EZEKEL 7:18 - OTSAO BAIBEL (BSI)

¹⁸ Hwome nyikhwon awunlaxle ngoüi ilaxle hwom abünle maxüi. Hwom khangbu ongüi, ilaxle hwom pangwüi zakkop ma ngoüi.

EZEKEL 7:18 ပူးပေါင်းရင်းမြစ်များ

AMOS 8:10

Kue hünzom pangpwon a mangtsakya ang achangüi ilaxle hünzom mongmüi tsai ang mongma tsai ang achangüi. Kue hünzom khang ongle tamchu nyikhwon apongle chang ang tomüi, ilaxle hünzom a, nao tuita wüi tüikya zile paokya nu-pa hwom ang achangüi. Ija nyix a oshuk kople tüle khax wüi khaxle changüi.

EZEKEL 27:31

Nang hanpakma hwome kho ong Ilaxle hwome nyikhwonbu awun. Hwom sople changpongma mongto tüle kak.

ISAIA 3:24

Ongan müikya twonhaxkux lüima, hwom onom-osya ang changüi; müikya züpakbu laxtülüi ma pak zu awitüi; kho-wan müile changhaxkux ma, hwom khangko ang changüi; nyi-za lüima, hwome nyikhwon laxüi; hwom sünmüi a zakkop ang changüi!

JOB LAIPEX 21:6

Kue ku to chemle changpuix ija ajang-ano pongma, ku tüle za-maxle üntoxle khomtsile abünle.

JEREMIA 48:37

Hwom pangnusae wüi khosex ilaxle kaxmaimun ongle changdaoa. Hwom pangnusae wüi chakbu to zütle changdaoa ilaxle nyikhwonbu apongle changdaoa.

JEREMIA 3:25

Kem a zakkop ma jiplaxle thünzake kem to thünzak füi chwop ang tomkya li. Keme ilaxle kem pupa hwome Jowanpa kem Zang zongto jento achaxle hüidaoa; keme otuechu chix kaxtombu kax ma chilax.”

MÜNCHUAK-TSAI 35:26

Ku sikngün to chanyi wanjaile changkyabu hwom to lüt üntoxle kho asamle changkox; ku füi hwom wüi sümüikyabu changpule akaxkyabu to zakkop hia thajaoe chwop ang tomkox.

PONGWANG LAIPEX 15:12

Chemtue zanghan homle changpuix, Abram hato mikngüt hüile jip, üntoxle khomtsikya hia zakya chix hato hüi.

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

JEREMIA 6:25

Kwom a tingtui-panja hia lomnu ma aham ang mong münchong tsuak, chemthüikoxle akhyep-adi laxle kwom zanpabu tha-nyemle tüile ilaxle thomshix-thamae kwom akhoplaxle tüile.”

JEREMIA 6:26

Jowanpae chix khünaknu füi akax: “Nyikhwon aponglax ilaxle haxbu khato wotlax. Nange tuita wüi tüikya nao zile paopongma chemle sopse hex ile mongmaxle sopkox, chemthüikoxle nang thomjo ang nguile ngokya mixe allele singüi.