EZEKEL 7:4 - OTSAO BAIBEL (BSI)

⁴ Kue hünzom opupuchu müntox chichangba opupu tochu chingcha münaho. Hünzome mokle hüidaokya zakkop mwot khoma kue hünzom to sikangün angkya changle, ikoxtix hünzome ku a Jowanpa changle le awan ang kopüi.”

EZEKEL 7:4 ပူးပေါင်းရင်းမြစ်များ

EZEKEL 6:7

Khünakbu a pangkhato wüi langüi, ilaxle opang ozün ma toxlaxpuix hwome ku a Jowanpa wüi changpule ngaiüi.

EZEKEL 11:21

Ikoxle chisumüikya, zakkop chapabu to shwomkya to mongkünkya khünakbu to kue sikangünüi. Hwome chem mokdaopuix ija khoma kue hwom to sikangünüi.” Jowanpa Khüthak Zang-e ija akaxdaoa.

EZEKEL 5:11

“Ile ku a ozün ma tüikya Zang chang koxle: ija a Jowanpa Khüthak Zang zangwün changle: hünzom chichang-chizangkya hia ochax mwotbu füi ku Zangshwom-Hom akhu ang tomkya khoma, chingcha ojao chitüile kue hünzom dakle anguaküi.

HOSIA 12:2

Jowanpae Judah angkya khünaknu zongtochu tsaitox-kaxfe angkya tüile; hwom khünaknue mokkya mwot khoma chixe Israel tochu sikangün angkya changle. Hwome chem mokdaopuix ija olüix hwom to khom angkya changle.

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

EZEKEL 16:43

Nang naosom tanto kue nang to chemle humele changdaopuix, ibu nange alakdaoa, ilaxle nange mokkya mwotli pangnu makhange nange ku a mong atsikle. Ikhoma kue nang a ibu pangnu bama tsangthom ang tompu. Nange mokle ngokya nushix dongkya mwotbu khato chinunchakkaikya mwot ngaxchu omalax ang athütlaxpu?” Ija kax Jowanpa Khüthak Zang-e akaxdaoa.

EZEKEL 9:10

Ikoxlechu kue hwom to chingchakya müntüiüi; hwome mix to chemle hwondaopuix ija ningle kue hwom to hwonüi.”

EZEKEL 7:27

Wanghompa mongmaxle sopüi, wanghomsae monghom asamüi, ilaxle khünaknu a zale abüt-abanüi. Hünzome chempangsa mokdaopuix ibu khoma kue hünzom to sikangünüi, ilaxle hünzom mix bama kaxfün chemle fadaopuix ilailaile kue hünzom bama kaxfün faüi. Ijae hünzom hama ku a Jowanpa changpule ahoüi.”

EZEKEL 6:14

Changpu, kue ku chak thüiüi ilaxle hünzom chaxwan amütüi. Shuathongchi sak-hax makhange shuakuxchi ma Riblah tingnu alople kue oziak chidünkya haxtok ang achangüi, ile Israel nok ngole tüikya ojongkhachu danle müntox. Ifüimatix ku a Jowanpa jao changpule noknusae awanle lax ang kopüi.”

IBRI 10:30

Chemthüikoxle: “Kue olüix khomüi, kue jan alüiüi, tamchu Jowanpa-e chix khünaknu kaxfünüi”, le thüikya keme awanpu.

ZEKARIA 11:6

Jowanpae thüi: “Kue chaxwan tok angkya owatochu athax chingchakya müntüiüi. Kujaoe khünaknu pangwüi hwom thakma apünle ngokya chak to danüi. Apün-awangkya ibue chaxwannu thomjole changüi, ilaxle kue ija hwom chak tokya khosünle münchang.”)

EZEKEL 24:14

Ku, Jowanpae ija akaxdaoa. Ija mok angkya ku hato hanpak nguile hüidaoa. Kue nang ochaxbu naxchanglax le toxüi münchang, chichangba nang hato chingcha-jaja ahole changüichu münchang. Nange chem mokdaopuix, ija bama nang sikngün apong ang tom angkya wüi changle.” Ija Jowanpa Khüthak Zang-e akaxdaoa.

EZEKEL 23:49

Ilaxle hünkhi na-nao nyi: hünkhie mongzok mwot hia chapabu to shwomle changkya khoma, kue hünkhi to zothupüi. Izuma tix hünkhie ku a Khüthak Jowanpa changle le awan ang kopüi.”

EZEKEL 23:31

Hünzome hünna hwom cha man ma ting, ikhoma kue nang ang ija sikngün wansa tuita angkya wüi ling ang tomüi.”

EZEKEL 22:31

Ikhoma kue ku mongtsik hwom khangkho to awütüi, ilaxle wün lailaile kue hwom, hwome chem mwot tsuakle hüidaopuix, ikhatokya hwom amütüi.” Jowanpa Khüthak Zang-e ija akaxdaoa.

EZEKEL 12:20

Anyix khünake awangle tüikya tingnubu a amütüi, ilaxle hwom chaxwan a tüta puamün chitüikya haxtok ang achangüi. Ifüima hwome ku a Jowanpa changle le awan ang kopüi.”

EZEKEL 8:18

Hwome ku mongtsik janzüi bakle awan ang kop angkya changle. Kue hwom to münshan chichangba chingcha ahole münchangüi. Hwome tsuakkya tukuxle akhongle ku to jopüi, ikoxlechu kue hwom zangjop to münapaüi.”

EZEKEL 7:9

Kue hünzom opupuchu müntox chichangba hünzom hato chingcha ojao münaho. Hünzome mokle changdaokya zakkop mwot bama kue hünzom to sikangünüi, ikoxtix ku a Jowanpa changle tamchu hünzom to sikangünle ngokya a ku changpule hünzome awanle laxüi.”

JEREMIA 25:14

Babilon noke chem mokdaopuix ija pangwüi kue hwom hato achatle koxüi, ilaxle mama jat-libu tamchu chongkya-chongkya wanghombue hwom a da ang laxüi.’”

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

JEREMIA 13:14

Ifüima kue tipebu ningle kue hwom tata füi ahongle changüi, naosom hia mixmüi owachu süile müntox. Hwom mik amüt angkya ku chemningkya chingcha hia jajae chu abaxle tui ang müntho.”

EZEKEL 7:3

“Israel, oshuk a hüidaoa. Ku mongtsike hünzom to pokya hünzome awanle laxüi, chemthüikoxle hünzome mokle changdaokya olom tole kue hünzom to kaxfün fale ngopu. Hünzome mokdaokya zakkop mwot olüi kue achatle koxüi.

AMOS 7:8

Chixe ku ma atüi: “Amos, nange chem ngünpu?” Kue lan: “Jandwonsa tuita shashale ngünle.” Ija ma chixe thüi: “Kue ija a, ku khünakbu a katuk ashei le paoünkya ningle tüile le aho ang twonpu. Kue hwom to sikngün fa angkya bama ku mong tamchatle münalüix.

EZEKEL 33:29

Chemtue kue hwom ochaxbu khoma khünaknu to sikangünle tamchu chaxwan a chilaxle haxtok ang awütle changüihex, izuma hwome ku a Jowanpa changpule awan ang kopüi.”