EZEKEL 7:8 - OTSAO BAIBEL (BSI)

⁸ “Athax janbama wüi hünzome ku mongtsik janzüie pokya awanle hüiüi. Hünzome chem mokdaopuix ija bama kue hünzom ang kaxfün fale ngopu, ilaxle hünzome mokkya zakkop mwot hanpakma kue hünzom to olüix khomüi.

EZEKEL 7:8 ပူးပေါင်းရင်းမြစ်များ

EZEKEL 14:19

“Kue ija haxtok hato okak-olak ahüile jangchang ilaxle ku mongtsiktsik ma khünaknu hia müibu mik amütle khüzün huanuma laxle jangchang,

EZEKEL 9:8

Ile mix langle ngopongma, ku a ikhato ku tata tüikya. Kue haxchi to thüne hule ku hax to tswonle awüt ilaxle akhong: “Jowanpa Khüthak Zang, Israel nok ota toxkya pangwüi langle awütle nang mong Jerusalem füi athukle jao ma pia?”

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

EZEKEL 20:21

“Ikoxle ibu tsünthombue chuwüi ngaithole ku kax aba. Hwome ku wanlombu pünle ama ilaxle ku kaxtombu kax ma chilax; ijabue kax ma laxle tüikyabu pangwüi ang khüzün fase pa. Hwome Sabath tsaolyen. Ekha sak-hax towüi hwom ang ku mongtsik janzüi zongbakle apong ang tom ilaxle hwom pangwüi langle awüt ang ku achwonle tüikya.

EZEKEL 20:8

Ikoxle ngaithole hwome ku kax aba ilaxle ku kax ma münlaxpule angam. Hwome nushix dongkya hwom chapabu chiawüt chichangba Ijip nok baozangbu hwome danle chitox. Ijip nok towüi ku a hwom ang ku mongtsik janzüi komkaile apong ang tomüile achwon ngokya.

ISAIA 42:25

Ikhoma chixe kem to chix mongtsik po ang tom ilaxle azankya ma ziama lejao sikngün ang tom. Israel pangnu khato chix mongtsik a wün lailaile chua, ikoxle chempang changngopuix keme otuechu chiawan; ija makhange keme chemchu tsingle chikop.

EZEKEL 20:33

“Jowanpa ku ozün ma ngokya Khüthak Zang-e, janzüi füikya ku chak hia ku tsak-zong füi kue ku mongtsiktsik ma hünzom to apünle chang angkya kaxkhün koxpu.

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.

MIKNGÜN-OHÜN 14:10

ojao chiawan homle chix mongtsik wansa ma thokkya ju chuwüi hwome lingüi, ilaxle otsao kaxtaimixbu hia Chun Hosa thüntho ma wün hia khat makhange hwom fuxtsüikya tüiüi.

HOSIA 5:10

Jowanpae thüile: “Ku ang mongtsikle chemthüikoxle Judah angkya lompabue Israel tingtakle ilaxle she haxtok ahuxle laxle. Ikhoma tichen ningle kue hwom hato sikngün thokle ahüiüi.

DANEL 9:27

Ija lompa-e zanglao anüt hanpakma mixnokbu füi tsaino-kaxno tomkya tüiüi, ikoxle ija hanpak süifi le le chang füima, chixe to koxle ngokyabu ashukle toxüi. Nushix Dongkya a Zangshwom-Hom atsuakya khama danüi ilaxle ija a owae ija ikhama danlax puix chix bama Zang-e achwonle thomkya oshuk hanpak füi ma-apong ma-apongle ngoüi.”

DANEL 9:11

Israel khünak noknusae nang Wanlombu ama ilaxle nang zangwün to na münthapu le angam. Kwome nang zongto ochax lyenle chang, ikhoma nange kwom hato nang dapa Mosa laipex ma zale tüikya othuak-ozom kwom hato hüi ang tom.

EZEKEL 30:15

Ijip nok ma achongkya zanhunui Pelusiam tingnu to ku mongtsike pokya awan ang tomüi. Thebe tingnu angkya tuina pangwüi kue amütüi.

EZEKEL 22:31

Ikhoma kue ku mongtsik hwom khangkho to awütüi, ilaxle wün lailaile kue hwom, hwome chem mwot tsuakle hüidaopuix, ikhatokya hwom amütüi.” Jowanpa Khüthak Zang-e ija akaxdaoa.

EZEKEL 6:12

Tsailo to ngokyabu, hwom kaküi ilaxle zile paoüi; nuisox to tüikyabu zan ma maxüi; ozün ma tüikyabu a woknuak ma ziüi. Hwome ku mongtsik janzüi ibu pangwüi apongle hüiüi.

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

MANGSOP 2:4

Zanpa to zipupule chixe chix sanhap kem to zi; Chempang kem mongmüi hia mongtex changkya hex ibu pangwüi chixe lang. Ija Jerusalem ma keme chix mongtsike zokkya okham awanle lax.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

MÜNCHUAK-TSAI 79:6

Nang mongtsik a nang to shwom-tole chichangkya tingnok hato apaokox, nang to jop-tole chichangkya khünaknu hato a.

2 PUKAX-PANGAO 34:21

“Paokox ilaxle ku hanpakma tamchu Israel hia Judah ma ngole tüikya khünaknu hanpakma Jowanpa füi tsaitik-kaxshole changkox. Ija laipex ma anwot-anole tüikya tsaitong-kaxza tikle laxhu. Kem putong hwome chix kax ma chilax tamchu ija laipex ma mokle lün angkya chempang zale tüipuix, ibu chemchu chimok, ile changkya khoma Jowanpa ang kem füi mongmakya tüingole.”

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.

EZEKEL 7:9

Kue hünzom opupuchu müntox chichangba hünzom hato chingcha ojao münaho. Hünzome mokle changdaokya zakkop mwot bama kue hünzom to sikangünüi, ikoxtix ku a Jowanpa changle tamchu hünzom to sikangünle ngokya a ku changpule hünzome awanle laxüi.”

EZEKEL 33:20

Ikoxle Israel, kue mokkya mwot a sukya münchangle hünzome thüile. Kue hünzom to hünzom mwot füifüile kaxfün fa angkya changle.”

JEREMIA 36:31

Hünzome mokkya ochax mwot pangwüi khoma kue nang to, nang sixli hwom to, nang pünlix-wangchong hwom pangwüi to sikangünüi. Nangechu ilaxle Jerusalem hia Judah ma tüikya khünaknu owaechu kue kaxkhün fakya to na chitha, ikhoma chempang thama-thomshix bama kue hünzom khünzai ang koxdaoa puix, ibu thama hünzom pangwüi khangkho ma adütüi.”

EZEKEL 7:27

Wanghompa mongmaxle sopüi, wanghomsae monghom asamüi, ilaxle khünaknu a zale abüt-abanüi. Hünzome chempangsa mokdaopuix ibu khoma kue hünzom to sikangünüi, ilaxle hünzom mix bama kaxfün chemle fadaopuix ilailaile kue hünzom bama kaxfün faüi. Ijae hünzom hama ku a Jowanpa changpule ahoüi.”

EZEKEL 9:10

Ikoxlechu kue hwom to chingchakya müntüiüi; hwome mix to chemle hwondaopuix ija ningle kue hwom to hwonüi.”

EZEKEL 11:21

Ikoxle chisumüikya, zakkop chapabu to shwomkya to mongkünkya khünakbu to kue sikangünüi. Hwome chem mokdaopuix ija khoma kue hwom to sikangünüi.” Jowanpa Khüthak Zang-e ija akaxdaoa.

EZEKEL 16:43

Nang naosom tanto kue nang to chemle humele changdaopuix, ibu nange alakdaoa, ilaxle nange mokkya mwotli pangnu makhange nange ku a mong atsikle. Ikhoma kue nang a ibu pangnu bama tsangthom ang tompu. Nange mokle ngokya nushix dongkya mwotbu khato chinunchakkaikya mwot ngaxchu omalax ang athütlaxpu?” Ija kax Jowanpa Khüthak Zang-e akaxdaoa.

EZEKEL 16:59

Jowanpa Khüthak Zang-e thüile: “Nange chem kopse hex ile kue nang to hwonüi, chemthüikoxle nang kaxtsaobu ahai ilaxle tsaotsüt ama.

EZEKEL 18:30

“Athax Jowanpa Khüthak Zang kue hünzom Israel nok füi akax ngopu, kue hünzom pangwüi mae chemle mokle hüidaopuix ija ningle kaxfün faüi. Hünzome mokle ngokya ochax lom pangwüi tokya hünzom mong chatlax, ilaxle hünzome hünzom ochax to ma amüt ang taxtom.

EZEKEL 24:14

Ku, Jowanpae ija akaxdaoa. Ija mok angkya ku hato hanpak nguile hüidaoa. Kue nang ochaxbu naxchanglax le toxüi münchang, chichangba nang hato chingcha-jaja ahole changüichu münchang. Nange chem mokdaopuix, ija bama nang sikngün apong ang tom angkya wüi changle.” Ija Jowanpa Khüthak Zang-e akaxdaoa.

HOSIA 12:3

Okhi honu wok-kha to ngotanto wüi Jakop a chix tüizyep Esau füi ashing; chemtue chix mixmüi ang achangle tsongpuix, chix Zang füi ashing: