EZEKEL 7:23 - OTSAO BAIBEL (BSI)

²³ “Pangwüi khosam ma tüile: haxtok pangwüi mix lang mix mixe awangle tamchu tingnubu a alün-aloxkyae awangle tüile.

EZEKEL 7:23 ပူးပေါင်းရင်းမြစ်များ

EZEKEL 9:9

Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.

JEREMIA 27:2

zu ang müikhwon zu ilaxle pün danglang asakle dangzem zinglaxle ija ku dingkux ma alik angkya ku füi akax.

HOSIA 4:2

Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

EZEKEL 11:6

Nange ija tingnu ma khünak huanuma langdaoa ikhoma tingjang lomnu a mange awangle tüile.

2 WANGHOMBU 21:16

Manasseh-e chemngax chichangkya khünakbu huanuma langle, ikhoma Jerusalem tingjang lomnu awangle aji jen; Judah khünaknu chapabu to shwom ang zunle paolaxle Jowanpa zongto ochax lyenle chang ang tomkya obo ang chixe ile mok.

NAHUM 3:10

Ikoxlechu Thebe angkya khünakbu a zanda ang kople pao. Tingjang lomnu pangnu chito hwom su-sabu to fitle lang. Hwom lompabu to janbüi füi khale kople pao ilaxle hwom kople paokyabue ahanle lax.

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

MIKA 2:2

Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

EZEKEL 22:13

“Pa-lole laxngokya hia mix mik amütkyabu khangkho ma kue ku chak ajoüi.

EZEKEL 22:9

Hwom mik amüt angkya hanpakma hünzom kha angkya züizüie owawa hanpakma kaxthai zangwün alaile khualople. Hwom züizüie chapabu ang koxkya töbu chuwüi saxle. Züizüie a jento mix mikzalokya mongzom amüile ngole.

EZEKEL 8:17

Jowanpae ku ang thüi: “Ziün angkya khünak, nange chuja ngünchami? Judah khünak ibu a, nange ikhama ngünle hüidaokya nushix mwot hia onok to ule tata zan to kale mwop alaikya, ibu füi mongzom chimüile ngokyabu changpu. Münchang, hwom ngui angkya wüi ilaxle hwome ibu ija Zangshwom-Homnu mongma mok angkya wüi ilaxle ku ang tsikle ngokya to kai mongtsik adün angkya wüi changle. Hwome tsuakkya tukuxle ku ang omale thüikya to hulax!

MANGSOP 3:7

Chixe ku to janbüi füi khale thom; ku a paole azangthoüile monghom ojao chitüikya kun ma thomkya mix tuita changle.

JEREMIA 40:1

Süpahi lompa Nebuzaradan-e ku Ramah angkya danle changkya füima Jowanpae ku füi zangwün. Ku ikhato janbüi füi khale apüikya; ku füi tomle Jerusalem hia Judah angkya Babilon nok to zanda ang koplaxle apüikya khünaknu pangwüi tüikya.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

JEREMIA 7:6

Pünpao, khaxsa hia zomnu hwom to adix-adakya zakün. Ija haxtok ma chemngax chichangkya khünakbu lang-huakle ngokya zakün. Mixnok baozangbu to shwomkya zakün, chemthüikoxle ijae hünzom olithuüi.

JEREMIA 2:34

Hünzom nyizabu a chem chitsingkya mixshix hia zasa hwom aji füi akhik laxle tüile, ahuxmix hwom aji füi münchang. “Ikoxlechu ibu pangnu lüi to,

ISAIA 59:7

Hünzome ojento chimüikya ochax mwot-lomlom wüi zingle ngo, ilaxle ija chimok homtoxle hünzom adule ngo ang chitho. Chemngax chichangkya khünakbu mik amüt angkya bama hünzom ang ojao cha-ao-mongsaokya chitüi. Hünzom apaopao khato hünzome jali olithule amatox,

ISAIA 59:3

Hünzom a atsekya, changnong-pünthomle tüikya, hia mix mik amütkya ma thaile tüile.

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

2 WANGHOMBU 24:4

tamnüile chu chemngax chichangkya khünakbu chixe langle changkya khoma ile chang ang tom. Jowanpae ija hanpakma Manasseh thaikya alak ang chitho.

JEREMIA 6:7

Tüküi tuitae ikha angkya ti tsaothale thomkya ningle, Jerusalem-e ma ochax tsaothale thomle. Changnong-pünthomkya zing hia pünle amakya zing tingnu ma kue atatle; okak-olak hia thomzün maklaxkya, ibubu ngün ang kople.

EZEKEL 18:12

chixe mix dyenlale chang, mixkux pa-lole lax, omua ma laxkyabue olüi koxle toxkya chixe lax, chix a songsari baozang shwomnui to pao, nushix dongkya chapabu to shwom,

EZEKEL 45:9

Jowanpa Khüthak Zang-e thüi: “Hünzom Israel nok apün-awangkyabu, hünzome okuilole ochax lyenle ngodaoa! Hünzom changnong-pünthomle ngokya hia mix to afangle thomkya zakün. Chem changpuix tamchu supuix ija moklax. Hünzome ku khünaknu ija haxtok angkya tamchatle jwonle chiapao angkya oli. Ku, Jowanpa Khüthak Zang-e hünzom füi ija kax akax ngopu.

EZEKEL 8:16

Ikhoma chixe ku Zangshwom-Hom angkya nuithong to dün. Ekhato otsao nui to dongüi fülom ma, tö-tsap hia nya-o nyi bama, khünak tsaba-aga tukux tüikya. Hwome hwom tok a otsao nui chito aho ilaxle handün chito hule, zanghan chidün to shwomle chikux thongle akhux ngokya.

EZEKEL 12:19

Kaxho ija a hwom haxtok ma ngole tüikya Jerusalem angkya khünaknu ang koxkya kaxho changpule zangfang pangnu nok hato apuakox: Hwome fong zangale saxüi ilaxle ti a mong-shunzole lingüi chemthüikoxle ikhama ngokya owaechu wanlom chilax homtoxle ngokoxle hwom haxtok a zuazoxle dantoxüi.