechu hünzome Jowanpa thothale chang ang chitho tüilax. Chix a otsao Zang ilaxle chixe hünzom thaikya ochaxbu alak ang chithoüi. Chixe chix zan to kakyabu füi adu ang müntho,

LAIPAO 34:14

“Mama baozang tütatochu taxshwom, chemthüikoxle ku a ma zanpa chishan tsuakkya Jowanpa changle.

LAIPAO 20:4

“Ding hia hax ma chichangba tinu mong tochu, zangfang ma hünzome ocha-omua hünzom lualua to tüta ningkyachu taxzing.

EZEKEL 1:1

Zanglao tsübün achyet angkya lyetjang ali to nyix aga lükya ma, Buzi sasün, nguapa Ezekel, ku a Judah nok zanda ang kople paokyabu füi tomle Babilon angkya Kebar Shuanu zui ma ngole tüikya. Zangdingkho kadap, ilaxle kue Zang mikngün-ohün tuita ngün. (

EZEKEL 10:3

Chix nople changpongma ozün ma tüikya zünmokbu a Zangshwom-Hom zongma shuathongchi ma ajongle tüikya, ilaxle hom mongkha a wünkhute awangle tüikya.

EZEKEL 37:1

Jowanpa ku ma nguile tüikya kue awanle lax, ilaxle chix chasae ku nwonle pao ilaxle zabue awangle tüikya haxsha ma athung.

EZEKEL 43:5

Jowanpa Chasae ku nwon ilaxle hommong angkya lopsha to apüi, ikhato kue Zangshwom-Hom a Jowanpa fuazangkyae awangle ngün.

EZEKEL 43:8

Wanghom hwome, ku hia hwom bama katuk tuitae atsyenlan laxle, hwom tsaxnaknui ku tsaxnaknui ozuima zing ilaxle hwom kakopabu a ku kapoxbu ozuima zingle changkya makhange, hwome lyenkya nushix dongkya mwotbue ku otsao mün oma ang achangdaoa, ikhoma ku mongtsiktsik, a kue hwom amütdaoa.

EZEKEL 9:2

Lebama wüi shuakuxchi Zangshwom-Hom zünkai tokna tokya mixsün azok ngui. Hwom pangwüie chang-pax koplaxle tüikya. Hwom füi tomle jaknyi awunlaxle khünak tuita tüikya. Chix ma zale kop angkya tütali koplaxle tüikya. Hwom pangwüi khop tö-tsap zui ma ajong.