EZEKEL 7:16 - OTSAO BAIBEL (BSI)

¹⁶ Haxsha tokya osubu abütle paokya ningle züizüi a haxhua to paole azangüi. Hwom pangwüi hwom ochaxbu khoma mongmaxle changüi.

EZEKEL 7:16 ပူးပေါင်းရင်းမြစ်များ

ISAIA 59:11

Kwome a abüt-aban ilaxle khangkho sam. Kwom to afangle thomkya hia thaikya chak tokya kwom khosün angkya hanpakma kwome Zang sung, ikoxle chemchu chichang.

ISAIA 38:14

Ku zangwün ngaxchu ashole nai, ilaxle su-o ngao ma ngaole ku sop. Zangkho to hukyakyae ku mik nale hüi. Jowanpa, ija zothup chak tokya ku azünhüi.

IZRA 9:15

Jowanpa Israel nok Zang, nang a sukya changle, ikoxlechu nange kwom ozün ma ngo ang tompu. Kwome nang zongto kwom thaidaokya ngaipu; kwom ang nang ngwotnui to ngui angkya chifün ojao müntüi.”

ISAIA 37:31

Pün tuita tsingküi zule julaxle oziak huanuma ziak ang kopkya ningle Judah nok ma ozün ma ota toxkyabu a ahak-aluale changüi.

EZEKEL 36:31

Hünzome mokle changdaokya ochax hia thaikya mwotbu hünzome texle ataküi, ilaxle hünzom ochax lyenle hia thaile changdaokya khoma ma füi alüile nushix dongle changüi.

JEREMIA 44:28

Ikoxlechu hünzom kha angkya züizüi chizile azang paoüi ilaxle Ijip tokya Judah to chat ang kopüi. Ifüima chizile azangkyabue ku kax changle ngaipia hia hwom kax changle ngaipuix, ija awan ang kopüi.

JEREMIA 44:14

Ota toxkya Judah khünak opang Ijip nok ngo ang kapuix, hwom tuita chu paole azang ang chichangba ozün ma ngo ang müntom. Hwom ikhama ngosele tüle sungle changkoxchu hwom opupuchu Judah to chatle münchat. Pünpao tuita hia anyi boma owachu chatle münngui”

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

MÜNCHUAK-TSAI 55:2

Ku to apalax üntoxle ku kaxto lanlax; ku a ku künthang-mongdang makhange azuk-atsyale maxüna.

JEREMIA 9:19

Zaion ma sople akhongkyabu zing apalax: “Kem a amütdaoa! Kem ang komkaile zak akopdaoa! Keme kem haxtok dantox angkya wüi; kem hom-ham bakle atsundaoa.”

EZEKEL 14:22

Owawa ozün ma tüi ilaxle hwom su-sabu sünle thomkya jangtüi, hwom nang hato nguikya zuma hwom to hule koplax. Hulax hwom chemtukuxkya ochaxbu hex ang, ilaxle kue Jerusalem hato ahüile ngokya zothup a asunpule pongle laxlax;

EZEKEL 34:6

Ikhoma ku chunbu a haxnukhobu to samle aham. Hwom a chaxwan thünthün awangle chiakle pao, ikoxle hwom lomle atakkya mix owachu chitüi.

NAHUM 2:7

Wangchanu a zanda ang koplaxle pao; she dacha hwom a jua-o lailaile

ZEFANIA 1:14

Jowanpa hanpak chongkya hüitu nguiüna: müimama lejao ngangle soxüna tamchu mom-momle nguile ngole! Ija nyix a khaxkya nyix ang changüi, chemthüikoxle tüle chachen mongchen füikya naomüibu ngaxchu jemax-hwonsamle akhongüi!

ISAIA 59:12

“Jowanpa, nang zongto kwom thaikya a huanu. Kwom ochaxbue kwom ma kaxhux fele. Kwome ibu pangwüi tiklax ngopu.

JEREMIA 3:21

Haxnukho to ozing tuita atat: ija a Israel khünaknu sopkya hia chingcha jukya zing changle chemthüikoxle hwom a ochax ma ngole hüilaxle Jowanpa hwom Zang alakle changdao kox a.