EZEKEL 8:2 - OTSAO BAIBEL (BSI)

² Kue angakle hukoxle za-adünle khünak lailaikya tuita ngün. Khyadax makhange fangchi chix tompo a wün lailaile ngün, ilaxle khyadax makhange thakchi chix tsangtsa a khop jan fwotle atsyet thomkya lailaile ngün.

EZEKEL 8:2 ပူးပေါင်းရင်းမြစ်များ

EZEKEL 1:4

Kue angakle hu ikoxle shuakux chitokhange zangchei-cheinu tuita hüile ngokya ngünle lax. Chongkya zangfwom tokhange zangchang ajeple nyan, ilaxle ija akhople zangdingkho jik-jeple tüikya. Ija zangchang ajeple tüikya khama, khop-jan ningkya tütalie nyan.

EZEKEL 8:1

Kwom zanda ang kople paokya zanglao azok lükya lyetkua azok ma nyix aga lükya to, Judah nok angkya zandabu khama lompabu ku füi tomle ku hom ma thungle tüikya. Allele Jowanpa Khüthak Zang zong ku hato hüi.

EZEKEL 40:3

Chixe ku hozui to soxle ahüi, ilaxle kue wi-jan lailaikya khünak tuita ngün. Chixe nyidax ningkya hia janlak ningkya thüt angkya jali chak ma koplaxle zünkai ma ajongle tüikya.

DANEL 10:6

Chix tsangtsa a liknu wai lailaile nyanle ngün. Chix thünza ang zangchangjep wünnyan ningle, ilaxle chix mik a wün lailaile khisumle tüikya. Chix cha hia chakbu a janjong nyan ma nyanle tüikya, ilaxle chix kaxzing a khünaknu tunu asoxkya zing ningle azing.